వాడుక మఱచెదరేలా ?


                                                                                                                            వ్యాస రచన :శర్మ జీ ఎస్
                                                                      
                                                                       

                                                                               


ఒక్కడి కోసం ఎందరినో చంపటం అమానుషం 
ఎందరి కోసమో ఒక్కడు చావటం ఆదర్శం .

అసలు వస్తువు కనుగొనటానికి మూలకారణం ప్రజా ప్రయోజనాల కొఱకు మాత్రమే .
అలాంటి సదుద్దేశంతో కనుగొన్న పిమ్మట , వాటిని ఉపయోగించే వాళ్ళు దుర్వినియోగానికి పాల్పడటం శోచనియం .
అలాంటి దురుద్దేశాలతోనే ఆ కనుగొనబడిన మూలపురుషుడి ఆత్మ ఎంతగా ఘోషిస్తుందో , కళ్ళెదుట యిటువంటి ఘోరాలు అవలీలగా జరిగిపోతుంటే కళ్ళు చెమల్చని వాళ్ళుంటారా ?

తుపాకీ : కనుక్కొన్నది ఆత్మ రక్షణకు , దుష్టుల శిక్షకు .
ఆ పేరులోనే వుంది . 
అవసరమైనప్పుడు వాడితే అది తుపాకి
అనవసరమైనప్పుడు వాడితే తు పాకీ అని .

అణుబాంబు : కనుక్కొన్నది దేశ రక్షణకు మాత్రమే .

చలన చిత్ర నిర్మాణం పుట్టింది : సమాజంలో జరుగుతున్న పొరపాట్లను చూపిస్తూ , ఆ పొరపాట్లను ఎలా ఎదుర్కోవాలో చూపించటం . ఇందులో నీతి వున్నది .
కాని ఆ చలన చిత్ర నిర్మాణాన్ని బూతుల దృశ్యాలకు కేటాయించి మనుషుల మనస్తత్వాలను బళీన పర్చటం అతి పెద్ద నేరం .

టెలివిజన్ : ఎప్పటికప్పుడు సమాజంలో , దేశంలో , ప్రపంచాలలో జరుగున్న పరిణామాలను చూపించటం కొఱకు కనుగొనబడినది . ఆనందం అధికంగా కేటాయించబడినది . క్రమేపీ ఆ విషయం మఱుగున పడి ,కక్ష , కార్పణ్యాలు , ద్వేషా విద్వేషాలను , ఆడవాళ్ళ్కు ఆడవాళ్ళే శత్రువులుగను చూపించటం ఎంత ఘోరమో . 
ఎక్కడో ఒకచోట ఒక చిన్న పొరపాటు జరిగితే దానిని కొత్తవారితో చిత్రీకరించి , హంగామాల విశ్లేషణలతో ప్రసారం చేయటం నేరమే .

ఇలా సదుద్దేశంతో కనుగొనబడిన ప్రతిదీ దుర్వినియోగ పాలవటం , ఈ నాడు క్షిపణితో కూల్చబడ్డ మలేసియా విమానంతో సమానమే .

కనుక ఎవరికి వాళ్ళు కొంచెమైనా ఆలోచించి సద్బాటకు దోహదపడ్తే మఱి కొంత కాలానికైనా మంచే జరుగుతుందని ఆశిద్దాం .

ఆ మలేసియా విమానంలో అసువులు బాసిన వారి ఆత్మలకు శాంతి కలగాలని హృదయపూర్వకంగా కోరుకుంటున్నాను .

1 comment:

  1. వారి ఆత్మకు శాంతి కలగాలని దేవుని ప్రార్దిస్తున్నాను,

    ReplyDelete