భయ భక్తులు


భయ భక్తులు 
( కవిత )
                                                                                                                     రచన : శర్మ జి ఎస్
తప్పులు , పాపం చేస్తే ,
ఆ దేవుళ్ళే కాపాడతారని ,
తప్పులు చేయటం ,
అదో ఘనకార్యంగా ,
అలవాటు చేసుకొన్నారు  ,
ఆ భావన తోనే  ,
ఆ దేవుళ్ళనే వేడుకొంటున్నారు  '

కాపాడటం లేదనుకుంటే  ,
ముడుపులు కట్టబెడ్తూ ,
తమ యిడుములు బాపమంటున్నారు ,
అప్పటికీ కనికరించకుంటే ,
ఇంకొంచెం యిస్తానంటారు ,
బదులు రాకుంటే ,
తమంతట తామే ,
పోనీ యిది కూడా తీసుకో అంటూ ,
డీల్ పెంచుతుంటారు ,
ఎలాగైనా తమని ,
ఒడ్డున పడేయమంటారు .

అదేమంటే ,
మీరున్నది మా  కోసమే కదా!
ఆవాసమే లేకుండా ,
అటూ , ఇటూ ,
తిరుగుతున్న మీకు ,
ఈ ఆవాసాలేర్పరచింది  
మేమే కదా ! అంటూ 
ఎదురు తిరుగుతారు 
మమ్ము కాపాడకుంటే ,
మా మాట వినకుంటే ,
మీ ఆవాసాలకే  ఎసరు పెడ్తామంటారు ,
పదే పదే చేస్తుంటారిలా బ్లాక్ మెయిల్  . 

భక్తి లేనే లేదు , 
భయమూ పోయింది ,
అందుకే  అన్నారు ,
మన ముందు తరాల వారు ,
భక్తి , భయమూ లేకున్నా ,
భయ భక్తులైనా వుండాలని  .

వాస్తవానికి ,

ఆ దేవుడి ( అనంత శక్తి ) ముందు ,
ఏ జీవైనా , జీవుడైనా ,
ఓ అణువు మాత్రమే నన్నది ,
గ్రహించుకొంటే చాలు ,

ఆ చెత్త వేషాలకు చెక్  చెప్పినట్లే .



********

తల ( వం ) పులు


  " తల ( వం ) పులు "
                                                                                                                    రచన : శర్మ జి ఎస్ 
( ఆదివారం వారపత్రికలో ప్రచురింపబడినది 6/12/1981 )

ఊపులతో
చేస్తారు రేపులు
అవుతాయి
రేపు రేపనేది లేకుండా 
జీవితాలు మాపులు
ఆపై
నలుగురిలో
తలవంపులు 

         *******

ఎదగటం - ఒదగటం



                                                   ఎదగటం - ఒదగటం
                                                                                                                   వ్యాసరచన : శర్మ జి ఎస్   

పిల్లలు పుట్టినప్పటి నుంచి ఎదగమని వెంటపడుతుంటారు . 
అలాగే ఎదిగిన తర్వాత నది వయసు దాటిందంటే అడగమని వేధిస్తుంటారు .

ఎదగటానికి ఎంతోమంది సాయం కావాలి , దొరకచ్చు , దొరకక పోవచ్చు . దొరకక పోయినా ఎదుగ గలరు .

మరి ఒదగటానికి ఎవ్వరి సాయం లభ్య పడదు , ఎవరికీ వారే ఒదిగి వుండవలసి వస్తుంది . 

వి  మానవ జీవితానికి చాలా ముఖ్యమైనవి .

