ఉన్నత జన్మ ఈ మానవ జన్మ

                                                                                                                                    రచన : శర్మ జి ఎస్

ఏదైనా అలవాటు చేసుకోవటం తేలికే . దానిని వదలించుకోవటమే చాలా చాలా కష్టమైన పని .

తెలియక చేసేది పొరపాటే , తెలిసి చేసేది , చేస్తున్నది అలవాటుగ పరిగణించాలి . అలా అలవాటైనవి మానాలంటే చెప్పినంత తేఇలక కాదనే చెప్పుకొని తీరాలి .

కొన్ని కొన్ని అలవాట్లు ప్రకృతి, కాల పరంగా వచ్చేవి . అలా వచ్చే అలవాట్లు ప్రకృతి , కాల పరంగా కాలక్రమంలో పోతాయి .

కొన్ని కొన్ని అలవాట్లు శారీరకంగా , ఈ శరీరాన్నంతటినీ అంతర్లీనంగా తన ఆధీనంలో  ఉంచుకొని ఆధిపత్యం చెలాయిస్తున్న ఆకారమే లేని మనసు వల్ల ఏర్పడుతుంటాయి . ఈ అలవాట్లలో కొన్ని దురలవాట్ల కోవలోకి చెందినవి . అటువంటి ఆ దురలవాట్లకు ఈ ప్రాణి బానిస అయిపోతుంటుంది . అందులోంచి బయటకు రావటం అంత సులభమైన పనే కాదంటుంటారు . అది వాస్తవంలో నిజమే కావచ్చు .

ఈ ప్రపంచంలో ని సమస్త ప్రాణులలో ఈ మానవ ప్రాణులు తాము అనుకొన్నది సాధించుకొనే అవకాశాలు అధికంగానే అంది పుచ్చుకొన్నాయనే చెప్పుకోవాలి . ఆ దిశగా అడుగులు వేస్తే సాధించుకోగలరు .

దీనికి కృషి , దీక్ష , పట్టుదల , శ్రధ్ధ , క్రమశిక్షణ అంటే  స్థిర సంకల్పం అన్నమాట . దీన్ని అంటిపెట్టుకొంటే ఆ దురలవాట్లను వదలించుకోగలరు .
ఈ కృషి , దీక్ష , పట్టుదల , శ్రధ్ధ , క్రమశిక్షణలు అలవరచుకోవటానికి ముందు స్థిర సంకల్పం చాలా చాలా అవసరమన్నది గ్రహించి మసులుకోవాలి . త జీవితాన్ని ఆనందమయంగా మలుచుకోవాలి .

ఈ అవకాశం , అవసరం ఒక్క మానవులకు తప్ప ప్రాణులకు తప్ప మరే ప్రాణులకు లేనే లేదు . 
ఎందుకంటే వాటికి ఇవేమీ తెలియవు . పుడ్తున్నాయి , జీవిస్తున్నాయి , మరణిస్తున్నాయి . 

లా ఈ మానవుల జన్మ ఉండదు , ఉండకూడదు .

మిగిలిన ప్రాణులకు , మానవ ప్రాణులకు తేడా ఒక్కటే . విచక్షణా ఙ్నానం . అది ఆ మిగిలిన ప్రాణులకు బహు తక్కువ , ఈ మానవప్రాణులకు బహు ఎక్కువ . 
అందుకే  ఈ మానవ ప్రాణులు మిగిలిన ప్రాణులకు కూడా సాయం చెయ్యాలని ఆలోచిస్తుంటాయి .

కనుక ఈ మానవ జన్మ ఎత్తినందుకు తోటి ప్రాణులను అవసరమైన సమయంలో ఆదుకొనటంతోనే ఈ మానవ జన్మ సార్ధకత చెందుతుంది .

ఒకవేళ ఆదుకొనే శక్తి లేకుంటే , ఏ ప్రాణులకు హాని , కీడు తలపెట్టకుండా ఉన్నా ఈ మానవ జన్మ సార్ధకత చెందినట్లేనని అర్ధంచేసుకోవాలి .

అందుకనే ఈ మానవ జన్మ మహోన్నతమైనదని చెప్పబడ్తోంది , కీర్తించబడుతుంది మన వేదాలలో , అనేక గ్రంధాలలో కూడా .

                                                                      *************

ఇట్స్ సో ఈజి............


                                                                                                                                  సేకరణ : శర్మ జి ఎస్



ఈ నడుమ ప్రముఖులు

" విదేశీ వస్తువులు కొనటం మానేయమని అందఱికి చెప్పటం " పరిపాటి అయింది .
అలా చేస్తే ఆ విదేశీ డాలర్ విలువ పడిపోతుందని , మనదేశ ద్రవ్యం విలువ వృధ్ధి అవుతుందని .


అలనాడు మనసు కవి , మన సుకవి ఆచార్య ఆత్రేయ గారు చెప్పారు " ఎదుటివారికి చెప్పేటందుకే నీతులున్నాయి " అని .



ఎదుటివారిని మారమని చెప్పేబదులు , మనం మారటం చాలా తేలిక . ఆ విషయాన్ని గ్రహించకుండా ఎదుటివారిని మారమంటున్నారు .



ఈ నీతులు / మంచి మాటలు చెప్పే వాళ్ళ ఇళ్ళలో ఎక్కువగా వుండే వస్తువులు ఆ విదేశీ వస్తువులే . అంతే కాదు వాళ్ళ పిల్లలు కాని , వాళ్ళ వాళ్ళ పిల్లలు చదువుకునేది కూడా ఆ విదేశివే .


ఏదైనా ఓ మంచిమాట ఎదుటివారికి చెప్పాలంటే దానికో అర్హత కావాలన్న విషయాన్ని మన పూర్వీకులు ఏనాడో సెలవిచ్చారు . అదే ఆనవాయితీగా వస్తోంది .
అందుకే ఆధ్యాత్మిక గురువులు తమ తమ గురువుల ఆదేశాల మేర సమాజానికి మేలు చేయటానికి ఉపక్రమిస్తుంటారు .


ఆ మధ్య మన ప్రధానమంత్రి గారు కూడా యిలాగే చెప్తూ , ఆయన ఒబామా వస్తున్నాడని ఓ ఖరీదైన సూట్ వేసుకొన్నాడుట . పేదరికం గురించి తెలిసిన తను కూడా యిలాంటి వాటికి ప్రలోభ పడితే , యిక ప్రజానీకానికి మార్గదర్శకుడిగా ఎలా నిలబడగలడు .

అంత గొప్ప రామకృష్ణ పరమహంస గారు కూడా , తను ఎదుటివారికి చెప్పేముందు , తాను ఆచరించి ఆ పైనే చెప్పేవారు . అప్పుడే ఆ మాట ఆదర్శనీయమౌతుంది , ఆచరణయోగ్యమౌతుంది .

