నడ వడి నడవడి

                                                                                                                            కవితా రచన : శర్మ జీ ఎస్


గజరాజు గంగిరెద్దుగా మారిన వేళ ,
తన నడ వడిని మార్చుకొనెను ,
ఇంటింటి ముంగిట మెల్లగ అడుగులేసేను , 
తన అయ్యగారికేమైన యిమ్మని తల ఆడిస్తూ అడిగేను
బదులుగా తను దీవెనలిస్తాననేను ,
తన తనువు నల్లగా వున్నా , 
దంతాలు తెలుపేనని చూడండనేను  ,  
తనకే కాదు ఏ ప్రాణికైనా , ఎవరికైనా ,
దంతాలు తెలుపేనని  చూసుకోండండనేను ,
దంతాలే మాటలాడేను , 
అంటే భావాలు తెలపటమే కదా ! 
ఆ తెలపాల్సిన దంతాలు తెలుపేననేను , 
అదే అసలు సృష్టి శక్తి ఘనతని చాటేను  , 
ఇన్ని మంచి విషయాలను తెలిపిన ,
ఆ గజరాజును పట్టు వస్త్రాలతో ,
ఘనంగా సత్కరించగా సంతోషంగా , 
అట నుండి ముందుకు అడుగులు వేసింది .

******

అందమె ఆనందం

                                                                                                                               కధా రచన : శర్మ జీ ఎస్

హైదరాబాద్ లాంటి సిటీలో అన్ని వసతులు గల యిళ్ళ అద్దె ఆకాశాన్నంటుకొంటుండగా , కొన్ని వసతులు గల యిళ్ళు తక్కువ అద్దెతో కొత్త జంటలకి మాత్రమే అందుబాటులో అనుకూలంగా వుంటున్నాయి .

కొత్త దంపతులైన క్రాంతి కార్తీక్ లు ఉద్యోగ రీత్యా హైదరాబాద్ చేరుకొని కొత్త జంటలకి అనుకూలంగా వున్న వున్న చిన్న యింటిని అద్దెకు తీసుకున్నారు .
ఓ హాలు , ఓ చిన్న కిచెన్ రూం , ఆ కిచెన్ ఆనుకుని బాత్ రూం గా చెలామణీ అవుతున్న ఓ బుల్లి గది , వెరసి ఆ యింటి మొత్తానికి ఒకటే డోర్ .

ఆ హాలులో రెండు వైపులా రెండు కిటికీలు , రెండు వాల్ ఫిటెడ్ అల్మైరాలున్నాయి . ఆ కొత్త దంపతులు ఈ హాలుని రెండు గదులుగా వుపయోగించుకొనే ప్రయత్నంగా రెండు వైపులా రెండు సింగిల్ కాట్స్ వేసుకొన్నారు .నడుమ స్క్రీన్ కూడా ఏర్పరచుకొన్నారు .

సమయం రాత్రి 8 గంటలు దాటింది . కార్తీక్ తన టేబుల్ వద్దనే ఇంగ్లీష్ మేగజైన్ చూస్తున్నాడు .
 స్నానం ముగించుకొని , లంగా కట్టుకొని , చీర చుట్టుకొని హాలులోకి వచ్చి స్క్రీన్ లాగి , డ్రెస్ చేసుకొనేటందుకై అల్మైరా వైపు నడిచింది క్రాంతి . ఆ రింగుల గలగలలకి కార్టీక్ దృష్టి అటు మళ్ళింది . జీరో వాట్ ఆన్ చేసి సెంటర్ బల్బ్ ఆఫ్ చేసింది . షిఫాణ్ శారీ , బ్లౌజ్ అల్మైరాలోంచి తీసి , బ్రా వేసుకొన్నది . బ్యాక్ ఓపెన్ కావడంతో , రెండు చేతులను వెనుకకు మళ్ళించి , హుక్స్ తగిలించుకొనే ప్రయత్నంలో ఆమె నీడ కార్తీక్ ని ఆకర్షించింది . అతని పై పెదవి క్రింది పెదవిని పదే పదే పలుకరిస్తున్నది ,  అధరామృతధారలు గ్రోల యిరువురి నడుమ స్క్రీన్ అడ్డుగా నిలిచినా , నీడల కడ్డు లేనట్లు ఆ నిలువెత్తు అందాల వంపు సొంపుల నీడలు అతనిని చిత్తు చిత్తు చేసేస్తున్నాయి . మెల్లగా మేగజైన్ ని టేబుల్ పై వుంచి కుర్చీలోంచి  లేచాడు .

" ఏయ్ కార్తీక్ ఎక్కడకీ ? అక్కడే ఆగు . నాడు అందాన్ని ఆరాధించాలన్నావ్ . వివాహమంటే  రెండు తనువుల కలయిక కాదు , రెండు మనసుల కలయిక . అలా కలసిన మనసుల మనుగడ కడదాకా సాఫీగా సాగిపోతుందన్నావ్ . నేడు సామాన్య మానవునిలా సలపరింతలతో సతమతమవుతున్నావ్ . క్షణిక ఆవేశానికి దాసుడవై , విచక్షణా జ్ఞానాన్ని కోల్పోయి , ఆరాధకునిలా కాక , అపరాధకుడిలా ఈ నీ క్రాంతి ముంగిట బోనులో నిలబడక , ఇటువంటి తొందరపాటు చేతలు , తలరాతలనే మార్చేస్తాయి " అన్న మనసు హెచ్చరికతో మరలి కుర్చీలో కూలబడ్డాడు .

డ్రెస్ చేసుకొంటూ అతని అవస్థని గమనించి నవ్వుకొన్నది . సెంటర్ బల్బ్ ఆన్ చేసి జీరో ఆఫ్ చేసి  స్క్రీన్ అడ్డు తొలగించింది .

                                                                                                        *****

కార్తీక్ కళ్ళు అడుగడుగునా తెరమరుగున అందాలను పరికిస్తూనే వున్నాయి . అవకాశం కొరకు ఎదురుచూస్తున్నాయి . క్రాంతి కార్తీక్ అవస్థని గమనిస్తూనే వున్నది . సరదాగా ప్రారంభమై , క్రమేపీ ఆమె అందాలు తెరమరుగున మరిగి మాడుతున్నట్లుగా భావన కలిగి తెర తొలగించ వుపక్రమించింది .

" ఏయ్ క్రాంతీ తొందరపడకు . అపుడే అన్నీ మరచిపోయావా ? పక్కింటి పంకజం ఎంత ఆందాల రాశి . అటువంటి పంకజాన్ని పువ్వుల్లో పెట్టి చూసుకొంటానని మాట యిచ్చి సంసారానికి తీసుకెళ్ళి సంవత్సరం తిరగకుండా , నుగ్గు నుగ్గు చేసి ఒగ్గులా పంపాడామె భర్త పుట్టింటికి . ఆ అవమానం భరించలేక అగ్గిపాలైంది . ఇలంటి సంఘటనలు నేడు కోకొల్లలు . సినిమాలలో , బుల్లితెరలో చూడటం లేదా ? పత్రికలలో చదవటం లేదా ? రేపు నీ గతీ అంతే అవుతుందేమో ? " అంటూ తన మనసు క్రాంతిని హెచ్చరించింది .