తల్లితండ్రులు తమ ( ఆడ / మగ ) పిల్లల దగ్గర వుండవలసి వస్తుంది ఎంత స్థితి
మంతులకైనా . ఎలాగంటే ప్రేమతోనో , కన్న పిల్లల అవసరాలకో లేక భార్యా భర్తలలో ఒకరు గతించో లేక వున్న ఒక్కగా నొక్క కొడుకును వదులుకోలేకనో , లేక వున్న ఒకే ఒక్క కూతురిని వదులుకొని , విడిగా వుండలేకనో , లేక తమ మనుమళ్ళు , మనుమరాండ్రు చిన్న పిల్లలనో , లేక తమ కోడలు ఉద్యోగం చేస్తుందనోవాళ్ళకు ఎవరి అండ లేదనో పలు రకాల కారణాలను వాళ్ళ వాళ్ళ మనసులకు సర్ది చెప్పుకొని వుంటూంటారు .
ఇటువంటి పరిస్థితులలో తప్పనిసరిగా ఒదిగి వుండవలసి వస్తుంది . ఒదిగి వుండటం ఒక వైపు మాత్రం వారినే ఆశ్రయిస్తుంది .
చెప్పటం తేలికే . ఆచరణకు చాలా చాలా కష్టతరమైనది .
పెద్ద వయసు వచ్చిన తల్లితండ్రులు ఏమి చేసినా , ఏమి మాట్లాడినా తప్పుగా చెలామణి అవుతుంటుంది . ఎందుకంటే పిల్లల సంపాదన ముందు , తల్లితండ్రుల సంపాదన లెక్కకు రాదు . వాళ్ళు అనుభవించిన కష్టసుఖాలన్నీ పిల్లలకు లెక్కకు రావు . దీనికి బలమైన కారణం సామాజిక జీవన శైలిలో త్వరితగతిన వచ్చిన ఊహించని పెను మార్పులు
సామాజిక జీవనంలో యిటువంటి మార్పులు సమాజ శ్రేయస్సుకు ఉపయోగ పడవలసిందే . స్వంత లాభంగా ఆపాదించుకోకూడదు . అదేదో తామే సాధించినట్లు , తామే అనుభవిస్తున్నట్లు , వాళ్ళ పెద్దలేమి యిటువంటివి వారి జీవన యానంలో చూడలేదన్నట్లు , వీళ్ళే జీవన విధానానికి నాంది పలికినట్లు భావించకూడదు .
పెద్ద వయసు వచ్చిన తల్లితండ్రులు అందుబాటులో వున్నారంటే ఎంతగానో ఆనందించాల్సి వున్నది . వాళ్ళు మార్గదర్శకులు తమ పిల్లలకు అన్ని సమయాలలో . విషయం మరచారు నేటి పిల్లలు .
తాము ఎంతో చక్కగా చూస్తున్నా తమ దగ్గర తమ తల్లి తండ్రులు వుండలేకపోతున్నారని , అందుకే వాళ్ళ మనసుని బాధ పెట్టటం యిష్టం లేక వృద్ధాశ్రమంలో డబ్బులు నెల నెలా ఖర్చు చేస్తున్నాము . నెలకొకమారు వాళ్ళ దగ్గరకు వెళ్ళి కుశల సమాచారములు అడిగి వస్తున్నాము . పిల్లలను అడిగినప్పుడు వాళ్ళకు చూపించలేకపోతున్నాము అంటే , వాళ్ళ వాళ్ళ చదువులు , ఉద్యోగాల వల్ల వీలు కుదరటం లేదు . వీలు కుదిరినప్పుడు మొబైల్లో మాట్లాడిస్తూనే వున్నాము . అయినా వాళ్ళకు సంతృప్తి లేదు . అంతకు మించి ఏమి చేయగలం అంటుంటారు చాలా మంది పిల్లలు .
నాడు ఆంగ్లేయులు భారత దేశాన్ని పరిపాలించిన కాలంలో , దేశ  స్వాతంత్య్రం లేదు కాని , మన సంస్కృతి , సాంప్రదాయాలన్నింటినీ చక్కగా కొనసాగించారు . అలా కొనసాగించటం



వలననే , మన దేశానికి  స్వాతంత్య్రం కావాలన్న వాళ్ళు ఎంతో మంది పుట్టుకొచ్చారు . దానికి కారణం మన సన్స్కృతి , సంప్రదాయాలే
స్వాతంత్య్రం అయితే వచ్చింది , గాని  స్వేఛ్ఛ యధేఛ్ఛగా పెరిగిపోవటంతో ( ఆంగ్లేయులని తరిమి పారేసి , వాళ్ళ సంస్కృతిని అలవర్చుకొనటమే ) మన సంస్కృతిని అలవరచుకోలేక పోతున్నారు .
నిజానికి తల్లి తండ్రులు కోరుకొంటున్నది యిది కానే కాదు . ఇంటిలోని వాళ్ళందరితోటి సహ జీవనం . సహ జీవనంలో ఎదురవుతున్న కష్టాలలో పాలు పంచుకోవాలని , లభ్య మవుతున్న సుఖాలలో పాలు పంచుకొని సంతృప్తి చెందాలని .
ఇలా చేస్తారని తెలిసే పిల్లలు వాళ్ళ తల్లి తండ్రులను వాళ్ళకు కనపడనంత దూరంగా వుంచుతున్నారు .
వాళ్ళ స్వవిషయాలలో జోక్యం చేసుకోవటం వాళ్ళకు యిష్టం వుండకపోవటమే అసలు సిసలైన కారణం .
వాళ్ళు , వాళ్ళ పిల్లలు పెద్దైన తర్వాత వాళ్ళు , వాళ్ళ విషయాలన్నీ వాళ్ళ తల్లితండ్రులకు పరవిషయాలు . ఎటువంటి సలహాలు చెప్పే ప్రయత్నం చెయ్యకూడదు . వాళ్ళు , వాళ్ళ పిల్లల విషయాలు వాళ్ళ స్వవిషయాలుగా భావిస్తున్నారు .
అలా వాళ్ళ స్వవిషయాలలో జోక్యం చేసుకొనే విషయాన్నే పెద్దవాళ్ళు మరో రకంగా అర్ధం చేసుకొనటం వల్లనే , యింకా పిల్లల ప్రేమ కావాలనుకొంటుంటారు . అది పొందలేక పోతున్నారు .
ఎప్పుడు పొందగలరంటే .......