**********



ఏ సన్ కైనా లెసన్ అవసరమే



                                                                                                                                   సేకరణ : శర్మ జి ఎస్

గతం గాని , చరిత్ర  గాని ,  పఠించి  , పరిశీలించితేనే బోధపడ్తుంది . 

1.                                                   Kindness costs nothing
                                                                    But
                                                        Knowledge is power...

2. "The most used alphabet 'A' doesn't appear in spelling of 1 to 999 ,
       it appears for the 1st time in 1000 and continues forever...............

       That means We must know "Success requires a lot of patience!''


3. What is talent?

    Rahul Gandhi is yet to start his career at 43 yrs and Mr Sachin retired and awarded 
   “Bharat  Ratna” at 40yrs. .....that's called talent of Mr Sachin . 

    Thats Talent .

   కొంతమంది అపజయాలు మరెంతమందికో గుణపాఠాలు .
   ఒక్కొక్కరి విజయాలు ఎంతమందికో మార్గ దర్శకాలు .

4. What is success?

    In 1988 Tendulkar failed in English in 10th Std.
    Now in 2014, 10th Std English 1st Lesson is about TENDULKAR. .....
    Thats Success..


                                                                   ***************

లెక్క చేయండి , ప్లీజ్ ......................

                                                                                                                            సేకరణ : శర్మ జి ఎస్ 

బ్యాంకుల నుంచి వచ్చే నోట్ల కట్టలు సీల్ వేసి వస్తుంటాయి . వాటిని సహజంగా ఎవ్వరూ లెక్క చేయరు అంటే లెక్క పెట్టుకోరని అర్ధం . ఎందుకంటే అన్నీ సక్రమంగా వుంటాయన్న గట్టి నమ్మకమే దానికి పునాది . దేనికైనా పునాది గట్టిగా వుంటేనే చిరకాలం నిలబడగలుగుతుంది .
అటువంటి ఆ పునాది కూడా గట్టిగా వుండటం లేదని ఈ నడుమ తేలటంతో నోట్ల కట్టలు ఎల్లప్పుడూ లెక్క పెట్టుకోవటమే కరెక్టు అని తేట తెల్లమవుతున్నది . ఈ క్రింది లింకుని పరికించి చూడండి .



video

**********


ఏ సవ్వడి చేయకు విజయం నీ వెంటే


                                                                                                                                      సేకరణ : శర్మ జి ఎస్


                                                                                                               

ఎప్పుడైనా , ఎవరైనా శత్రువుతో తలపడదలచుకొంటే , ముందుగా అందుకు అవసరమైనవన్నీ సమకూర్చుకోవాలి . ఈ సమకూర్చుకొనే సమయంలో నువ్వు ఎవ్వరికీ నువ్వు చేయదలచుకొన్న పనిని తెలియపరచ కూడదు . ఎందుకంటె నీకు ముఖ్యమైన వాళ్ళే ఆ శత్రువుకు నీకు సంబంధించిన విషయాలన్నింటినీ చేరవేశారేమోనన్న అపోహలు నీకు కలగవచ్చు . వాస్తవానికి అది నిజం కాకపోవచ్చు కూడా . ఎందుకంటే నీ లోపలి ఉద్దేశం నీ పెదవి దాటి బయటకు వస్తే అది Fఋధివి దాటిపోతుందన్న నానుడి మన పూర్వీకులు ఏనాడో వెలిబుచ్చారు . 
వాస్తవానికి ఆ నీ లోపల ఉద్దేశం నీకు ముఖ్యమైన వాళ్ళు నీ శత్రువుకి చేరవేయక పోవచ్చు . ఆ ఉద్దేశాలని " భావ తరంగాలని " గాలి ద్వారా వెళ్ళిపోతుంటాయి . రెసీవ్ చేసుకొనేవాడి శక్తిని బట్టి వుంటుంది .

ఆ పై ఆ శత్రువును ఎదుర్కోవాలి . 

ఆ పోరులో గెలిచేటంతవరకు నీ ధ్యాస ఆ శత్రువుని గెలవటం మీదనే ఉంచాలి . అప్పుడే నువ్వు అనుకొన్న దానిని సాధించ గలవు .

అలా సాధింపబడిన విజయం అంతటా వ్యాపించేస్తుంది నీకు తెలియకుండానే .

అదే అసలైన విజయం . ఎప్పటికీ గుర్తుంచుకో . ఎన్నటికీ మరువకు .

***********
                    

సెట్టింగు కాదు , బెట్టింగు కాదు .....మఱి ?

                                                                                                                                    సేకరణ : శర్మ జి ఎస్




చదివారు గదా ! 

ఈ కొటేషన్ వ్రాసిన వాళ్ళు బహుశా " వైద్యో నారాయణో హరిః " అన్న నానుడినే పునాదిగా తీసుకున్నారని తెలియవస్తోంది .

నిజానికి ఆ దేవుడు , ఈ వైద్యుడు యిరువురు స్నేహితులు  కాని ,  వ్యాపార  భాగస్వాములు కాని  కానే కారు   బహుశా ఈ వైద్యుడు కూడా మానవుడే అన్నది మరచి వ్రాసినట్లున్నారు ఈ పై కొటేషన్  .   

చదివి కాసేపు చమత్కరించుకోవటానికి , నవ్వుకోవటానికి బాగుంటుందే తప్ప నమ్మటానికి వీలు లేనిది .

దేవుడు అంటే లింగభేదం లేని శక్తి అన్నమాట . అందుకే ఈ ప్రపంచంలో అంతటా ఆ శక్తిని చూడగలుగుతున్నాము . ఆశక్తే కొద్ది కాలమైనా లేకుంటే అశక్తులమవుతున్నాం . అధిక కాలం లేకుంటే శవంగా , శక్తిహీనమై , నిర్జీవులమైపోతున్నాం . 


అలా లింగభేదం లేని ప్రాణిగా ఎక్కడా లేదు . ఈ ప్రపంచంలోని ప్రాణికోటిలో తప్ప మిగిలిన ప్రకృతిలో అంతటా  ఆ శక్తి  వ్యాపించియున్నందున , ఆ శక్తి ఈ లింగభేద ప్రాణులలో కూడా చేరి మన ప్రాణికోటి అన్నింటికీ స్వల్పకాలం మనటానికి మనుగడనిస్తున్నది . ఈ స్వల్ప కాలంలో మనం ఎంత తెలుసుకో గలిగితే అంత తెలుసుకొని , మనం ఆనందంగా జీవనం సాగించాలి . ముందు తరాల వారికి మార్గదర్శకం కావాలి .

ఇదే  కదా !ఈ మానవ జన్మకి సార్ధకత .

***************

ఎలా ఉండే వాళ్ళం ......? యిలా ఉన్నాం.......


