నన్ను చూశాడు

నన్ను చూశాడు ,
కన్ను గీటాడు ,
నన్ను చేరమన్నాడు , 
తను చేరుకున్నాడు ,
మరువం మరువరానిదన్నాడు ,
మధురాతి మధురమన్నాడు , 
మల్లెపూలు యివిగో అన్నాడు ,
ఎదలో చోటియ్యమన్నాడు ,
పయ్యెదనే పక్కకేశాడు ,
భయము వలదన్నాడు ,
వదలమన్నాడు ,
అభయమిదే నన్నాడు ,
ఉభయం తనదే నన్నాడు ,
భయం , భయం అంటుంటే ,
న భయం , న భయం అంటూ ,
చెంత చేరబోయాడు ,
రానే వచ్చాడు మా అయ్య ,
వేయనే వేశాడో  గట్టి దెబ్బ . 

          *******

నాదా ? నీదా ?

  

గీతానికి సంగీతం తోడైనప్పుడే రాణిస్తుంది. తెలిసినా నేను దానివాడిని కాకపోవటం వలన
యధాతధంగా అక్షర రూపంలో మీ ముందుంచుతున్నాను.

                      

                  నాది నాది అనుకొంటే 
                     
                  నీకేమి మిగలదోరన్నా
                     
                  తుట్ట తుదకు నీకు
                     
                  నీవే మిగలవోరన్నా                                నాది 

                     

                  బ్రతికినన్నాళ్ళే నేను                    
                  
                  నీవు భేదమోరన్నా
                  
                   చిట్ట చివరకి అందరం
                    
                  ఒక్క చోటికే చేరతామురోరన్నా                   నాది  

                     
        
                  ప్రాణమున్నన్నాళ్ళే ఈ
                    
                  మంచి చెడుల తేడాలోరన్నా
                    
                  ఏ కాడకీ ఈడే ఆ తేడాలోరన్నా
                    
                  వల్లకాటిలో ఏ తేడాలుండవోరన్నా               నాది   

                     

                  వచ్చేటపుడేమీ వెంట తేలేదురోరన్నా
                     
                  పోయేటప్పుడేమీ వెంట రాదురోరన్నా 
                    
                  మూర్ఖులకిది తెలియరాదురోరన్నా  
                    
                  ముమ్మాటికీ యిది నిజమురోరన్నా             నాది   

                                

                                      ******