వాళ్ళింటిలోనే వుంటూ , వాళ్ళ స్వవిషయాలలో కల్పించుకోకుండా వుండటమంటే సాక్షీభూతుడుగా వుండటం అన్నమాట . వాస్తవానికి మానవులకు కావలసినది యిదే . ఎందుకంటే
జగతిలో ఎవరికి ఎవరూ లేరు
ఎవరితో ఎవరూ ఎన్నడు పోరు
ఎవరికి వారే యమునా తీరే అన్నట్లు వుండాలంటారు .
అలా వుండలేరు , దానికి కారణం మాయ .
అంతా నాదే , అందరూ నా వాళ్ళే నన్న మాయ మానవులను పట్టి పీడించటంతో , దాని నుంచి బయటకు రాలేకపోతున్నారు .



తమ పిల్లల మానాన తమ పిల్లలను వదలి వేసిన నాడు అంటే , వాళ్ళు చాలా చాలా పెద్దవాళ్ళైనారు , మనకంటే ఎక్కువగా ప్రపంచాన్ని చూశారు , చూస్తున్నారు , వాళ్ళకు మన సలహాలు , సంప్రదింపులు , మంచి చెడు అవసరం లేదు , వాళ్ళకు తెలిసినంతగా మనకు తెలియదు అని తెలుసుకొన్న నాడు .
అప్పుడు తల్లితండ్రులనేమిటి , అత్త మామలనైనా తమ యింట్లోనే పెట్టుకొని చూసుకొంటారు , ఎలాంటి వృద్ధాశ్రమాల అవసరమే వాళ్ళకు లేదు .
వినటానికి చాలా చాలా బాగున్నది . నూటికి నలుగురో , ఐదుగురో వుంటారేమో
అనుక్షణం ఒదిగి ఒదిగి వుండవలసిన స్థితి . ఆచరణకే అసాధ్యమైనది చాలా మంది తల్లి తండ్రులకు . ఎప్పుడో ఒకమారు అంటే ఒదిగి వుండటం కుదరవచ్చు .
ఉదా : ప్రయాణంలో నుల్చోలేక , అందుబాటులో వున్న ప్రక్క సీటు వారిని సర్దుకొనమంటే , సరే నని సర్దుకొనగానే , అలాగే సర్దుకొని కూర్చొని ప్రయాణం చేస్తారు . బండి దిగిన తర్వాత అబ్బ చాలా యిబ్బంది పడ్డాననుకో అని చెప్పుకొంటుంటారు . వాస్తవానికి ప్రయాణం 4 / 5 గంటలు మాత్రమే . 4 / 5 గంటల ప్రయాణంలో సర్దుబాటు అంత బాధగా వుంటే మరి జీవిత శేష కాలం ( ఇంత అని నిఖరంగా తెలియనిది ) ఎలా ఒదిగి ఒదిగి వుండగలరు
కనుకనే వుండలేకపోతున్నారు .
అలా వృద్ధాశ్రమాలలో చేర్పించి తామేదో గొప్పగా తల్లి తండ్రులను , అత్త మామలను ఎంతో చక్కగా చూస్తున్నామని భావిస్తుంటుంటారు .
భవిష్యత్తులో వాళ్ళూ పెద్ద వాళ్ళౌతారు , వాళ్ళను వాళ్ళ పిల్లలు మాత్రమైనా చూస్తారో లేదో గ్రహించలేకపోతున్నారు .
డబ్బులు మనుషులను దగ్గర చేరుస్తాయి , మనసులను దగ్గర చేర్చలేవు . డబ్బులతో బంధాలను కొనుక్కోలేము అన్నది గ్రహించటం ఎంతైనా మంచిది .
డబ్బులు జబ్బుల్ని కూడా పూర్తిగా తగ్గించలేవు . సుఖాల్ని అందిస్తాయేమో కాని , సంతోషాన్ని , సంతృప్తిని అందించలేవు . సుఖం శరీరానికి సంబంధించినది , సంతోషం , సంతృప్తి మనసుకు సంబంధించినవి .
పంచేద్రియాలను చూపించగలం . విడి విడిగా పని చేస్తాయి . వీటన్నింటినీ ఒక్క త్రాటి మీద నడిపించగలిగినదే మనసు . మనసు యిది అని చూపించటానికి ఒక్కటి కాదు . పంచేంద్రియాల సమ్మేళనం .
ఒదిగి వుండటం కష్టమే , కాని యిష్టమైన వాళ్ళకు వాళ్ళ శేష జీవితం ప్రశాంతంగా సాగిపోతున్నట్లు కనపడ్తుంది అందరికి . కాని అది ఆత్మ వంచనే .

                                                                  
                                            ******* ******* *********

పని అన్నది లేకపోతే


                                                                                                                              సేకరణ : శర్మ జి ఎస్



*********

ఒక్కటే ఒక్కటి


ఒక్కటే ఒక్కటి  

                                                                                                                      రచన : శర్మ జి ఎస్ 

భావం ముందు  ,
భాష తర్వాత .