                                                                                                                           సేకరణ : శర్మ జి ఎస్

గతం స్వగతంగా కొన్ని సందర్భాలలో బాగుండవచ్చు .
అన్ని సందర్భాలలో బాగుండదు . గతం బయట పడితే , దానిని బట్టి భవిష్యత్తును చక్కగా రూపొందించుకొనే సదవకాశం కలుగుతుంది . 
                                                                                                                               
ఈ విషయం మనకే కాదు , మన దేశానికి కూడా చాలా అత్యవసరమని తెలియవస్తోంది .
గతాన్ని పరిశీలించినప్పుడు , అప్పుడు తెలిసో , తెలియకో జరిగిన , దొర్లిన పొరపాట్లు మఱలా భవిష్యత్తులో జరుగకుండా , తగు జాగ్రత్తలు తీసుకొని భవిష్యత్తును బంగరు మయంగా చేసుకొనే దిశగా అడుగులు ( దేశమైతే చర్యలు చేపట్టాలి ) వేయాలి .

                                                                         


  
 ************


అవకాశాన్ని అందుకోండి

                                                                                                                       సేకరణ : శర్మ జి ఎస్ 
           

సోదర సోదరీ మణుల్లారా ,

ఓ నాడు అదే మేము చదుకునే రోజుల్లో చదువుకునేటందులకు ఆర్ధిక స్థోమత లేని కుటుంబాలకు ప్రభుత్వం ఆర్ధిక సాయం అందించేది స్కాలర్షిప్ రూపంలో . అందులో కుల, మత ప్రాధాన్యమేమీ లేకుండా విద్యార్ధికి చదువులో వున్న ప్రతిభని బట్టి , ఆ విద్యార్ధి చదువులో ప్రగతి పధంలో దూసుకు వెళ్ళాలన్న సదుద్దేశ్యంతో యిచ్చేవారు .

ఈ రోజుల్లో ప్రభుత్వమే కాకుండా కొన్ని కొన్ని ప్రైవేటు సంస్థలు కూడా ప్రత్యేకంగా ఈ మార్గాన్నే ఎంచుకొని ఎంతో మంది చదువుకోవాలనుకొనే విద్యార్ధులకు ఈ ధన సదుపాయం ఏర్పరిచారు .

ఈ అవసరము వున్న వాళ్ళు , ఈ అవకాశం వినియోగించుకొని సద్వినియోగ పరచుకొనవలసినది . 

ఈ అవసరము వున్న వాళ్ళకు తెలియపరచి మీకు చేతనయినంత సాయం మీ తోటి వారికి అందించవలసినది .





             
                                                                       *******************


ఛేంజ్ ఎక్స్ఛేంజ్

                                                             
                                                                                                                                     సేకరణ : శర్మ జి ఎస్


పుష్కరం అంటే 12 సంవత్సరాలన్నమాట . మన భారతదేశంలో 12 నదులు వున్నాయి .
అవి :
1 .  గంగ    
CountriesIndia, Bangladesh
StatesUttarakhand, Uttar Pradesh, Bihar,Jharkhand, West Bengal
                                  
2 .  నర్మద
CountryIndia
StatesMadhya Pradesh, Maharastra,Gujarat

3 .  సరస్వతి
Ghaggar river flowing through Panchkula inHaryana in India. Ghaggar-Hakra River has been identified as the historic Sarasvati river by many researchers.

4 .  యమున 
CountryIndia
StatesUttarakhand, Uttar Pradesh,Haryana

5 .  గోదావరి
CountryIndia
StatesMaharashtra, Telangana,Chhattisgarh,Andhra Pradesh,Pondicherry (Yanam)
RegionSouthern India, Western India

6 .  కృష్ణ
CountryIndia
StatesMaharashtra, Karnataka,Telangana, Andhra Pradesh

7 .  కావేరి
CountryIndia
StatesKarnataka, Tamil Nadu

8 .  భీమ
CountryIndia
StatesMaharashtra, Karnataka,Telangana

9 .  తపతి
CountryIndia
StatesMadhya Pradesh, Maharastra,Gujarat

10.  తుంగభద్ర
CountryIndia
StatesKarnataka, Andhra Pradesh,Telangana
  
11.  పరిణీత
CountryIndia
StatesMaharashtra, Telangana
DistrictsGadchiroli, Adilabad

12.  తామ్రపర్ణి
CountryIndia
StateTamil Nadu
DistrictsTirunelveli, Thoothukudi

ఈ నదుల వివరాలు విక్కీ పీడియా సహకారంతో .

 12 నదులు 12 సంవత్సరాలకొకమారు పరవళ్ళు త్రొక్కి ప్రవహిస్తుంటాయి . అంతవరకు వున్న ఆ నీళ్ళు స్వఛ్ఛతను సంతరించుకొంటాయి . ఆ ప్రవహించే నదిలో స్నానం చేస్తే సర్వ రోగాలు పోతాయన్న నమ్మకాన్ని జన ప్రభంజనంలో చాటినా ప్రయోజనం లేక , సులభంగా జన ప్రభంజనంలో నాటుకు పోయేలా భక్తి మార్గాన్నే ఎంచుకొన్నారు . భక్తికి ముందు భయం ఎప్పుడూ వుంటుంది కదా ! అందుకనే భయభక్తులు అన్నట్లున్నారు . సర్వ పాపాలు పోతాయని , పుణ్యం మూట వస్తుందని , అది కూడా ఆ ముక్కోటి దేవతలు వచ్చి మనకు కనపడకుండా మనతో స్నానం చేసి , మన పాపాల్ని వాళ్ళు తీసుకొని వెళ్తూ , బదులుగా పుణ్యం మూట అందిస్తారని ప్రచారంలోకి తెచ్చారు కొన్ని యుగాల ముంటి మూల పురుషులు . 

ఇలా పుష్కరాల పుటక ప్రారంభమైంది . 
మామూలుగా ఈ నదులలో స్నానం చెయ్యమంటే ఏ పదిమండో, వందమందో ఎంతో ఖర్చు పెట్టుకొని వచ్చి స్నానం చేసి వెళ్తారు .
మఱి లక్షలలో వచ్చి స్నానం చెయ్యాలంటే భయం గాని , భక్తి గాని వుండాలి . 
మానవులలో నుంచే మఱల మానవులు ( మానవులే కాదు ఏ ప్రాణికోటి అయినా ) పుట్టుకొస్తున్నారు . కనుక వీరిలో యుగారంభం నాటి నుంచి చూసిన ఆ నాటి మానవులు అసలు సిసలు వాస్తవాన్ని గ్రహించి వుంటారు . అదే శక్తి హీనత , అలా తగ్గుతూ రావటం . జనసంద్రం పెరిగి పోవటం . నియంత్రణ చెయ్యి దాటి పోతున్నది . వీళ్ళు చెబితే వింటారు , కాని ఆచరించరు అన్న ధృఢనిశ్చయానికి వచ్చిన వాళ్ళై యిలాంటి దైవ సంబంధమైన భక్తిని ప్రాచుర్యం చేశారు . 
అలా అలా ఆచరిస్తూనే వచ్చారు .
కాలక్రమంలో శక్తిహీనులై  తమ యిష్టానుసారం  ఎవరికి వాళ్ళు ప్రవర్తించటంతో , ఆ తర్వాత యుగాల లోని నిబధ్ధత గలిగిన కొంతమంది మేధావులు భయభక్తులను ప్రాచుర్యంలోకి తెచ్చారు . 