" అవును , మరచేపోయాను . ఈ మగజాతి అంతా యింతే . అందం అందనంతవరకు ఆరా తీస్తారు , ఆరాధిస్తామంటారు . తీరా అందిన పిమ్మట వాళ్ళు అనుకున్నది సాధిస్తారు , ఆ పై వేధిస్తారు . ఎంతకైనా తెగిస్తారు . తను తొందర పడకూడదు . తామిరువురు ఆరాధనకిష్టపడే వివాహం చేసుకొన్నారు . ఇంక ఆ విషయం ఆలోచించకూడదు " అనుకొని అక్కడే ఆగిపోయింది .

" ఇటువంటి తొందరపాటు నిర్ణయాలే నీ అందాన్ని యిన్నాళ్ళూ అడవిగాచిన వెన్నెల చేశాయి . తెలియక జరిగిన పొరపాటు మెలమెల్లగా సర్దుకొంటున్న సమయంలో మరల అర్ధరహిత నిర్ణయాలా ? ఈ ప్రపంచపు పంచలో మగజాతి పంకజం భర్త లాంటి వారే వుండరు . అలాగని ఆరాధకులూ వుండరు . ఈ ప్రపంచమంతా నీలా భావిస్తే , నీవు లేవు , నేను లేను , ఈ సృష్టే వుండేది కాదు . స్తంభించి పోతుంది . అండం వాడి ( పదును ) పోతుంది . అలా వాడి ( పదును ) పోయిన అందాన్ని వాడే వారు కరువైపోతారు . ఆ పై ఏకరువు పెట్టుకున్నా , ఏ ఒక్కరూ దొరకరు . ఎవరూ ఏటికి ఎదురీదరాదు .
భగవత్ సృష్టి అభివృధ్ధికి దోహదం కావాలి . అలా అభివృధ్ధికి సాయపడే ప్రాణికోటిని అంతు లేని , అంతు తెలియని ఆనందాలని పొందమని ఈ అందాల్ని సృష్టించటం జరిగింది . సృష్టి కొరకు అయితే అందాలతో పని లేదు . ఆ అందాలు మానవుల ఆనందాల కొరకన్నది మనం మరచిపోకూడదు .
అలా ఆ ఆనందాల్ని పొందుతున్న తరుణంలో , ఆ యిరువురకు అంతవరకు వున్న బంధం మరింత బలపడాలని , అలా బలపడిన బంధంతో జీవితాంతం అన్యోన్యంగా జీవించమని ఆ సడ్గుణ శక్తి స్వరూపుడైన ఆ భగవంతుని ఆదేశం . ఆ ఆదేశాన్ని ఆయనచే సృష్టింపబడిన  ఈ మానవులు ఆనందాల్ని అందుకోక , అందాలని ఆరాధించాలన్న అపోహతో , అడ్దుపడటం , నిలువ నీడ నిచ్చిన వాళ్ళని నిప్పుల్లోకి నెట్టినట్లవుతుంది .
అన్ని జన్మలలోకి మానవ జన్మ అత్యుత్తమమైనదిగా ఘోషిస్తున్నాయి వేదాలు . ఆలోచించటానికి మనసు , వుపయోగించటానికి మెదడు కల్పించాడు . అన్ని ప్రాణులకూ మెదడు వుంటుంది . అయితే మానవుల ఆలోచన మాత్రం మిగిలిన అన్ని ప్రాణులకంటె డిఫరెంటుగా వుంటుంది .
ఇప్పటికైనా మించిపోయింది లేదు . అందాల్ని ఆరాదించి అనుభవించేలా నడుచుకో . సృష్టి అభివృధ్ధికి నీ వంతు బాధ్యత నువ్వు నిర్వర్తించు " అని అంతరాత్మ  హిత బోధ చేయగా  ఎటూ నిర్ణయించుకోలేక అలా బెడ్ మీడ తల వాల్చింది .

                                                                                                     *****

కార్తీక్ కోర్కెల కళ్ళెంలో చిక్కుకొని సతమతమవుతున్నాడు .
" ఏయ్ కార్తీక్ ఎందుకలా నీరుగారిపోతావ్ ? అందం వేరు , కోరిక వేరు . అందాలని ఆరాధించాలి , కోరికలను తీర్చుకోవాలి . ఈ విషయాన్ని గ్రహించక నీలాంటి వాళ్ళు కమ్మనైన జీవితాల్ని కన్నీటి పాల్జేసుకొంటున్నారు . పొంతన కుదరదని సందేహిస్తున్నావా ? నేను కుదురుస్తాగా . కోరికలని బలవంతంగా అణగదొక్కటం వలన ఆమె వద్ద ఒక్కసారిగా బలహీనుడవై , నిగ్రహ హీనుడవై నిలబడవలసి వస్తుంది . ఆనాడు ఆమె పొందు పొందే అవకాశాన్ని  , సావకాశంగా ఈ జన్మకు సరిపడా కోల్పోతావు . ఆలస్యం చేయక లే బయలుదేరు అన్న హెచ్చరికతో ఒకింత ఆలోచనలో మునిగాడు .
ఏమిటీ ? ఇంకా తీకగా ఆలోచిస్తున్నావా ? తప్పని సందేహిస్తున్నావా ? హైస్కూలులో హైమతో , కాలేజీలో కామాక్షితో పొందిన ఆనందం మరచిపోయావా ? నాకేమీ తెలియదనుకోంటున్నావా ? ఆ చర్యలు పరిణతి చెందక చేసినవని సమర్ధించుకొన ప్రయత్నిస్తున్నావా ? ఎలా చేసినా పొరపాటు , పొరపాటే . కోరికలని సుళువుగా తీర్చుకో , లేకుంటే అవి బిగువుగా నొక్కేస్తాయి . ఆనాడు నే ఈ సలహాలు యివ్వలేను , ఆ సంతోషాన్ని అందించలేను . లే , వెళ్ళు . ఎంతోమంది నీ పొందు కోరకు బయట సిధ్ధంగా వున్నారు . ఆలస్యం చేయకు . వారందుకే వున్నది " అన్న , మాటాళాటొ  " ఈంటాఖి ణివేవాఋఈవీ ? " ఆణీ ఆదీఘదూ .

" ణివె ఖడూ , ఇ ంఅనవాళి నన్నంత త్వరగా అర్ధం చేసుకోదు . మీ ప్రాణానికి ప్రాణాన్ని . మీ జీవనగమనంలో నవ వసంతంలా సంతోషాల్ని సుళువుగా అందించి , జీవితకాలం ఆ సంతోషాల్ని తీపిగురుతులుగా మిగిల్చేదానిని , వయసుని . ఇప్పుడర్ధం చేసుకోలేని వారు , ముందు జీవితకాలంలో అర్ధం చేసుకొని , నా కొరకెంతగా పరితపిస్తారో . అప్పుడు ఫలితముండదు కూడా . నీకలా కాకూడదు . త్వరగా నీ కోరిక తీర్చుకో స్వేఛ్ఛగా " అని బదులిచ్చింది వయసు .

కార్తీక్ బెడ్ మీదనుంచి లేచాడు .