భావం ఒక్కటే 
భాషలెన్నో 

విత్తు ఒక్కటే 
కాయలెన్నో 

ఒక్కటే ఎన్నిగా మారినా 
మూలమొక్కటే 

ఎన్నోగా కనపడుతున్న దానికి
పునాది ఒక్కటే 

జీవాత్మ లెన్నున్నా  ఆ 
పరమాత్మ ఒక్కడే  కదా !

    ***********

ఆ తరం ఈతరం

                                                               ఆ తరం   ఈ తరం   ( కథ )
                                                                                                                           రచన : శర్మ జి ఎస్ 
పాత కాలం నాటి రామసుబ్బయ్యని తన పదేళ్ల మనుమడు యిలా అడిగాడు .

ఏంటి తాతయ్య మీరలా కష్టపడుతుంటే నే చూడలేకపోతున్నాను .
మన ఇంటి పనులు మనం చేసుకోవటం కూడా కష్టపడ్తున్నాననుకొంటే ఎలా రా ?
ఒక్కడివి చెయ్యటం కష్టం కదా తాతయ్యా ?
కష్టమే గాని సందర్భం కూడా చూసుకోవాలిగా ?
సందర్భం అంటే ? 
తెలియదా ?
తెలియదు కదా తాతయ్యా ? నేను ఇంగ్లీష్ మీడియం , నాకు 2 వ  లాంగ్వేజ్ హిందీ కదా! 
కదు  మరి . సందర్భం అంటే ఇంగ్లీషు భాషలో " సిట్యుయేషన్ " అన్నమాట .
ఓ అలాగా ! . అంత సిట్యుయేషన్ ఏమొచ్చింది తాతయ్యా ?
అమ్మ , నాన్న ఆఫీసు పనులతో బిజీగా వుంటారు కదా ! నానమ్మ ఇదివరకటిలాఆగ పనులు చక చకా చేయలేకపోతోంది .
చక చకా చేయలేకపోతే ఏం పోయింది ? నిదానంగా నైనా చేస్తున్నది కదా! 
నిదానంగా చేస్తుంది , ఉత్సాహంతో కాదు , చెయ్యక తప్పటం లేదని మాత్రమే .
అటువంటప్పుడు ఈ పనులన్నింటికీ పనిమనిషిని పెట్టుకోమని మా అమ్మ , నాన్న చాలాసార్లు చెప్తూనే ఉన్నారుగా .
నిజమేరా , వాళ్ళు చెప్తూనే వున్నారు , కానీ పని మనుషులు దొరకద్దా ? 
ప్రపంచంలో చాలా మంది పనిలేక బాధపడుతున్నారని , డైలీ న్యూస్ పేపర్లో చదువుతున్నాను   , టి వి లలో వార్తలలో వింటున్నానే .
నువ్వు చెప్పింది అక్షరాలా నిజం . కానీ వాళ్ళందరూ పని చేయాలనుకొనే వాళ్ళు కాదు .
మరి ?
వాళ్ళు చేయాలనుకొన్న పని దొరికే వరకు , అలా పని దొరకటం లేదు అనుకొనే వల్ల లిస్ట్ లోనే ఉండిపోతారు , పడిపోతారు కూడా ! అంతే కాదు మనం ఉండే ఇంటికి  , వాళ్ళుండే ఇంటికి చాలా దూరముంటుంది . రావటానికి , పోవటానికి యిబ్బంది అవుతుంది కదా !
నిజమే తాతయ్యా . మరి మన ఇంటికి దగ్గరగా ఎవ్వరు పని వాళ్ళు లేరా ?
ఉండే ఉంది ఉంటారు , మాములు పని వల్ల కంటే ఎక్కువగా జీతం అడుగుతారు .
అయితే అయింది , అమ్మ , నాన్న సరే అన్నారుగా . పెట్టుకోవసిక్యూ కదా! 
అందుకే పెట్టుకున్నాం . 4 రోజులు పని చేసి ఎగనామం పెట్టింది .
అంటే ? ...............
ఇంగ్లీషులో ఆబ్సెంటిజం అన్నమాట . ఎప్పుడు ఏదో ఒకటి చెప్పి మానేస్తుంటారు . అప్పుడు మీ నానమ్మ ఒక్కతే వంట , యింటి మిగిలిన పనులు  చేయలేదురా . అందుకే నేను సాయపడ్తుంటా .
అటువంటప్పుడు వంట చేయటానికి ఎవరినైనా పెట్టుకొంటే ?
ఎవరిని పడితే వాళ్ళను పెట్టుకోలేమురా ? మనం బ్రాహ్మణులం కదా! ఎవరో వంట చేస్తే తినలేము . 
మరి బైటకు  వెళ్ళినప్పుడు తింటూనే ఉన్నారుగా తాతయ్యా . 
తప్పనిసరై తింటున్నాము . మీ నానమ్మ కడుపు మాడ్చుకొంటుంది ద్రవ పదార్ధాలు త్రాగి . 
అలా చెయ్యటం ఎందుకు తాతయ్యా , నీలాగా నానమ్మ తినచ్చు కదా ! .
అందరూ ఒకలా వుండరురా . నేను కూడా తప్పని సరై తింటున్నాను . అదే రోజు తినాలంటే , తింటే సబబు కాదురా . 
ఎందుకని సబబు కాదు ?
ధర్మం , ఆపద్ధర్మం అని రెండు ఉంటాయి . ఈ రెండూ ఎప్పుడెప్పుడు , ఎక్కడెక్కడ వాడాలో అప్పుడు , అక్కడ వాడాలి . అంతే గాని అవకాశం వచ్చింది కదా అని వాడకూడదు . ఉదా : దాహమేసి ప్రాణం పోతుంది అంటే ఎలాంటి నీరు దొరకనప్పుడు మురికినీరు ఆ ప్రాణికి పట్టవచ్చు . అంతే కాదు ఆల్కహాల్ పడితే ప్రాణం బ్రతుకుతుంది అంటే అది కూడా పట్టవచ్చు . అలాగని రోజు అవి తీసుకోకూడదు . తీసుకొంటే వ్యసనంగా మరి ఆ ప్రాణమే పోతుంది . 
అలాగా తాతయ్యా . 
అందుకేరా యిలా మీ నానమ్మకు తోడుగా నేను ఇష్టపడి కష్టపడుతున్నాను . ఇష్టపడి కష్టపడితే కష్టపడ్తున్నామన్న భావనే ఆ కష్టపడేవాళ్ళకి వుండదురా .