ఆ నాటి ముందు యుగాల వాళ్ళ ముందు చూపు బహు దొడ్డది . 


ఆ ముందు చూపుని వక్ర మార్గంలో సమాజంలో చొప్పించి తోటి మనుషుల మనసుల్ని మోసం చేసి ధనార్జనకు పాటుపడి ప్రోగు చేసుకోవటం వల్ల నమ్మకం కోల్పోవలసి వస్తున్నది . 



లెకుంటే , మనం ఈ ప్రపంచంలో పొందుతున్నదానికి కృతఙ్నతగా ఎంతో కొంత తిరిగి ( ఆ పంచభూతాల ప్రకృతికనండి , లేదా ఆ అనంత శక్తికనండి , లేదా ఆ అనంతశక్తికి ప్రతిరూపాలుగా భావిస్తున్న దైవానికనండి ) సమర్పించుకొనటం సబబే . 

అలా కొనసాగినవే ఈ పుష్కరాలలో స్నానం చేస్తే పాపాలు పోవటం , పుణ్యం రావటం .


                                                                                 


ఇటువంటి విషయాలు విన్న తర్వాత తప్పులు , పాపాలు , ఘోరాలు , నేరాలు పెరిగిపోతాయన్న భయం ఎక్కువై పోతున్నది .
ఎందుకంటే ఈ " తాళపత్ర నిధి లోని పుష్కర స్నాన మహిమ " ను చదివిన తర్వాత , ఆ పుష్కరం(12 సంవత్సరం)లో ఎన్ని పాపాలు ,ఘోరాలు , తప్పులు , నేరాలు చేసినా , ఒక్క మారు పుష్కర స్నానం చేస్తే సర్వ పాపాలు , తప్పులు , నేరాలు మఱియు ఘోరాలు సమష్టిన సమసిపోతాయట . 
మన పాపాల్ని ఆ ముక్కోటి దేవతలు తీసుకుపోతారుట . వాళ్ళు మనతో పాటు స్నానం చేసే భాగ్యాన్ని వాళ్ళకు కలిగించినందులకు పుణ్యం మూట యిచ్చి వెళ్ళి పోతారుట .

వాళ్ళు " ఒక వేళ పొరపాటున / గ్రహపాటున పాపాలు చెయ్యటం జరిగితే , యిలాంటి వాటి వల్ల ఆ పాప నివృత్తి చేసుకోవచ్చని . " 

ఆ విషయం వదలి " ఆ పొరపాటుని అలవాటుగా చేసుకొని , యిలా పుష్కర స్నానాలు చేసి పోగొట్టుకో చూస్తున్నారనే చెప్పుకోవచ్చు కొంతమందైనా "


మన ముందు యుగాల వాళ్ళు మంచి కొరకు ప్రారంభించిన అన్నింటిని యిలా తప్పుగా ఉపయోగించటం అలవాటుగా మారి ఆనవాయితీగా చేసుకొంటున్నారు . 

గమనిక : ఈ వ్యాస ఉద్దేశ్యం ఎవ్వరినీ , శాస్త్రాలని విమర్శించటం కాదని అర్ధం చేసుకోవలసినది . 
               ఆర్ధంచేసుకొని ఆచరించగలిగితే అమిత ఆనందం , సుఖం అందుకోగలరు . 
               నేడు మనం యిలాంటి విషయాలని శ్రమ పడకుండా మన ముందు యుగాల వాళ్ళు ఆ శ్రమంతా వాళ్ళే                    పడి మనకు అందించటం జరిగిందని గ్రహించవలసినది .



*                    *                  *

చట్టం కాకూడదెవ్వరి చుట్టం


                                                                                                                                     రచన : శర్మ జి ఎస్

నిర్భయ పేరు వినగానే అలనాటి అంటే ద్వాపరయుగం నాటి హస్తినాపురమనికి వారసత్వమని ఘనంగా ఈనాడు చెప్పుకొంటున్న ఢిల్లీ మనకు గుర్తుకొస్తుంది .
ఆ వారసత్వం ఎటువంటిదంటే , అలనాడు ఒక్కరు కాదు , ఐదుగురు భర్తలున్న ఆ ద్రుపద మహారాజు గారి రాచపుత్రిక ద్రౌపదికే అంతమంది పెద్దల సమక్షంలోనే వివస్త్రను చేయ్య విశ్వ ప్రయత్నం చేశిన వారసత్వం పుచ్చుకొన్న ఢిల్లీ అది . 

అటువంటి ఢిల్లీలో యిక సామాన్య మహిళలది దీనస్థితియే కదా ! .

పైగా నిర్భయను  నడిబజారులో వెళ్తున్న బస్సులో పట్టపగలు నిర్భయంగా అత్యాచారం చేసిన ఆ దోషి సింఘ్ ని పాత్రికేయుల ఇంటర్వ్యూకి అనుమతినివ్వటం , ఆతనిపై లఘు చిత్రాన్ని తీయటానికి అనుమతులనివ్వటం గత రాజకీయ పాలనలో శతాబ్దిగాఘ చరిత్ర ఉన్న కాంగ్రెస్ ఈ దుశ్చర్యకు పాల్పడటం ఘోర తప్పిదం . 
అందునా ఢిల్లీలో మహిళా మంత్రి గత దశాబ్ద పరిపాలనలో . కంటి తుడుపు చర్యగా ఒక చట్టం సృష్టించాం . దానితో యిక నుంచి మహిళ నిర్భయంగా ఎక్కడైనా తన అవసరాలకు తగ్గట్లు బయటకు వెళ్ళి రావచ్చు అని ఓ స్టేట్మెంట్ యిచ్చారు . ఆ చట్టాన్ని అమలు చేసే దిశగా అడుగులు వేయలేదు . ఆ చట్టం తదుపరి ఢిల్లీలోనే కాదు గల్లీ గల్లీలో అత్యాచారాలు పేట్రేగి పోతున్నాయి . నోరు తెఱచి అడిగినవారికి ఆ చట్టాన్ని చూపుతున్నారే తప్ప అత్యాచారాలు చేయకుండా చూసే ప్రభుత్వమే రాలేదు నేటి వరకు .

ఇటువంటి నేరస్తులను గొప్పగ మీడియాలో చూపిస్తుంటే , యింకా యింకా అనేకులు పేట్రేగి పోతూనే వున్నారు .

ఇలాంటి వాళ్ళ(దోషుల)కు రాజుల కాలంలో బహిరంగంగా వేసిన ఉఱిశిక్షను సత్వరమే అమలు జరపాలి . అప్పుడైనా పూర్తిగా కాకున్నా , అత్యధిక శాతం అత్యాచారాలు తగ్గే అవకాశాలు ఎక్కువగ వుంటాయి . 