"  నో... నో ... కార్తీక్ , నువ్వలా బయటకు వెళ్ళటానికి వీల్లేదు , వీల్లేదు అంటూ బెడ్ మీద నుంచి పైకి లేచింది క్రాంతి . ఎదురుగా కార్తీక్ బెడ్ మీద లేడు . గోడ గడియారం 3 గంటలు మోగించి , తన ఉనికిని , పరిసరాలని తెలియపరచింది . అంటే తనింతవరకు కలగన్నదా ! కార్తీక్ ఆఫీసు నుంచి యింకా యింటికి రాలేదా ? మంచి పనే జరిగింది . అతనిని బయట సుఖానికి అలవాటు చేయకూడదున్ . ఆ తర్వాత ఎన్నౌకొని ప్రయోజనముండదు . తనే చొరవ చేసుకొని అవకాశం అతనికి కల్పించాలి " అనుకొంటూ , కార్తీక్ బెడ్ చేరుకొని తీసి వున్న అల్మైరా తలుపు తాళం అందుకోబోయింది .
అందం ( క్రాంతి ) + ఆరాధన = అందమైన జీవితం  అన్న పుస్తకం ఆమె దృష్టినాకర్షించింది . గబగబా అందులోని పేజీలను తిరగేసింది . ప్రతి పేజీలో తన బొమ్మ గీసి , ఆ బొమ్మ క్రింద తన బొమ్మ గీసి తననో ఆరాధకుడిలా , తననో దేవతలా చిత్రించాడు . ఆమె కళ్ళు మొదటిసారిగా చెమర్చాయి . ఇంతటి ఆరాధకుడినా తను యిన్నాళ్ళూ అనుమానించింది , ఆ సుఖాన్ని ఆమడ దూరానుంచింది . తను చాలా పెద్ద పొరపాటు చేసింది .

ఇకనైనా అతనికి ఏ లోటు కలిగించకుండా అన్నీ అందించాలనుకొని ,ఆ పుస్తకాన్నక్కడే వుంచి , అంతదాకా తామిరువురకు అడ్డుగా నున్న స్క్రీన్ ని తొలగించి , తన బెడ్ ని అతని బెడ్ ప్రక్కకు చేర్చి , అతని డ్రెస్ ను తన అల్మైరా లోకి సర్దేసింది .

ఆఫీసు నుంచి సాయంత్రం యింటి వచ్చిన కార్తీక్ గదిలోని మార్పులను గమనించి " క్రాంతీ ఈ రోజే మైంది నీకు ? " అడిగాడు ఆశ్చర్యవదనంతో .

సిగ్గుల మొగ్గ అయి , " ఏమీ లేదు . మీ ప్రవర్తన నాకు బాగా నచ్చింది . నిజమైన కళారాధకులుగా , నిగ్రహపరులుగా నా మనసులో సుష్తిర స్థానం ఏర్పరచుకొన్నారు . మీ నిగ్రహానికి నా విగ్రహం అర్పించుకోవాలంటున్నది . అందుకే ఈ మార్పులు " అన్నది .

" తొందరపడకు క్రాంతి , బాగా నిదానంగా ఆలోచించు . ఆవేశంలో తప్పటడుగు వేసే అవకాశం వేయకు " అని హెచ్చరించాడు .

" ఇంకా ఆలోచించి ఆలస్యం చేయదలచుకోలేదు .అనవసరపు కాలయాపనే అవుతుంది . నిజాలు అవగతమైనప్పుడు , నైజాలు తదనుగుణంగా మార్చుకొని మనుగడ సాగించటమే అన్ని విధాలా ఆనంద దాయకం . మనసు ముచ్చటప్[అడ్తున్న వేళ , కలిసే తనువుల కలయికే అసలు సిసలు తన్మయత్వపు తొలి రాత్రి . ఇన్నాళ్ళూ అందాల్ని ఆరాదించాలి , ఆస్వాదించకూడదు అన్న అపోహలో గడిపానని యిపుడే అర్ధం చేసుకున్నాను . అందాన్ని ఆరాధిస్తూ ఆస్వాదించాలని నేడే గ్రహించాను " అన్నది .

కార్తీక్ కి ఆ రాత్రి కాదు , ఆ క్షణమే తొలిరాత్రిగా భావించి అలా ప్రవర్తించాడు . క్రాంతి అడ్డు చెప్పక , అతనికనువుగా తనువుని అందించి సహకరించింది . అతని చొరవకి , ఆమె అంబరపు వీధుల్లో సంబరాలు చేసుకొంటోంది . ఈ ఆనందాన్నా యిన్నాళ్ళూ చేజేతులా వదులుకున్నాను అనుకొంటూ , ఇక వదులుకోను గ్శాక వదులుకోను అని అతన్ని గట్టిగా గుండెలకు హత్తుకొన్నది .


                                                                                     ** స ** మా ** ప్తం **

లబ్ డబ్ , లబ్ డబ్

                                                                                                                              కవితా రచన : శర్మ జీ ఎస్


( 25 ఆగష్ట్ 2013 న మాలిక యాగ్రెగాటర్లో ప్రచురించిన పెండెం గారి చిత్రానికి నా చిరు స్పందన  )     




ఎల్ ఓ వీ ఈ అంటే లవ్వట
వన్ టూ త్రీ అంటే ఆ ,
లవ్వుకి సంకేతమట ,
సందేశాన్ని పంపుతుంటారట  ,
తమ ఆదేశాన్ని అనుసరించమంటారట ,
లవ్ / ప్రేమ అంటే రెండే రెండక్షరాలట ,
ఇరువురి నడుమ జనిస్తుందట ,
ఆకారమే లేని మనసుకు లంకె వేస్తుందట ,
వలపుని పుట్టిస్తుందట ,
వయసుని వాడుకొమ్మంటుందట ,
తనువులను దగ్గర చేస్తుందట ,
తలపులను జమ చేస్తుందట ,
తన్మయత్వంలో ముంచేస్తుందట ,
ఎవ్వరికైనా లైను వేస్తుందట , 
పదుగురి కంట పడకుండా ,
పక్క తోవలు పట్ట్టిస్తుందట ,
లబ్ డబ్ , లబ్ డబ్ అంటూ,
గుండెలను పిండేస్తుందట ,
రెండు గుండెలను ఒక్కటి చేస్తుందట ,
అదే అమరప్రేమ అంటుందట ,
కొందరి కది పైత్య ప్రకంపనట ,
ఇంకొంతమందికి కామా లేని కామమట ,
మరి కొంతమందికి మన్మధ బాణమట ,
ఆ యిరువురికి మాత్రం కొబ్బరి లౌజట
అదే అందమైన సంగమమట .

*******

తొలి , తొలి ఎంత మధురమో .....

                                                                                                                                       రచన : శర్మ జీ ఎస్

తొలి కి మన జీవితాలకి చాలా అన్యోన్య సంబంధం వున్నది . పరిశీలిస్తే మనకే బాగా అర్ధమవుతుంది .
మనకు తెలియకుండానే ఎన్నో మారులు ఎంతమందికో అంతులేని ఆనందాన్ని అందించటం , మనం పొందటం కూడా జరుగుతుంటుంది . 