మీకుండకపోవచ్చు తాతయ్యా . నాకు మాత్రం చాలా చాలా కష్టపడుతున్నారని . అందుకే నేను పెద్దయిన తర్వాత మీకా కష్టం లేకుండా చేయాలనుకొంటున్నాను .
ఎం చేస్తావురా ?
పనిమనుషులు దొరకటం లేదు అన్న సమస్య లేకుండా , హాయిగా ఓ రోబోట్ ను పెట్టేస్తాను .
రోబోటా ! ఎందుకు ? ఏం చేస్తుంది ?
ఆ అదే . అన్ని పనులు చేయటానికి .
అది బొమ్మ కదరా , ఎలా చేస్తుంది .
అది స్వతహాగా చెయ్యదు , అంటే దానంతట అది ఏమి చెయ్యదు . నేనే దానిని అన్ని పనులు చేసేలా తయారు చేస్తాను .
ఎలా ? 
అది ఏ ఏ పనులు చెయ్యాలో ముందుగా వివరంగా వ్రాసుకొని , ఆ పై అలాంటి ప్రోగ్రామ్ చేసి , ఈ ప్రోగ్రామ్ దానిలో ఇన్సర్ట్ చేస్తాను .
అప్పుడది చేస్తుందా ?
అప్పుడే అది చేయగలుగుతుంది . దానికి మనలా ఆలోచించే మెదడు లేదు .
మెదడు లేనప్పుడు అదెలా ఆలోచించగలుగుతుంది ?
అది ఎప్పుడూ ఆలోచించలేదు తాతయ్యా .
అయితే నువ్వు చెప్పిన పనులెలా చేయగలుగుతుంది ?
నేను చేసే ప్రోగ్రామ్ వల్లనే చెయ్యగలుగుతుంది . 
అంటే దానిని అలా తయారు చేస్తావా ?
దానిని నేను తయారు చెయ్యను ? ఆ రోబోట్లు తయారు చేసే ఉంటాయి . మార్కెట్లో పెట్టి అమ్ముతారు . అవి కొనుక్కొని మనకు అదెలా పని చేయాలో , అలా ప్రోగ్రామ్ చేసే దాని హార్టులో ఫీడ్ చేస్తే అది , మనకు కావలసినట్లుగా పనులు చేసి పెడ్తుంది . 
బాగుందిరా . ఇప్పుడే కొనుక్కుంటే బాగుంటుంది కదా ! 
అవి యిప్పుడమ్మరు యిక్కడ . ఫారెన్ లో ఉంటాయి . చాలా రేటు .
చాలా రేటా  ? అయితే వద్దు లేరా .
అది కాదు తాతయ్యా . ఫారెన్ నుంచి ఇక్కడకు తెచ్చుకొనేటప్పటికీ ఆ కంట్రీ పన్నులు , ఈ కంట్రీ పన్నులు , ఎక్సయిజ్ పన్నుల్ని , యిలా రక రకాల పన్నులు దానిమీద వేస్తారుట . అందుకని దాని రేటు ఎక్కువయి పోతుందట మొన్న మా మమ్మీ ,  డాడీ చెప్పారు .
అయితే మీ మమ్మీ , డాడీకి ముందే కొనమని చెప్పావా ? 
లేదు తాతయ్యా , నాకు ఓ వస్తువు కావలసి అడిగితే , అప్పుడు చెప్పారు  నేను పెద్దయ్యేటప్పటికీ , మన ఇండియా వల్లే ఆ రోబోట్లను తయారు చేస్తారు . అప్పుడు అంత రేటు ఉండదు కదా ! 
అప్పటిదాకా మమ్మల్నిలాగే కొనసాగమంటావు .
అంతే కదా తాతయ్యా .
పోనీ నీకు చాతనైనంతలో సాయపడవచ్చుగా .
ఓపిక లేదు తాతయ్యా . 
అప్పుడే ఓపిక అయిపోయిందా ?
ఇప్పుడు ని వయసెంతరా ?
10 యియర్స్ .
ఇప్పుడు న వయసెంతో తెలుసా ?
నాకెలా తెలుస్తుంది ? మీరెవరైనా చెప్తే తెలుస్తుంది . చెప్పండి తాతయ్యా .
72 సంవత్సరాలు . నేనైతే ఆ పదేళ్ల వయసుకి ఆమడ దూరం నుంచి బిందెతో నీళ్లు తెచ్చేవాడిని . ఏ పని చెప్పినా చెయ్యను అనకుండా చేసే వాళ్ళం . ఎదురు చెప్పేవాళ్ళం కాదు .
బహుశా వాళ్ళు మిమ్మల్ని అర్ధం చేసుకొని , మీరు చేయగలిగిన పనులే చెప్పేవాళ్ళేమో .
అంటే మేము మీరు చెయ్యలేని పనులను చెబుతున్నావనుకుంటున్నావా ?
అది కాదు తాతయ్య , మీ రోజుల్లో చదువులకు , ఈ రోజుల్లో చదువులకు ఎంతో తేడా వున్నదిగా .
దానికి , దీనికి సంబంధమేమిటిరా ?
ఉంది . మీ ఆ రోజుల్లో యిన్ని పుస్తకాలు ఎక్కడున్నాయి . 
సబ్జక్ట్స్ మాత్రం అవేరా ?  
ఈ పుస్తకాలు మొయ్యలేక వెన్నుపూస నల్లపూస అయిపోతోంది . అందుకే మీరేం చెప్పినా మేం చెయ్యలేకపోతున్నాము . 
ఈ విషయంలో నేను నీతో ఏకీభవిస్తున్నాను . 
అందుకే తాతయ్యా , మీ కష్టం చూడలేక , నేను చెయ్యలేక ఆ రోబోట్  లో మనకు కావలసిన విధానంగా ప్రోగ్రామ్ ఫీడ్ చేసి మీ కష్టాన్ని తగ్గించాలనుకొంటున్నా.
ఎలా ప్రోగ్రామ్ చేస్తావ్ ? ఏ ఏ పనులు మాకు తగ్గిస్తావో చెప్పరా ? 
అది తెల్లవారు ఝామున ఏమేమి చేయాలో ఫీడ్ చేసి ఉంచుతా . ఆ ప్రకారం 4 .30 గంటలకి నాయనమ్మను లేపుతుంది . రోజూ ఏమేమి చేయాలో అడుగుతుంది . ఫర్ ఎక్జామ్పుల్ ఈ రోజూ స్కూలు లంచ్ బాక్సులలోకి ఏమేమి చేసి పెట్టాలో అడుగుతుంది . ఆ తర్వాత పిల్లలను ఎన్నింటికి లేపాలో అడుగుతుంది . ఎవరెవరిని ఎన్నింటికి లేపాలో , ఎవరెవరికి వేడి నీళ్లు ఎలా కావాలో , ఎవరెవరికి ఏం  బ్రేక్ ఫాస్ట్  చేయాలో అడుగుతుంది . అలా  అన్నింటిని చెప్పిన ప్రకారం తన మైండ్ లో ఫీడ్ చేసుకొంటుంది . 
అది మరచిపోదా ? అన్ని గుర్తుపెట్టుకొంటుందా ? ఆశ్చర్యంగా అడిగాడు తాతయ్య .