ఆ దోషులను సమాజానికి చూపించాలన్న తపన ( మా ఛానల్ ముందు చూపింది ,మా ఛానల్ ఎక్కువ కవరు చేసింది అని గొప్పలు చెప్పుకొంటున్న ఈ మీడియా పోటీ ప్రపంచంలో ) కంటే , ఆ నేరస్థులను న్యాయస్థానం ఏ ప్రలోభాలకు లొంగకుండా నిర్ణయించిన పిమ్మట , వెంటనే ఆలస్యం లేకుండా ఉఱి తీయించి , ఆ దృశ్యాన్ని కొన్ని రోజుల పాటు ఈ మీడియాలలో ప్రసారం చేయగలిగితే అప్పుడు చాలా వఱకు అత్యాచారాలు తగ్గుతాయి . ఇదే మన ప్రభుత్వాలు సత్వరం తీసుకోవలసిన చర్య .  

దాని వల్ల చనిపోయిన వారి ఆత్మ శాంతిస్తుంది అనటం కంటే , జీవించి వున్న వారందరూ ఆనందంగా , హాయిగా జీవించే అవకాశం వున్న వాళ్ళు అవుతారు .

ఆ క్షణం నుంచైనా వాళ్ళ వాళ్ళ పిల్లలు సంస్కారం నేర్చుకొనే దిశగా అడుగులు వేస్తారు . 

చట్టాలు సృష్టించటం ఘనం కాదు , అమలు జరపటమే ఘనం , ఆనందం , ఆమోదం . 

                                                                                       *************

మితమే ..........

                                                                                                                                       రచన : శర్మ జి ఎస్ 

సర్వ సాధారణంగా ఈ జీవరాసుల మనుగడకు ఈ ప్రపంచంలోని కొన్ని ముఖ్యమైన వాటికి కృతఙ్నతతో యిమిడి వున్నది ఆరంభం నుంచి . 


ఆ కొన్నింటిలో యివి లేనిదే ఏ జీవ రాసులు జీవించలేవని తెలుసుకున్న మానవుడు వాటికి కృతఙ్నతగా తల వంచి పూజించటం ఆరంభించాడు ( భయంతో కానీయండి , భక్తితో కానీయండి ) . ఎందుకంటే అవి లేనిదే జీవించలేడు , అవి అధికమైనా జీవించనూ లేడు అన్నమాట . అంటే ప్రాణికోటికి లేదా జీవరాసులకు మితంగా కావాలి అవి .

అవి ఏవంటే పృధ్వ్యాపస్తేజో వాయురాకాశాత్ లు 5 అన్నమాట , కాదు ఉన్నమాటే . వీటి శక్తిని అవగతం చేసుకొన్న మానవుడు , వాటిని అంతు తెలియని భూతాలుగా భావిస్తూ  , అతీతమైన అనంత శక్తి మారు రూపాలుగ భావించాడు , ఆరాధించటం మొదలుపెట్టాడు నాటి నుంచి . 

ఇలా మానవుడు తాను పొందుతున్న సుఖాలకు కారణమైన వాటిని అతీతమైన , భావించి అనంత శక్తిగా ఆరాధించటం మొదలు పెట్టాడు .


అందుకే మన భారత దేశంలో చెట్లను , పుట్టలను , జంతువులను ( కౄర మృగాలను ) పూజించటం ఆరంభమైంది .


చెట్లను పూజించటానికి కారణం ఆ చెట్ల నుంచి పొందుతున్న , మూలాల వేరులు గాని , ఆకులు గాని , పూత గాని , పూవులు గాని ,  కాయలు గాని , పండ్లు గాని కారణమైనాయి . వాటిలోని విటమినుల లాంటి శక్తి  ప్రాణికోటి జీవనానికి మూలాధారమైనవి  కాటమే అసలు కారణం .


పుట్టలను పూజించటానికి కారణం ఆ పుట్టలలో నివసిస్తున్న పాములు జన జీవనానికి పరమ ప్రమాదకరమైనవి . అటువంటి వాటిని డైరెక్టుగా పూజించే ధైర్యము లేక , వాటిని కూడా ఆ అనంత శక్తిలోని  భాగాలుగా భావించి  పూజించటం ఆరంభించాడు . 


ఆ  కౄర మృగాలను కూడా యిదే కోవలోనికి చేర్చి పూజించటం ఆరంభించాడు .


ఈ పూజలన్నింటిలోను స్వార్ధమే కాకుండా కృతఙ్నత కూడా యిమిడి వున్నది .


ఇలా పూజించటంలో , జీవించటంలో  తప్పేమీ  లేదు . 


ఇలా గుడ్డిగా పూజించటం దేనికనుకొన్న కొంతమంది ( ముందు తరాల వాళ్ళను దృష్టిలో వుంచుకొన్న వారై ) ఆ అనంత , అతీత శక్తికి ఆకారాలేర్పరచి ఆరాధించటం ఆరంభించారు . 

ఆనాటి వారి దృష్టిలో దైవం , దేవుళ్ళు అంటే అతీతమైన సర్వ సద్గుణ శక్తులుగా భావించేవారు .  

నిజానికి వారారాదిస్తున్నది సర్వ సద్గుణ శక్తులనే . ఆ శక్తులున్న వాటన్నింటినీ దైవ స్వరూపాలుగా భావించి పూజించేవారు .   


కాకుంటే కాలక్రమంలో ఈ పూజలని తమ సంకుచిత స్వార్ధాలకు వాడుకోవటం మొదలైన తర్వాత , వాటి మీద నమ్మకం సన్నగిల్లి , వాటి మూలాలనే శంకించి , అసలు అవేవీ లేవనే పరిస్థితికి దారి తీశాయి .


వాస్తవానికి నేటికి అవి లేనిదే జీవరాసి జీవనం లేనే లేదు . అయితే ఆ అతీతమైన శక్తులను కృతఙ్నతా భావంతో కాకుండా వైఙ్నానిక శాస్త్రంతో చూస్తూ వాడుకొంటూ , కృతఙ్నతనే మఱచి , యిదంతా తన తెలివితేటలతో సాధిస్తున్నాననుకొంటున్నా
రు నేటి వారు  . 

ఆ నాటి మానవులకు కృతఙ్నతా భావం వుండబట్టే , వాళ్ళు ఘనంగా జీవించ గలిగారు . వాళ్ళు అలా గౌరవించ బడ్డారు . 


నేడు విడి విడిగా పరిశీలిస్తే ఎవ్వరికి వారి వారి కుటుంబాలలో గౌరవం లభ్య పడుట లేదు . అలాగని జీవితాలు వెళ్ళవన్న దిగులు అఖ్ఖరలేదు . 

