ఒక్క క్షణం


     
        ఒక్క క్షణం


       ఒక్క క్షణం
       ఆ ఒక్క క్షణం
       అనుక్షణం
       మరువలేనిది
       మరువరానిది
       మరపురానిది                                                  

       పెళ్ళిచూపుల నాడు 
       నే చూడాలనుకున్నా
       పెద్దలు ఆచారంతో
       తల వంచమన్నారు
       అయినా ఆగలేక చూశాను
       నీ చూపులూ నన్ను చేరాయి                               

       అంతమందిలో
       ఆ పెళ్ళి పందిరిలో
       అందాల అరవిందంలా నే
       ఓరగన్నుల చూస్తుంటే నీ
       ఓరచూపులు నన్ను కలిశాయి                            

       శిరమొంచి నే ధర చూస్తుంటే
       కరమెత్తి జీర,బెల్లము పెడ్తుంటే
       ఒకరినింకొకరం తాకుతుంటే 
       ముహుర్త , మేళ తాళాల మధ్య
       ఏవేవో మధుర భావనలు                                   

       నేలచూపులు నే చూస్తుంటే  
       మాంగల్యం తంతు ముగుస్తుంటే
       ఆ పై అత్తారింటికి సాగనంపుతుంటే
       ఇన్నాళ్ళ ఈ ఆప్తులందరిని వదలి
       అడుగు వేయలేక వేస్తుంటే                                 

       అందాల వెన్నెలలో
       అరవిందాల పానుపుతో 
       స్వాగతం పలుకుతూ
       ఎదురుతెన్నులు కాస్తుంటే
       అందరూ నను ముందుకు నెట్టారు
       ఒడి చేరాలని బిదియంతో నే గడియ వేశా              

       వయ్యారాల వాలుకన్నులతో
       నే నిను చేరగానే 
       నీవు నను తాకగానే
       ఎదలో ఏవేవో పలవరింతలు
       తనువంతా పులకరింతలు                                 

                                   ******   





       
       

6 comments:

  1. మధుర భావాల సుమ మాల...

    ReplyDelete
    Replies
    1. థాంక్యూ , సుస్వాగతం .

      Delete
  2. Replies
    1. థాంక్యూ , సుస్వాగతం .

      Delete
  3. వావ్ !!
    చాలా చాలా బాగుంది,
    మీ మనోభావాల దోబూచులాట !!

    ReplyDelete
    Replies
    1. నాది కాదు ఓ వధువు మనోభావాల దోబూచులాట .

      Delete