మరచి పోదు , పైగా అన్నీ త్వరగా చేసేస్తుంది , అందరకి టైం కి అందిస్తుంది . ఎవరికీ శ్రమ ఉండదు  తాతయ్యా .    
అలా కంటిన్యువస్ గా ఎప్పుడూ పని చేస్తుంటుందా ? అడిగాడు తాతయ్య .
అది కంటిన్యువస్ గా పని చేయలేదు . దాని బ్యాటరీ 8 గంటలు మాత్రమే పని చేస్తుంది .  మళ్ళీ ఆ బ్యాటరీకి  ఛార్జింగ్ 1 గంట పెట్టాలి . అప్పుడు మళ్ళీ 6 గంటలు పని చేస్తుంది అని వివరించాడు మనుమడు .
మనకే పనులు అది చేయకపోయినా మళ్ళీ ఆ బ్యాటరీ ఛార్జింగ్ పెట్టుకోవాలా ? అని అడిగాడు తాతయ్య .
అక్కర్లేదు తాతయ్యా . దాని వర్కింగ్ కెపాసిటీ 6 గంటలు మాత్రమే . 5 గంటలు పని చేసిన తర్వాత అది బీప్ శబ్దం యిస్తుంది ( మరో అరగంటలో ఛార్జింగ్ పెట్టాలని ) , ఆ బీప్ శబ్దం మళ్ళీ మరో పావు గంటకు యిస్తుంది . అప్పుడు వెంటనే ఛార్జింగ్ లో పెట్టాలి అన్నమాట .
రోబోట్ లో లోపల అమర్చబడిన ప్లగ్ వైరుని బైటకు తీసి ప్లగ్గుని ఛార్జింగ్ సాకెట్లొ వుంచాలి .  
మరి మధ్యాహ్నం పూట మాకు లంచ్ వేడిగా చేసి పెడుతుందా ?
పెడ్తుంది . కాకుంటే మీకు దాన్ని హ్యాండిల్ చేయటం తెలియదుగా . అందుకని ఉదయమే మీకు చేసేస్తుంది . మీరు కావలసినప్పుడు ఒవేన్ లో వెచ్చ చేసుకొని తినండి .
మరల ఈవెనింగ్ స్నాక్స్ కూడా అదే అందిస్తుంది . రాత్రి వంట కూడా అదే చేసేస్తుంది .  డైనింగ్ టేబుల్ మీద సిద్ధంగా పెడ్తుంది . బ్యాటరీ ఉంటే మనందరికి వడ్డిస్తుంది . లేకుంటే ఛార్జింగ్ అయ్యే వరకు ఆగితే అదే వడ్డిస్తుంది .
బాగుందిరా . మా మనుమడు మా కష్టాన్ని మా బాగా తగ్గించేస్తాడన్న మాట . 
నీకెలా ఈ ఆలోచన వచ్చిందిరా .
మీ కష్టాన్ని చూసినప్పుడు కాదు తాతయ్యా , మా సాయం మీరు అడుగున్నప్పుడు , మేము చేయలేకపోయినప్పుడు . ఎందుకు చేయలేకపోతున్నానని ఆలోచించినప్పుడు , ఈ కాలంలో అందరూ ప్రతి చిన్నపనికి  అలసిపోతున్నారు , అందువల్లనే వాళ్ళ వాళ్ళకి ఏమి చేయలేకపోతున్నారు . అలా చేయకుంటే రిలేషన్ షిప్ ఎలా మెయింటైన్ అవుతుంది . అర్ధం చేసుకోకపోగా అపార్ధాలు ఎక్కువవుతాయి . అందుకనే టెక్నాలజీని ఉపయోగించు కోవాలనుకొన్నా . అప్పుడైనా నా వాళ్లకు నా వంతు చేయగలుగుతాను . అలాగే అందరూ ఎవరి వాళ్లకు వాళ్ళు చేయగలుగుతారు . ఆ రిలేషన్ షిప్ కొనసాగుతుంది కదా ! అని బదులిచ్చాడు ఆ మనుమడు .