ఎందుకంటే ఈ సువిశాల ప్రపంచంలో ఎన్నో , ఎన్నెన్నో జీవరాసులు జీవిస్తూనే వున్నాయి . రాసులు రాసులుగా పుట్టుకొస్తున్నాయి , గిట్టి పోతు న్నాయి అను నిత్యం . ఆ జీవరాసులలో మనమూ ఒకళ్ళము . 

మిగిలిన జీవరాసులకు , మన మానవులకు  ఒక్కటే తేడా  . 
అదే ఆలోచనా సంస్కారం . 
దీనిని సక్రమంగా వుపయోగించుకొంటే , మానవుడికంటే అదృష్ట వంతమైన ప్రాణి  ఈ సువిశాల ప్రపంచంలో మరొకటి లేనే లేదని చెప్పవచ్చు . అందుకే ముందు తరాల వాళ్ళు సదా చిరస్మరణీయులులుగా మిగిలిపోయారు .

కనుక మితిగా తెలుసుకొని మసులుకోవలసిందే , అతిగా తెలుసుకొంటేనే అసలు సమస్య మొదలవుతుంది , ఆ అసలుకే ఎసరు వస్తుంది అని   ఎంతైనా మంచిది .


                                                                                 *              *            *

ఆనుక్షణం ఆనందం మీ (మన) వెంటే


                                                                                                                                     సేకరణ : శర్మ జి ఎస్


గుండె 

ఇది లేని జీవం లేదు . అది వాటి వాటి ఆకార ప్రమాణాన్ని బట్టి ఉంటుంది .
ఇది అన్ని జీవ రాసులకు అత్యంత ప్రధానమైనది . 

ఆగకుండా నడవాలని 
మనలను నడిపించాలని 
మనతో కలసి మెలసి 
స్నేహితునిగా మసులుకోవాలని
ఆగకుండా ఆ దిశగా తను 
అడుగులు వేస్తూనే వుంది
జీవంలో చేరిన నాటి నుంచి
మన గురించే అడుగడుగునా
ఆవేదన చెందుతోంది 
అరుగులు పట్టుకు కూర్చోవద్దంటుంది 
పరుగులు పెట్ట(లే )కున్నా 
నడిస్తే చాలంటుంది 
ఆలోచించండి ఆ తపన
ఎవరి కొఱకో ?????????  

ఈ చిత్రాన్ని క్షుణ్ణంగా పరిశీలించండి 

ఆడ ఆడా , మగా తేడా లేదంటూ ,
ఎడమ వైపు మగవానిలా ,
కుడి వైపు ఆడదానిలా  ,
కనబడుతోంది
లింగభేదం లేనే లేదంటోంది 
గుండె  ఉంటే చాలంటోంది .
................................
అర్ధమైంది కదూ 
మన కొఱకే నని 
ఆలస్యం చేయకండి 
అనుకరించండి 
సహకరించండి 
ఆనుక్షణం ఆనందం మీ (మన ) వెంటే  

*************

అనేకంలో మమేకమైన ఏకం

                                                                                                                                     సేకరణ : శర్మ జి ఎస్



Do you agree that we have 26 alphabets in English, as given below

A = 1 ; B = 2 ; C = 3 ; D = 4 ;
E = 5 ; F = 6 ; G = 7 ; H = 8 ;
I = 9 ; J = 10 ; K = 11 ; L = 12 ; M = 13 ; N = 14 ; 
O = 15 ; P = 16 ; Q = 17 ; R = 18 ; S = 19 ; T = 20 ;
U = 21 ; V = 22 ; W = 23 ; X =24 ; Y = 25 ; Z = 26.


With each alphabet getting a number, in chronological order, as above, study the following, and bring down the total to a single digit and see the result .

Then please observe the following words with their relevant numbers and start counting .

H A R D W O R K 
8+1+18+4+23+15+18+11=98%

K N O W L E D G E 
11+14+15+23+12+5+4+7+5=96%


S U C C E S S
19 + 21 + 3 + 3 +19 + 19 =  84%

L O V E 
12+15+22+5 = 54%

L U C K 
12+21+3+11 = 47%

None of them makes 100%. Then what makes 100% ?

Is it Money ? 

M O N E Y = 13+15+14+5+25=72%

NO !

Leadership ? 

L+E+A+D+E+R+S+H+I+P= 12+5+1+4+5+18+19+8+9+16= 97%

NO !

Every problem has a solution , only if we perhaps change our "ATTITUDE"... yya 

A T T I T U D E 
1+20+20+9+20+21+4+5 = 100%

It is therefore OUR ATTITUDE towards Life and Work that makes
OUR Life 100% Successful. 

Hence we have to change our ATTITUDE , if we want Success in our entire life .


Amazing mathematics in the religion Gods .



Hindu -

S  h  r  e  e   K  r  i  s  h  n  a
19+8+18+5+5+11+18+9+19+8+14+1=  135=9

Muslim

M  o  h  a  m  m  e  d
13+15+8+1+13+13+5+4=  72=9

Jain

M a  h a v  i  r
13+1+8+1+22+9+18=   72=9

Sikh
G  u  r  u   N  a  n  a  k
7+21+18+21+14+1+14+1+11 =  108=9

Parsi
Z  a  r  a  t  h  u  s  t  r a
26+1+18+1+20+8+21+19+20+18+1=  153=9

Buddhist
G  a   u  t  a  m
7+1+21+20+1+13=   63=9

Christian
E  s   a  M  e  s  s  i   a  h
5+19+1+13+5+19+19+9+1+8=  99=18=9

Each one ends with number  9  

THAT IS NATURE'S CREATION TO SHOW THAT GOD IS ONE !!! 

భగవంతుడు ఒక్కడే అన్నది మాత్రం సత్యమే . కాని ఈ మాటలను తయారు చేసినది మాత్రం మనుషులే . వాళ్ళ వాళ్ళ మతాల అభిమతానుసారం . ఈ పేర్లన్నీ ఇంగ్లీషు భాషలోనే ఒకటవుతాయి  .

అందుకనే ఆ ఆంగ్లేయులు దేవుడు ఒక్కడే , కాని మీరనుకొంటున్న రూపం కాదు , అతీతమైన అనంత శక్తి అంటాడు .

మన భారతీయులు అనేకంగా కనపడ్తున్న ఒక్కటి అని ఏనాడో తెలుసుకొన్నారు . 

అందుకే అంతటా ఆ అనంత శక్తిని చూస్తున్నారు , అన్ని రకాల దేవుళ్ళను అంగీకరిస్తున్నారు , ఆరాధిస్తున్నారు .


                                                                             ************************

చిత్రమే


                                                                                                                                     సేకరణ : శర్మ జి ఎస్

ఇది మనకు నూతనంగా రాబోతున్న ఆంధ్ర రాజధానట .

ఎక్కడ తుళ్ళూరు ? ఓ మారు మూల పల్లె . అక్కడకి వెళ్ళాలంటే బస్సు సౌకర్యం వున్నా , బస్సు షెల్టర్ కూడా లేక ఓ చెట్టు క్రింద బస్సునాపి ఇదే తుళ్ళూరు దిగండి అనె పరిస్థితి ఈనాటిది .