మాతృ గర్భంలోంచి భూమి మీదకి రాగానే తొలి చూపుతో ఎంతమందినో ఆనందంలో ముంచేస్తాము .
తొలి ఏడుపుతో సంబంధితవారినెందరినో ఆనందానుభూతికి లోను చేస్తాము .
తొలి బోసినవ్వుతో మరలా ఎనలేని సంతోషాల్ని కలిగిస్తాము .
తొలిసారి తల్లి పాలు తాగుతుంటే ఆ మాతృమూర్తి పొందే అనుభూతి వర్ణనాతీతం .
తొలిసారి బోర్లా పడటంతో బొబ్బట్లు చేసి సంతోషంతో అందరికీ పంచుతుంటారు .
ఆ తొలిసారిగా పారాడుతున్న ఆ వేళ అమిత ఆనందం చెందేవాళ్ళు .
ఆ పై తల్లిపాలు ( ద్రవ పదార్ధములు ) తగ్గించి ఘన పదార్ధం అలవరుస్తున్న తొలి సారి చప్పరించే ఆ చప్పరింతలకు చప్పట్లు కొడ్తున్నట్లుగా ఆనందించే వాళ్ళు .,
తొలిసారి అలాగే పారాడుతూ గడపలు అతి కష్టంతో దాటుతున్న వేళ గారెలు చేసుకుని ఆరగిస్తూ ఆనందపడిపోయే వాళ్ళు .
తొలి సారిగా చిగురులు గట్టిపడి పళ్ళు వస్తున్న తరుణంలో , విరోచనాలతో బాధపడ్తున్నఆ పసిపిల్లలను చూస్తూ భలే ఆనందం చెందేవాళ్ళు .
తొలి సారిగా తడబడుతూ తప్పుటడుగులు వేస్తున్న సమయాన్ని సంతోషంగా ఇంటిల్లిపాది పంచుకొనేవారు .
తొలి సారిగా  ఏదో చెప్పాలనే తపనతో "  త్త , త్త , త్త "  అంటూ వెంటపడ్తుంటే , దానికి పెద్దవాళ్ళు ' చూశారా బామ్మగారు వీళ్ళు ఇంత చిన్న వయసునుంచే అత్తయ్యను కాకా పడ్తున్నారంటూ వాళ్ళు పొందే ఆనందం అంతా , యింతా కాదు .
తొలి సారిగా అన్నాన్ని అలవాటు చేయాలని వాళ్ళు నోటిలో పెడ్తున్నప్పుడు ఆ పసిపిల్లలు చూపించే ఆ హావ భావాలను చూసి , పదే పదే పెడ్తూ ఆనందపడేవాళ్లు .
తొలిసారిగ పాఠశాలకు పంపుతున్నప్పుడు ఆ ఆనందాన్ని అందరితో పంచుకోవాలని , ఆ పాఠశాలలోని సహ విద్యార్ధులకు తినుబండారాలు , పలకలు , బలపాలు పంచి ఆనందించేవాళ్ళు .
తొలిసారిగా చదువులో అత్యున్నతమైన ప్రధమ స్థానాన్ని సాధించినపుడు ఆనందం అలాగే కొనసాగాలని ఆశీర్వదిస్తూ వాళ్ళు పొందే ఆనందం అనివచనీయమైనది .
తొలిసారిగా ( ఆడపిల్లైతే రజస్వల / మగపిల్లవాడైతే నూనూగు మీసాలు ) వస్తుంటే మా పిల్లలు పెద్దవాళ్ళౌతున్నారు అని అందరితో చెప్పుకుంటూ , ఆ ఆనందాన్ని పంచుకొంటూ ఆనందించేవాళ్ళు .

ఇంతవరకు మన ప్రమేయం లేకుండా మనం ఎంతమందినో ఆనందపరచిన సందర్భాలు .

ఇక ఇప్పటినుంచి ఆ తొలి అనుభూతి ఎలా వుంటుందో ఎవరికి వారికి తెలియటం మొదలవుతుంది .

తొలిసారిగా ప్రేమ తెలియటం ఆరంభమైనప్పుడు .
తొలిచూపులోనే ఎదుటివారి మనసు దోచినప్పుడు .
తొలిసారిగా సంపాదన ఆరంభమైనప్పుడు .
తొలి రాత్రి  తొలి స్పర్శతో జరిగే సంగమమప్పుడు .
తొలిసారిగా మాతా , పితరులౌతున్నప్పుడు .

సో  తొలి , తొలి ఎంత మధురమో ..... .  గో ఎ హెడ్ మలి వరకు , ( అదీ ధర్మబధ్ధంగానే సుమా ! )అవకాశం , ఓపిక వున్నంతవరకు .

                                                                                                ******

తడి తపనలు మాత్రమే ....... ( హాస్య కధ )

                                                                                                                          కధా రచన : శర్మ జీ ఎస్

"   అమ్మా , నాన్న గారు తన బ్లాగుని చూడనే చూడనంటున్నారెందుకని ? "

"   కోపమొచ్చినప్పుడల్లా యిదే వరసరా . "

"   కోపం ఎవరిమీదమ్మా ? "

"   ఇంకెవరి మీదనైనా చూపిస్తే ఎవరూరుకుంటారు , ఆయన గారి ప్రతాపమంతా నామీదనే కదా !."

"   నీమీద కోపం వస్తే ఆ బ్లాగేం పాపం చేసిందని . "

"   నన్నేం చేయలేక , ఆ కోపం దానిమీద చూపిస్తుంటారులే .  "

"   నాన్న అలా చెప్పలేదే ?  "

"   మరెలా చెప్పారేమిటి ?  "

"   నిగ్రహ శక్తిని పెంపొందించుకోవటానికట .  "

"   నిగ్రహ శక్తా ? విగ్రహ శక్తా ?   "

"   విగ్రహ శక్తికి ఉపవాసాలుండకుండా తింటుండాలట .  "

"   నిగ్రహ శక్తికి తినకుండా వుంటే పోతుందిగా ?  "

"   తినకుండా వుంటే నీరసం వస్తుందట , ఒంట్లో వున్న ఆ కాస్త శక్తి కూడా వుండకుండా పోతుందిట . "

"   ఆ పై మెలమెల్లగా ఆగ్రహ శక్తి పెరుగుతుందట . ఆ ఆగ్రహశక్తికి బలం , ఒంట్లో బలం లేకుండా వుండటమేనట .
అందుకని .....   "

"   ఇలా తనకు సంబంధించిన వాటితో బంధాలు గాని , యిటువంటి సంబంధాలు గాని పెట్టుకుంటే , తనకు నిగ్రహ శక్తి పెరుగుతుందట .  "

"   ఎవరు చెప్పారుట ?  "

"   ఎవరో చెప్తే ఆయన వింటారా ! ఏమిటి ? ఆయనే కనుక్కున్నారుట . ఈ కనుక్కోవటం నా పెళ్ళైన నాటి నుంచి వింటూనే వున్నా .  "

"   మరెప్పుడూ చెప్పలేదే ?  "