ఓ ప్రక్క మనుమడి తెలివితేటలకు  అనందం , మరోప్రక్క ఈ మనుమడు పెద్దయి ఆ రోబోట్ ని తెచ్చి సుఖపెట్టేనాటికి , తాము బ్రతికే వుంటామా అన్న సందేహంలో పడిపోయాడు సుబ్బరామయ్య  .



                                                      ************************  



నచ్చ(ట)మా ?..........


                                                               నచ్చ(ట)మా ?............

                                                                                                                వ్యాస రచన : శర్మ జి ఎస్                   

శుభోదయం .

సహజంగా చాలామంది చాలామందికి నచ్చుతారు , నచ్చరు .  ఆ నచ్చటంలో కూడా ఒకమారు నచ్చిన వాళ్ళు , మరొకమారు నచ్చకపోవడం . మరల నచ్చడం జరుగుతూ వుంటుంది .

ఇది ప్రతి ప్రాణి జీవితంలో జరిగి తీరుతుంటుంది  .

ఎందుకని తరచి తరచి ఆలోచిస్తే మనకే అర్ధమవుతుంది కూడా  .

ఉదా :  1 ) తనయుడి కోరికలు  ( అవి  ఎంతవైనా  కానీ ) తల్లితండ్రులు తీరిస్తే ఆ తల్లితండ్రులు ఆ తనయునికి  నచ్చి తీరుతారు , లేకుంటే నచ్చరు కాక నచ్చరు .

2 ) అలాగే తనయ కోరికలు  ( అవి  ఎంతవైనా  కానీ ) తల్లితండ్రులు తీరిస్తే ఆ తల్లితండ్రులు ఆ తనయకి నచ్చి తీరుతారు , లేకుంటే నచ్చరు కాక నచ్చరు .

3 ) అలాగే భార్య కోరికలు ( అవి  ఎంతవైనా  కానీ , ఉద్యోగం చేసే భార్య అయినా ) ఆ భర్త  తీరిస్తే ఆ భార్యకి  నచ్చి తీరుతాడు, లేకుంటే నచ్చడు కాక నచ్చడు  .

4 ) అలాగే భర్త కోరికలు ( స్వల్పమైనా , ఉద్యోగం చెయ్యని భర్త అయినా లేక  తన భార్య కంటే తక్కువ ఉద్యోగస్థుడైనా ) ఆ భార్య తీరిస్తే ఆ భర్తకు ఆ భార్య నచ్చుతుంది , లేకుంటే నచ్చదు కాక నచ్చదు .