అటువంటి ఆ ఊరు నేడు ఆ హస్తిన సోనియా గాంధి దురాలోచన , తొందరపాటు వల్ల మనం ఉమ్మడిగా వున్న మనం విడిపోయి , మన ఆంధ్ర ప్ర్దేశ్కి నూతన రాజధాని తుళ్ళూరు కావటం  చిత్రంగా వుంది కదా ! 

                                                                        


                        *********

ఎదురుగా నిలబడి దణ్ణం పెట్టుకోవచ్చా....?

                                                                                                                                   సేకరణ : శర్మ జి ఎస్



అసలు దణ్ణం ఎందుకు పెట్టుకోవాలి అని ప్రశ్నించే ఈ రోజుల్లో , దేవుళ్ళకు ఎదురుగా నిలబడి దణ్ణం పెట్టుకోవచ్చా అన్న సందేహం చాలా మందిలో లేకపోయినా , ఆ సందేహాన్ని నిస్సందేహంగా జనాల మనసుల్లోకి అతి సులువుగా ఎక్కించేస్తుంటారు .


అసలు దేవుళ్ళ వద్దకు ఎందుకు వెళ్తారు , ఎవరు వెళ్తారు అంటే ? 

కష్టాలలో వున్నవాళ్ళు తమ తమ అభీష్టాలను ఆ దేవుళ్ళకు విన్నవించుకొని ఆ గండాల నుండి గట్టెక్కాలనే చెప్పుకోవాలి . 

ఈ జగత్తును పాలించే ఆ దేవుని దర్శించాలని వెళ్ళే వాళ్ళు ( ఎవరైనా గాని ) , ఒక ప్రక్కగా నిలబడి ఎంతో వినయంగా భక్తితో నమస్క రించాలే తప్ప ఆ పరమేశ్వరుని ఎదురుగా నిలబడి నమస్కరించకూడదు.



దేవుళ్ళు అంటే మన కష్టాలను తొలగించి , మన యిష్టాలను ఆలకించి ఆదరించేవారని .

అందుకనే అన్ని దేవాలయాల్లో కూడా ఇందుకు తగినట్లుగానే ఏర్పాటు చేయటం మీరు గమనించవచ్చు. 
దేవునికి ఎదురుగా నిల్చొని నమస్కరించ కూడదని వేదాలు కూడా చెప్తున్నాయి .

ఎందుకంటే ,


దేవుళ్ళ  విగ్రహ ప్రతిష్ట జరిగే రోజున ఆ విగ్రహాల కళ్ళకు మైనం పెడతారు . ఆ తదుపరి విగ్రహం ప్రతిష్ట జరిగాక ఆ దేవుని విగ్రహనికి పెట్టిన మైనాన్ని తొలగింగానే స్వామి వారి దృష్టి మొదట ఆ విగ్రహనికి ఎదురుగా ఏర్పాటు చేసిన ఆవు దూడపై పడేలా ఏర్పాటు చేస్తారు. ఆ తర్వాత స్వామి వారు తన రూపాన్ని తను అద్దం లో చూసుకోనేలా చేస్తారు .అటు పిమ్మట స్వామి వారికి మహా నివేదన ఏర్పాటు చేసి అయన దృష్టి ఆ నివేదన మీద పడేలా ఏర్పాటు చేయడం జరుగుతుంది.దీని అర్థం ఏమిటంటే గుడిలో ఉన్న స్వామి వారి దృష్టి సరాసరి ధ్వజస్తంభం క్రింద ఉన్న తన ప్రతిబింబం మీద పడాలి . వారిద్దరి నడుమ వేరెవ్వరూ నిలబడ కూడదు.  విగ్రహ ప్రతిష్ట జరిగిన రోజునే కాదు ...ఏ రోజునైన స్వామి వారికి అయన వాహనానికి మద్యన ఎవ్వరు కూడా నిలబడకూడదనే దేవుని ఎదురుగా నిలబడి దణ్ణం పెట్టుకోకూడదని అంటారు.


ఒక ప్రక్కగా నిలబడి దేవునికి వినయంతో చేతులు జోడించి దణ్ణం పెట్టుకోవాలి. భక్తితో మీ మనసులోని కోరికలని విన్నవించు కోవాలి .


వాస్తవానికి ఈ ప్రపంచం పంచన వుంటున్న ఆ నవగ్రహాలను కూడా , దేవుళ్ళుగానే భావిస్తారు . ఎందుకంటే ఆ గ్రహాల ప్రభావం , ఆ ప్రపంచంలోనే జీవిస్తున్న ఈ మానవుల మీద పడటం వల్లనే , ఈ ఈతిబాధలు కలుగుతున్నాయని భావించి , ఆ గ్రహాల ఆగ్రహాలకు గురి కాకుండా , ఆ గ్రహాలను కూడా ఆ దేవుళ్ళ కోవలోనే చేర్చారు . పూజలు ప్రారంభించారు .


శనికి తప్ప మిగిలిన అన్ని దేవుళ్ళకి  ఎదురుగా నిలబడి నమస్కారం చేయకూడదు . 

కాని ,
శని దేవుణ్ణి మాత్రం ప్రక్కనుంచి చూడకూడదు.శనికి ఎదురుగా వెళ్లి నమస్కారం చేసి మనమే ప్రక్కకు వెళ్లిపోవాలి .
అయ్యా శనిదేవుడా , నన్ను ఓ పట్టు పట్టి నీ వద్దకు రప్పించుకోవటం వల్ల ,తప్పని సరి నీ వద్దకు  వస్తే నీవు నన్ను వదలిపెడ్తానంటే వచ్చాం . ఇంకా నీ ఎదురుగా ఎందుకు నిలబడ్తామయ్యా బాబూ అని మనసులోనే అనుకొంటూ వెంటనే వెళ్ళిపోవాలట అక్కడ నుంచి .  

                                                                              ********************

కోల్పోతున్నాం..............

                                                                                                                                   సేకరణ : శర్మ జి ఎస్



ప్రతి మనిషికీ ఎంతో కొంత స్వార్థం ఉంటుంది. నిజమే కానీ , కేవలం మన కోసమే మనం బ్రతకడంలో అర్ధం లేదు. తోటివారి శ్రేయస్సును కూడా కొంచెం దృష్టిలో ఉంచుకోవాలి. 
అందరూ బాగుంటేనే, మనమూ బాగుంటామని గుర్తించి, గుర్తుంచుకోవాలి. 
మహర్షులు ఎన్నో సందర్భాలలో  ' పరోపకారార్థమిదం శరీరమ్ ' అని చెప్పారు. చెప్పడమేకాదు, ఆచరణాత్మకంగా చేసి చూపించటంలో  వారు ఎలాంటి ప్రతిఫలం ఆశించకుండా ఇతరుల కోసం ఎంతో కొంత చేసేవారు . 
అందుకే ఆ మహర్షుల నాలుక మీద సరస్వతీ దేవి నాట్యమాడేది . ఆ విషయం వాళ్ళ వాచకంలో తేట తెల్లమయ్యేది . దానినే వాక్శుధ్ధి అంటారు .
మహర్షులు మాట్లాడేది తప్పకుండా జరిగేది. సత్ప్రవర్తన, సత్యవాక్కుల మహత్తు అది. మహర్షులు వివిధ ప్రయోజనాల కోసం రకరకాల హోమాలు చేసేవారు.  సదా తమ సదాశయాలను నేరవేర్చుకునేవారు. ఇక్కడ గమనించ వలసింది ఏమంటే మహర్షుల కోరికలన్నీ నేరుగా కానీ, అంతర్గతంగా కానీ ప్రజల కోసమే  అంటే లోక కళ్యాణం కోసమే ఉద్దేశించి వుండేవి అన్న మాట !