"   చెప్పటానికేమైనా వుంటే చెప్పచ్చు . పధకాలు , ప్రణాళికలు వేస్తూనే వుంటారు . ఫలితాలు మాత్రం శూన్యం .
అంటే నీ పెళ్ళైన  ఈ 20 ఏళ్ళలో ఒక్కటైనా కనుక్కోలేదా ?  "

"   కనుక్కొంటే నేనూ ఆనందంగా పదిమందికి చాటింపు వేసేదాన్ని . అయినా నా పిచ్చిగాని , వయసులో వున్నప్పుడే కనుక్కోలేనిది , ఈ వయసులో యింకేమి కనుక్కొంటారు ?  "

"   అటువంటప్పుడు  ఇంక వద్దండీ , మానుకోండీ అని ఆయనకు చెప్పచ్చుగా .  "

"   ఛెప్తే వినకపోగా , ఆయన అహం దెబ్బతిన్నట్లుగా ఫీలవుతుంటారు . అలా అహం దెబ్బతిన్న తర్వాత మొహం కూడా చూపించరు . అంత అవసరమా నాకు ఈ వయసులో .  "

"   ఓ ఈ కళ కూడా వున్నదా ఈయనలో . "

"   ఈ కళేంటి , యింకా చాలా చాలా కళలున్నాయి . మనింటి పేరేమిటి ?  "

"   అదేంటమ్మా అలా తెలియనట్లు అడుగుతున్నావ్ ?  "

"   తెలియక కాదు , నీకు వివరంగా తెలియచెప్పాలని .  "

"   కళల కాణాచి .  "

"   అంటే కళలలో నిష్ణాతులైనవారు అని అర్ధం .  "

"   అలాగా ! ఏ కళలలో ?  "

"   అదే చెప్తున్నా . ఆ యింటిపేరు చూసే మా వాళ్ళు మీ నాయనగారికి నన్ను కట్టబెట్టారు .  "

"   మంచిపనే చేశారుగా .  "

"   మేమూ మొదట అలాగే అనుకున్నాం . తీరా పెళ్ళై కాపురానికొచ్చిం తర్వాత అర్ధమైంది , ఏ కళలలో ఆరితేరారో ."

"   అప్పుడు కూడా తెలియకపోతే యిబ్బందిపడేదానివేమో . త్వరగా తెలుసుకోగలిగావు . ఆ తర్వాత .  "

"   ఇంకేముంది నొప్పి తగ్గింది , వాపు మిగిలింది .  "

"    అర్ధం కాలేదమ్మా . ఇంకొంచెం వివరంగా వివరించమ్మా . "

"   నిజంగా వాళ్ళ ఇంటిపేరు అది కాదట . వాళ్ళ పూర్వీకులు నాటకాలాడేవారట . వాళ్ళ నాటకాలు చూసిన ఆ నాటి పెద్దమనుషులు " కళల కాణాచి " అన్న బిరుదు ప్రదానం చేశారుట యీయనకు ముందు మూడు తరాల వాళ్ళ వాళ్ళకు . ఇక ఆ నాటి నుంచి అంతకుముందు వున్న వాళ్ళ అసలు ఇంటిపేరుని మార్చేసుకున్నారుట .  "

"   అలాగా ! నాకు తెలియక ఇంతదాకా నా స్నేహితుల దగ్గర గొప్పగా చెప్పాను . అయితే అది నిజం కాదా . "

"   నిజం కాదురా , ఇదే నిజంరా .  అలా ఎచ్చులు చెప్పకు , ఉచ్చులలో బిగుసుకుంటావు . "

"   సరేనమ్మా , ఇక నుంచి జాగ్రత్తగా వుంటాను . అది సరే గాని ఆయన గారు అలా భీష్మించుకు కూర్చొంటే
ఎలాగమ్మా ?  "

"   ఎన్నాళ్ళు కూర్చొంటారురా ? కూర్చొంటే కూర్చోనియ్ . "

"   అంత సీను లేదమ్మా ఆయనకి . "

"   మరెంతుందంటావేమిటి ?   "

"    ఒక్క పది రొజులపాటట .  "

"    ఎందుకు ? ఏమైందేమిటి ? గూగుల్ వాడేమైనా బ్లాగులకు సంబంధించిన సైట్ ని మరమ్మత్తులు చేస్తున్నాడా ఏమిటి ?  "

"    గూగుల్ ఏమీ చేయటం లేదు , మా నాయనే గమ్మత్తులు చేస్తున్నాడిలా ?  "

"    అంటే ? అర్ధం కానట్లు అడిగింది . "

"    అలా అయితే నాకేంటి ? ఆ అవస్థలేవో ఆయనే పడ్తారుగా . ""

"    అలాగైతే నీకెందుకు చెప్తాను . కొంచెం తేడాగా ప్రవర్తిస్తుంటారు .  "

"    తేడా అంటే ?  "

"    అదేనే కనపడిన ప్రతివాళ్ళని కసురుకోవటం , విసుక్కోవటం , కోప్పడటం లాంటివి మొదలైనాయి .  "

"    అందుకేనా ఆయన ఏదో ఆలోచిస్తున్నట్లుగా వున్నారు ?   "

"    ఆలోచించటం కాదు , అర్ధం చేసుకోవటం కాదు . ఆయనలో ఆయన గొణుక్కుంటున్నాడు ?  "

"    దేనికి ?  "

"    ఏంటి యిలాంటి పరీక్ష ఎందుకు పెట్టుకొన్నానా ? అని . "

"    ఆయనకు ఆయనేగా కమిట్ అయ్యారన్నావు ?  "

"    కమిట్మెంట్ యీజీ , ఫాలో అవటమే అన్ యీజీగా ఫీలవుతున్నారు . "

"    అంత కష్టమైతే కమిట్మెంట్ విత్ డ్రా చేసుకొంటే పోలా ?  "

"    విత్ డ్రా చేసుకుంటే నిగ్రహశక్తి పెరగదుగా ?  "

"    విత్ డ్రా ఎందుకు చేసుకున్నారని అందరూ అడుగుతారుగా , అది తట్టుకోలేక సహనాన్ని కోల్పోయి , అసహనాన్ని ఆశ్రయించి ఆగ్రహించేస్తారట . "

"    అలా అయితే ఆయనను కంటిన్యూ చేయమను . "

"     ఆయన గారు కంటిన్యూ చేస్తే ఇంట్లో సిస్టం మూసే వుంటుంది . అది కష్టమవుతుంది నాకు . "

"     ఆ విషయం ఆయనకు నువ్వే చెప్పు .  "

"     నేనెలా చెప్తానమ్మా . నువ్వైతే చెప్పగలవు . "

"     నేను కూడా అంతేరా . ఆయనకు ఎప్పుడు కోపమొస్తుందో , ఎప్పుడు నవ్వొస్తుందో నాక్కూడా సరిగ్గా తెలియదు .  "

"     అదేంటమ్మా అలా అంటావు ?  "

"     ఇంకేమనమంటావు . ఆయన వైఖరే వేరు . అందరూ నవ్వుతుంటే ఆయన సీరియస్ గా వుంటారు . అందరూ
సీరియస్ గా వుంటే ఆయన నవ్వుతుంటారు . మనకి ఉప్పు సరిపోతే ఆయనకి తగ్గిందంటారు . ఖారం తగ్గిందంటే
ఎక్కువైందంటారు .   కాఫీ తియ్యగా వుందంటే , చేదుగా వుందంటారు . "