5 ) అలాగే బంధు వర్గానికి కూడా కొన్ని కొన్ని సమయాలలో నచ్చుతుంటాం , కొన్ని కొన్ని సమయాలలో నచ్చం .

6 ) అలాగే కార్య నిర్వహణలో కూడా  కొన్ని కొన్ని సమయాలలో నచ్చుతుంటాం , కొన్ని కొన్ని సమయాలలో నచ్చం . ( ఇక్కడ ఒక ముఖ్యమైన విషయం వున్నది . 
తన పై అధికారికి తాను అడ్డుగా ఉండకపోవటం ( ఆ పై అధికారి బలహీనతలను చూసినా చూడనట్లు వదిలేయడం లాంటివి ) కొన్ని కొన్ని సమయాలలో తనకు పురోగతిని కల్పిస్తుంది . కొన్ని కొన్ని సమయాలలో అధోగతికి దారి తీస్తుంది కూడా .

7 ) అలాగని తన పై అధికారికి తాను అడ్డుగా వుండటం ( ఆ పై అధికారి బలహీనతలను చూసి వదిలేయకపోవడం వలన )  కొన్ని కొన్ని సమయాలలో తనకు పురోగతిని కల్పిస్తుంది . కొన్ని కొన్ని సమయాలలో అధోగతికి దారి తీస్తుంది కూడా .

అసలు నువ్వు ఎదుటి వారికీ నచ్చాలి అనుకోవటం , నిన్ను  ఎదుటివారు మెచ్చుకోవాలనుకోవటం నువ్వు  తెలుసుకోలేని  నీలోని పెద్ద బలహీనత . 

ఎందుకంటే , ఎదుటి వారికి నచ్చితే , వారు మనల్ని మెచ్చుకొంటారు , అందువలన , ఆ క్షణం కాకపోయినా , ఎప్పటికైనా మనకు మేలు లేదా లాభం జరుగుతుంది అనుకోవటమే .ఇటువంటి ప్రలోభాలే  దీనికి బీజం .
దీనివలన నువ్వు నువ్వులా జీవించలేకపోతున్నావు . అందువలన నువ్వు శాంతిని , సంతృప్తిని కోల్పోతున్నావు . నువ్వు నీ వాళ్ళ కొరకు జీవించటం వలననే . నీ కొరకు నువ్వు ఎప్పుడు జీవిస్తావు ? ప్రతి జన్మలో యిదే బాణీ అయితే నీ కొరకు నువ్వెప్పుడు జీవించగలవు ? గత జన్మలో ఎలా జీవించావో ఎవ్వరికి ఎరుక లేదు ? కొంచెం ఆలోచించి చూడు .

నువ్వు నువ్వులా జీవించేదెప్పుడు ? నువ్వు నువ్వులా జీవించటమే నీ ఈ జన్మకు కారణమని భావించు .

నువ్వు ఎలా వచ్చావో , నీకు తెలియవచ్చు , నీ ముందు వాళ్ళు చూసి చెప్పారు గనుక . కానీ ఎందుకు వచ్చావో నీకు తెలియదు . ప్రాణం వాయువు రూపంలో వుంటుందని మాత్రం తెలుసుకొనగలుగుతున్నావు  . ఆ ప్రాణ వాయువుని ఎదురుగ చూడలేకపోయినా అనుభవించగలుగుతున్నావు  . ఆ ప్రాణం ఎదో ఒక ఆకార రూపంలో నీకు  దర్శనమవుతుంది కనుక నువ్వు ఏదైనా అనుభవించగలుగుతున్నావు  లేకుంటే ఆ ప్రాణవాయువుని చూడనే చూడలేవు  .

కనుక నువ్వు చేయవలసినదల్లా ఒక్కటే . 
సత్యాన్ని , ధర్మాన్ని అనుసరించు , అది నిన్ను సర్వదా కాపాడుతుంది . ఇక్కడ అనుసరించటమంటే , ఉచ్ఛరించటమే కాదు , ఆచరించటమన్నమాట . 

ఎందులకు ఈ సత్యం , ధర్మాన్ని ఆచరించాలంటే , ఈ సృష్టికి మూలాధారాలు అవే అని మన ముందు యుగాల వాళ్ళు తెలుసుకొని , వాటిని మనకు యిలా అందించారు . 

ఎవ్వరిని శాసించటంలేదు , ఎవరికీ వారు ఆచరిస్తే బాగుంటుందని మాత్రమే ఆశిస్తున్నాను . అందువలన సమాజానికి , ఎవరికీ వాళ్ళకూ  మేలు చేకూరుతుంది .

ఇలా ఆ సత్యాన్ని , ధర్మాన్ని అనుసరించి ఆచరించిన నాడు నువ్వు , నువ్వుగా జీవించగలుగుతావు అని గ్రహించుకోవచ్చు .

                                                         ******************