మహర్షులు అంటేనే పదిమంది హర్షించదగిన పనులు మాత్రమే చేసేవారని అర్ధం .

ఆమధ్య శ్రీశైలం దగ్గర జరిగిన హోమం సందర్భంగా ఆకాశంలో పెను పరిమాణంలో పెద్ద శిల నదీ జలాల్లో పడటం, జాలరులు తాటి చెట్టు ఎత్తున పైకి లేవటం పేపర్లలో కూడా వచ్చింది. 

హోమాల్లో ఎన్నో రకాల సమిధలు వాడవలసి వుంటుంది. ఒక్కో సమిధ ఒక్కో గ్రహానికి సంబంధించినదై వుంటుంది. అంటే అన్ని గ్రహాలూ సమతుల్య స్థితిలో వుంటేనే సృష్టి సక్రమంగా వుంటుంది..

కొన్నిసార్లు వాతావరణం సానుకూలంగా ఉండదు. వ్యాధులు సోకటం, వర్షాలు సక్రమంగా పడకపోవటం లాంటివి జరుగుతాయి. ఏ ఒక్క గ్రహానికి సంబంధించిన శక్తి (ఎనర్జీ ) భూమిమీద తక్కువగా వున్నా అసమతుల్యతలు ఏర్పడతాయి. అందుకే ఆయా గ్రహాలకు సంబంధించిన మూలికలు, ధాన్యాలతో, ఇతర వస్తువులతో హోమం చేస్తారు. స్థూలంగా ఇదీ హోమం చేయటంలో  గల ముఖ్యోద్దేశం .


హోమ ఫలాలు సమిష్టిగానే కాకుండా, వ్యక్తిగతంగా కూడా అందుకునే విధంగా జ్యోతిష్యవేత్తలు కొన్ని సూచనలు చేశారు. ఎవరైనా ఒక వ్యక్తిపై నవగ్రహాలలో ఏదో ఒక గ్రహ ప్రభావం తక్కువగా వుంటే దానికి సంబంధించిన రంగంలో లేదా విషయంలో ఆ వ్యక్తికి వ్యతిరేక ఫలితాలు వస్తాయి. ఏ వ్యక్తి అయితే వ్యతిరేక ఫలితాలను అనుభవిస్తున్నాడో ఆ వ్యక్తి ఇంట్లో హోమం చేయిస్తే చక్కటి ఫలితాలు వస్తాయి. సూర్య గ్రహ ప్రభావం బాగా తగ్గిపోయి, అదే సమయంలో ఇతర గ్రహాలు కూడా అననుకూలంగా మారితే, ఆ వ్యక్తి అకాల మృత్యువాతన పడవచ్చు లేదా ఆరోగ్య పరంగా తీవ్ర నష్టం జరగవచ్చు. దీనిని నివారించేందుకు సూర్యగ్రహానికి సంబంధించిన శాంతి చేయమని సూచిస్తారు.

తరచుగా హోమాలను చేసినట్లయితే ఏ రకమైన ప్రమాదాలు, ఇబ్బందులు ఎదురుకావు. హోమాలలో రకరకాల మూలికలు వాడతారు. శని గ్రహం అనుకూలత కోసం శమీ వృక్ష సమిధను, రాహువు కోసం గరిక ఉపయోగిస్తే, సూర్యానుగ్రహం కోసం అర్క సమిధను ఉపయోగిస్తారు. కేతు గ్రహ ఉపశాంతికోసం దర్భను ఉపయోగిస్తారు. ఆయుర్వేదం ప్రకారం అర్కలో కుష్టు వ్యాధిని నయం చేసే శక్తి వుంది.

శరీరంలో ఉత్పన్నమయ్యే వివిధ రకాల దోషాలను పోగొట్టగలిగే శక్తి ఈ మూలికకు వుంది. అలాగే చంద్రగ్రహ శాంతి కోసం మోదుగను వాడతారు. అటు వైద్యపరంగా చూస్తే జీర్ణ వ్యవస్థను అద్భుతంగా పునరుజ్జీవింప చేసే శక్తి మోదుగకు వుంది. రక్తాన్ని శుభ్రపరుస్తుంది. రావి చెట్టు కలపను గురు గ్రహోపశాంతి కోసం ఉపయోగిస్తారు.ఇది వివిధ కఫ దోషాలను రూపుమాపుతుందని ఆయుర్వేదంలో వుంది.

హోమంవల్ల అన్ని ప్రయోజనాలు ఉన్నాయి. ప్రత్యక్షంగా మన ఆరోగ్యానికి. పరోక్షంగా నవగ్రహాలపై ప్రభావం చూపుతుందని అర్థం అవుతుంది. మరో ముఖ్య సంగతి ఏమంటే, హోమ క్రమం గురించి క్షుణ్ణంగా తెలిసినవారు హోమం చేస్తేనే హోమ ఫలం అందుతుంది .

అసలు గ్రహాలు అంటే శక్తికి ప్రతీకలు . ఈ విషయాన్ని మన ముందు యుగాల వారు క్షుణ్ణంగా పరిశీలించి , వాళ్ళ జీవితాలకు , తోటి వాళ్ళ జీవితాలకు అన్వయించుకొని , ఆ పై శాస్త్రంగా వ్రాసేశారు . అలా ఏర్పడినవే ఈ శాస్త్రాలు , నియమాలున్ను .

ఈ శాస్త్రాలని చాలా మంది మూఢ నమ్మకాలుగా భావించుకొంటున్నారు .


వాస్తవానికి యివి మూఢ నమ్మకాలు కానే కాదు , నిగూఢ రహస్యాలు మాత్రమే .  దీనిని  
బయటకు వెల్లడి చెయ్యకుండా వుండేసరికి , మఱి కొంతమంది దైవం పేరుతో వాళ్ళను బలహీనుల్ని చేసి క్యాష్ చేసుకొంటున్నారు . 

ఇలాంటి పనికిమాలిన వాళ్ళ వల్ల శాస్త్రం కూడా విలువను కోల్పోతున్నది . 



                                                                          *                     *                   *