"     అది రోజూ చూస్తూనే వున్నాగా . అది మీ యిరువురి తత్వమనుకున్నా . "

"     తత్వం కాదురా , పైత్యమే . ఆయన ఏం చేయదల్చుకొంటే అదే చేయని . లేకుంటే నిజంగా ఆయనకు నిగ్రహశక్తి రాకున్నా ,  దానికి కూడా మనమే కారణమంటారు .అందుకని ఆయన ఎలా వుండదలుచుకొంటే అలాగే వుండనిద్దాం . "

"     అంతేనంటావా ?  "

"     అంతేరా . ఒకసారి 1985 లో ఏం జరిగిందో తెలుసా ?  "

"     తెలియదు . నేనప్పటికి పుట్టలేదు , నీవింతవరకు చెప్పలేదుగా . "

"     ఇప్పుడు చెప్తా విను . ఆయనకు ఎప్పుడూ ఏదో కనుక్కోవాలనే తపన ఎక్కువుండేది .  "

"      మధ్యలోనే అందుకొని , నీకు కొనుక్కోవాలనుండేదా అమ్మా అన్నాడు సుపుత్రుడు . "

"      అవునురా , కరెక్టుగా చెప్పావు . దాంతో నాకు విసుగ్గా వుండేది .  "

"      ఆయన కనుక్కోలేకపోయారనా ? లేక నువ్వు కొనున్నోలేకపోయావనా ?  "

"      రెండూ ఒక్కసారే జరుగుతున్నాయిగా .  "

"      ఇంతకీ ఆయన ఏం కనుక్కోవాలనుకున్నారు ?  "

"      ఆ 1985 లో వంట నూనె కిలో 4.50 ఉండేది . పిండివంటలు అంత ఖరీదైన వంటనూనెతోనే చేయటం ఎందుకు ?  "

"     వంటనూనెకు బదులు నీళ్ళతో వంటకాలు వచ్చేటట్లయితే , ప్రపంచమంతా పిచ్చివాళ్ళనుకుంటున్నారా  ? "

"    అలా నేనేమీ అనుకోవటంలేదు . ఏదైనా ఓ కొత్తది కనుక్కోవాలంటే ఎవరో ఒకరు ప్రయత్నం చేయకుంటే మనం ఏమి అనుభవించేవాళ్ళం ? ఆలోచించు అన్నారు .  "

"    అలా అనిపిస్తోందా మీకు ? "

"    అలా అనిపించబట్టే కదా , నా ప్రయత్నం విరమించకుండా కొనసాగిస్తున్నా అంతకంత రెట్టింపు ఉత్సాహంతో . "

"    ఓ యిలా ఫిక్స్ అయిపోయారా , సరే కానీయండి . "

"    వాటర్ తో ఎందుకు చేయకూడదు అని నా వెంటబడేవారు పిండి కలిపేదాకా . ఆ తర్వాత ఆయనే బాణలి గ్యాస్ స్టవ్ మీద పెట్టి , వెలిగించి , బాణలిలో నీళ్ళు పోసి , ఆ నీళ్ళు తెర్లేవరకు వుండి కలిపిన చక్రాల పిండిని గిద్దలలో పెట్టి నొక్కారు . చూశావా ? ఎలా చేస్తున్నానో అంటూ ఆ వెంటనే నన్ను నొక్కటం ప్రారంభించారు . "

"    చక్రాలు వచ్చాయమ్మా ?  "

"    చక్రాలెందుకొస్తాయిరా , గట్టిగా వున్న పిండి కాస్తా ఆ వుడికే నీళ్ళతో కలిసిపోయి పలచబడింది . ఇంక మారు మాట్లాడక తన గదిలోకి వెళ్ళిపోయారు .  "

"    మళ్ళీ ఆ ప్రయోగం చేయలేదా ?  "

"    అదెందుకు చేస్తారు ? మరో కొత్త ప్రయోగం , పెళ్ళైన నాటి నుంచి యిలా అదే వరస . "

"     నువ్వెప్పుడూ చెప్పలేదా ? "

"     చెప్పకపోవటం నా లోపం కాదు , వినకపోవటం ఆయన లోపం . అలాగని ఆయనను వదలి వెళ్ళలేను , మన భారతీయ సంప్రదాయం ప్రకారం కడ ( తేరే ) దాకా , ఆ (యన) గడపలోనే వుండాలి . అలా వుండకపోతే , మా పెద్దల పరువు గంగలో కలిసిపోతుందనో , మంటల పాలౌతుందనో చెప్పేవారు . పెద్దలనెదిరించటం మన సంప్రదాయానికి విరుధ్ధం కదా ! .  "

"    అలా భావించి ఆయన్ను అలా ప్రోత్సహించటం వలన , ఇప్పుడు అందరూ బాధపడ్తున్నారా ? లేదా ? "

"    నిజమేరా ? ఈ మాత్రం ధైర్యం ఆ రోజుల్లో నాకే వుండి వుంటే ఎంత బాగుండేదో ?  "

"    అమ్మా , యిప్పటికైనా ధైర్యం చేసి ఆయనకు చెప్పమ్మా ఎటువంటి ప్రయోగాలు చేయద్దని . "

"    నేను చెప్పలేనురా . నువ్వే ధైర్యవంతుడివి కదా !  "

"    ధైర్యం ఒక్కటే సరిపోదమ్మా , యిలాంటివి చెప్పటానికి చనువు కావాలి , ఆ చనువు నీకే వున్నదమ్మా . "

"    ఆ చనువు యిటువంటికి వాటికి వుపయోగపడదురా . నువ్వే చెప్పు , నువ్వు చెప్తేనే బాగుంటుందిరా . "

"    అంతేనంటావా ?  "

"    ముమ్మాటికీ అంతేరా . తను చేయలేనిది తన పిల్లల ద్వారా చేయిస్తారంటారు ఈ లోకంలో . ఇదే తరతరాల ఆనవాయితీరా .  "


                                                                                               *****

బుల్లి తెరల నిత్య భాగోతం

                                                                                                                      రచనా సంకలనం : శర్మ జీ ఎస్

1 )     


' తోమాలసేవ '
' సుప్రభాత సేవ ' లు చేసి ,
' నిత్యపూజలివిగో ' అంటు పూజలు చేసి ,
' భగవత్ దర్శనం ' చేసుకొని ,
' నాదనీరాజనం ' సమర్పించుకొని ,
' శతమానం భవతి ' దీవెనలందుకొని ,
' శ్రీవారి కళ్యాణోత్సవం '
' పద్మావతి అమ్మవారి కళ్యాణం ' లు చూసుకొని ,
' కలియుగ వైకుంఠం ' ఇదే అంటూ చూపిస్తుంది .

  ******

2 )    


' శ్రీ లలితా సహస్రనామం ' పఠించి ,
' హనుమాన్ చాలీసా ' స్మరించి ,
' అర్చన ' జరుపుకొని ,
' గ్రహబలం ' ఎలాగున్నదో తెలుసుకొని ,
' పుణ్యక్షేత్రంలో ' దేవుని ,
'  కృష్ణావతారం ' చూసి ,
'  కృష్ణ తత్వం ' తెలుసుకొని  ,
' ప్రత్యక్ష దర్శనం ' చేసుకొని ,
' శ్రీ లక్ష్మీ స్తోత్రం ' ,
' మహేశ్వర వైభవం ' చూస్తూ ,
' ఓం నమః శివాయ ', ' ఓం నమః శివాయ ' ,
  అని జపించడంతో  ,
  భక్తి విశేషాలు తెలియబడ్తాయంటుంది . 

*****

3 )   


' తమసోమా జ్యోతిర్గమయి ' అంటూ ,
'  ఆరాధన ' తో ఆరంభించి ,
'  ప్రార్ధనా ' సమయాన్ని కేటాయించుకొని ,
'  తీర్ధయాత్రలు ' చేస్తూ ,
'  సరదా సరదాగా ' గడుపుతూ ,
'  సుఖీభవ ' లుగా వుండవచ్చని ,
'  ఆంధ్రావని ' లోని ,
'  అన్నదాత ' సహకారంతో ,
'  జీవనజ్యోతి ' ని వెలిగించుకొమ్మంటుంది .

*******


4 )      

'  వార్తలు ' వినిపించి ,
'  శుభలగ్నం ' చూడమని ,
'  వాణి రాణి ' ల ,
'  మధుబాల ' ల ,
'  స్వయంవరం ' అంటూ ,
'  సంప్రదాయం ' మరువకుండా ,
'  ఆహ్వానం ' పలుకుతూ ,
'  మూడు ముళ్ళ బంధం ' లాంటి ,
'  అనుబంధాలు ' కలసి ,
'  మరో చరిత్ర ' ను సృష్టిస్తాయని ,
'  ఛాంగు ఛాంగురే బంగారు రాణి ' చాటుతోంది .

*****

5 )     

'  గోపురం ' చూపిస్తూ ,
'  శ్రీకరం శుభకరం ' అంటూ ,
'  భక్తి సమాచారం ' తెలియచేస్తూ ,
'  అత్తారింట్లో 5 గురు కోడళ్ళు ' ,
'  కలవారి కోడళ్ళు ' అని చాటుకోకుంటే ,
'  గడసరి అత్త సొగసరి కోడలు '
'  పునర్వివాహం ' యోచనకవకాశం యివ్వద్దని ,
'  పెళ్ళినాటి ప్రమాణాలను ' మరచిపోకుండా ,
'  పసుపు కుంకుమ ' లను మరువకుండా ,
'  గోరంత దీపం ' కొండంత వెలుగు నిస్తుందని ,
'  బృందావనం ' గా చేసుకోవచ్చని ,
'  మమతల కోవెల ' గా మలుచుకొమ్మంటుంది .

*******

6 )      

'  జీవన వేదం ' లో ,
'  హర హర మహదేవా ' ప్రాముఖ్యాన్ని ,
'  సిల్వర్ స్క్రీన్ ' మీద చూపుతూ ,
'  శ్రీ చాగంటి దుర్గా వైభవం '
   కంటికి తెలిసేలా చేస్తూ ,
'  మోడ్రన్ మహలక్ష్మి '
'  మా ఊరి వంట ' రుచి చూడమంటుంది ,
'  పుట్టింటి పట్టుచీరను '
'  పవిత్ర ' చేత పెట్టి ,
'  అభినందన ' స్వీకరించింది ,
'  కోడలా కోడలా కొడుకు పెళ్ళామా '
'  పెళ్ళంటే నూరేళ్ళ పంట ' ,
'  అత్తారిల్లు ' లో ,
'  కాంచన గంగ '
'  చూపులు కలసిన శుభవేళ '
'  చిన్నారి పెళ్ళికూతురు ' గా అయిన సందర్భంలో ,
'  ళుషీ ' గా ,
'  అష్టా చెమ్మా ' ఆడుకుంటూ ,
'  భలే ఛాన్సు లే ' అనుకొంది .

*****

7 )      

'  ప్రభాత తుషారం ' తాకిన ,
'  తెలుగింటి అమ్మాయి '
'  గురుదేవో భవ ' అని కీర్తించి ,
'  అమ్మ మనసు '
'  మందార మకరందాలు ' గా భావించి ,
'  కిసాన్ '
'  రైతు నేస్తాల ' సహకారంతో ,
'  తెలుగుతోట ' లో పండించి ,
'  భారత నిర్మాణంలో '
'  ఆరోగ్యభారతం '
   ప్రధాన పాత్రగా తలవమంటుంది .

*****

క్లాసిక్ (గా) లేస్ సేల్స్

                                                                                                                            కవితా రచన : శర్మ జీ ఎస్
                 
                                      ( జూలై లో మాలిక యాగ్రెగాటర్లో ప్రచురించిన పెండెం గారి చిత్రానికి నా చిరు స్పందన ).
                                                                                 

లేస్ లేస్ లేస్ ,
ఈ తరం పిన్న , పెద్దలందరి
నోటివెంట ఇదే మాట , అదే బాట

లేస్ ప్యాకెట్ ఎప్పుడు చూసినా
మెండుగా సరుకు లోన లేకున్నా
నిండుగా నిండు పున్నమిలా అగుపిస్తుంది
నిండు చూలాలినే తలపిస్తుంటుంది
తననెన్ని మార్లైనా తడవమంటుంది
ఎవరిని ప్రెస్ చేస్తే ఎవరూరుకొంటారు
ప్రెస్ చేసి ఆనందించమంటుంది

పలుమార్లు ఆలోచించా ఈ లేస్ లో
అంత ఆకర్షించేదేముంటుందా అని ?
మనసు ఒక పరి రుచి చూడమంది
ఎదురు చెప్పక , బదులు చెప్పక
ప్యాకెట్ కట్ చేశా , అంతే  ఘుప్పున 
నసాళానికి అంటేటట్లున్నదా మసాలా వాసన 
ఐనా ఒక చిప్ తీసి నోటి కందించా
అంగిలి దాటకుండానే మహ ఎంగిలి పడ్డావులే
అంటూ ఎకసక్కెమాడినట్లు నాసిక నస

ఆ లేస్ లో 70 శాతం గాలేనట
మిగిలిన 30 శాతమే సరుకట
ఆ 70 గాలి 30 సరుకుని పరిరక్షిస్తుందట
గాలే కదా ప్రాణవాయువు మరి దేనికైనా ,
ఆ ప్రాణవాయువే కదా మనకు రక్ష

ఆ గాలి గనులను నమ్ముకొని అమ్ముకోవటం కంటే
ఎవరి సొంతం కాని ఈ గాలిని అమ్ముకొంటే
తప్పేమీ లేదనుకొన్నట్లున్నారు కాబోలు

అందుకే వీళ్ళు అమ్ముకొంటున్నారు బహిరంగంగా 
ఏ ప్రభుత్వమైనా ఏం చేయగలదు అనుమతించక .

          ******               

మనసు ఓవర్ టేక్ వయసు

                                                                                                                              కవితా రచన : శర్మ జీ ఎస్


పెళ్ళైన కొత్తలో
డబుల్ బెడ్ లెందుకు ,
సింగిల్ చాలు అని సర్దుకుంటారు ,

పిల్లలు పుట్టాక ,
ఆ డబుల్ బెడ్ ని ,
ఆ పిల్లలకు కేటాయిస్తారు .

ఆ పిల్లలు పెరిగి పెద్దయ్యాక ,
ఆ డబుల్ బెడ్ ,
అవసరం ఎంతో వుంది అనిపిస్తుంది .

ఆ పిల్లలే పెళ్ళై వెళ్ళాక ,
ఆ డబుల్ బెడ్ అవసరం ,
ఇక లేనే లేదనుకుంటారు .
మళ్ళీ ఖాళీగానే వుంచుతారు

మనుమళ్ళు , మనుమరాళ్ళతో ,
ఆ సింగిల్  బెడ్ ,
అవసరమే లేదనిపిస్తుంది .

కొంతకాలం గడిచాక ,
వయసయిపోతున్న వేళ ,
ఆ డబుల్ బెడ్లు ,
అవసరమనిపిస్తాయి .

ఇంకొంతకాలం గడిచాక ,
ఆ డబుల్ బెడ్లు ,
రెండు సింగిల్ బెడ్లు లా ,
రూపాంతరం చెందుతాయి

మఱి కొంతకాలానికి ,
మదిలోన భావాలు మారుతున్నప్పుడు ,
ఆ యిరువురూ ఎవరికి వారవుతారు ,
ఒకరు నిద్రపోవాలనుకుంటే ,
మరొకరు టీ వీ చూడాలనుకుంటారు ,

బెడ్లు కాదు మార్చాల్సింది  ,
మార్చాల్సింది పడక గదులే .

           ******

లే ...లే ... ప ... పా ...

                                                                                                                              కవితా రచన : శర్మ జీ ఎస్


అడవిలో చాలా చాలా మృగాలుంటాయని ,
వాటిలో చాలా స్నేహంగానే ఉంటాయని ,
చీతలు చిక్కులు పెడ్తాయని ,
పులులూ పిల్లుల్లా మెల్లగా వెంటపడ్తాయని ,
సింహం స్వరూపానికే నర సింహమని ,
తనకాహారం అందకుంటే ఆగ్రహిస్తుందని ,
ఏడేడకో వెళ్ళకు ఈడీడనే ఆడుకొమ్మని ,
మరీ మరీ , పదే పదే చెప్పి వెళ్ళింది తల్లి లేడి  ,
పరుగులు తీస్తూ ఆనందించాలనుకొని ,
ఆ కానలో , ఆ కోనలో , ఆ లేడి కూన ,
అమ్మ మాట పెడచెవిన పెట్టింది ,
ప్రకృతిని చూడాలని ఉవ్విళ్ళూరింది ,
అంగలంగలతో చెంగు చెంగున గంతులేస్తూ ,
అలా అలా అడవి అంతా కలయ తిరిగింది ,
ఎనలేని ఆనందాల్ని ఆస్వాదించింది ,
హాయిగా ఆదమరచి అచ్చోటనే విశ్రమించింది ,
చాటుగా పొదలమాటున మాటు వేసిన చీత , 
మెల్లగా , సవ్వడి లేని ఆడుగులతో కదిలింది ,
పొదల సవ్వడికి , వెనుకకు చూసింది ,
అలుపు రొప్పులతో పరుగులు తీసింది ,
అమ్మ కొరకు కాకున్నా , ప్రాణం కొరకు ,
ఆ ప్రాణాన్నే పరుగులు తీసేలా చేసింది ,
చావు తప్పి కన్ను లొట్టబోయినట్లు తృటిలో తప్పించుకొంది ,
లే ... లే ... ప ... పా ... అంటే ,
లేడికి లేచిందే పరుగు పారిపోయేటందులకే .

******


ముఖ్య గమనిక :

సహజంగా మన ఈ సమాజంలో ఎవరైనా వున్న పళాన ఉరుకులతో పరుగులు తీస్తుంటే "   లేడికి లేచిందే పరుగు , ఆగేది లేదా ? "   అంటుంటారు .


కానీ లేడి అలా పరుగులు తీయటానికి వెనక నున్న గాధ ఇంత భయంకరమైనదని , బాధాకరమైనదని తెలుసుకొంటే , ఇక ముందు పైలా వాడుకో కూడదు . 

వారసత్వ చరిత్ర


                                                                                                                             కవితా రచన : శర్మ జీ ఎస్ 


ఆరంభంలో వంశాభివృధ్ధికే వారసత్వం ,

కొంతకాలం పిదప ,
రాజకీయాల్లో వారసత్వం ,

ఇంకొంతకాలం గడిచాక ,
వ్యాపారాలలో వారసత్వం ,

మరికొంతకాలం గడిచాక ,
సినీ చరిత్రలో వారసత్వం ,

ఇంతకాలం యిలా గడిచాక , 
ఆ వారసత్వానికే ,
సీనియారిటీ పెరిగాక ,
ఇక్కడా , అక్కడా అన్న తేడా  లేకుండా ,
అంటుకొమ్మలా అల్లుకు పోయింది ,
అంటువ్యాధిలా ప్రబలిపోయింది ,
మంచి చెడు చూడనే చూడదు , 
వలసినదల్లా ధనికుడా ? నిరుపేదా ?
ధనికుడిని అమాంతంగా వాటేసుకుంటుంది ,
నిరుపేదను నిర్మొహమాటంగా కాటేస్తుంది , నెట్టేస్తుంది ,

ధనికులకు వారసత్వపు జోరు ,
నిరుపేదలకు బానిసత్వపు హోరు ,
ఇదే తర తరాలుగ  మార్చుకోని తన తీరు .

 ******

ఆలోచించండి


                                                                                                                                      రచన : శర్మ జీ ఎస్



ఇంతటి అంతరార్ధంతో కూడుకున్న ఈ పెళ్ళి , ఆ తర్వాత ఆ భర్త కాలం చేస్తే , ఆ అమ్మాయి మెడలో తాళి , నుదుట కుంకుమ , కాళ్ళకు పసుపు , కళ్ళకు కాటుక , జడలో పూలు , పాదాల వేళ్ళకున్న మెట్టెలు , చేతులకున్న గాజులు తొలగిస్తారు . ఇక ముందు జీవితంలో నీకా అర్హత లేదని . ఆ సుఖాలకు నువ్వు అర్హురాలివి కాదు అని . 

ఆ స్త్రీని ఎవరు చూసినా మోజుపడకుండా వుండేలా , అందవికారంగా ( జుట్టు కూడాతీయించేవారు ) తయారు చేసేవారు . ఈ చర్యలకు వయసు తారతమ్యం లేదు ( భార్య అయిన అర్హత మాత్రం చాలు ) .

ఇది ఎంతవరకు సమంజసం ?

ఆ చేతులకు గాజులు ఆడపిల్లగా పుట్టినప్పటినుంచీ  పెడ్తూ వున్నవే కదా !
ఆ కళ్ళకు కాటుక ఆడపిల్లగా పుట్టినప్పటినుంచీ పెడ్తూ వున్నవే కదా !
ఆ నుదుట కుంకుమ / తిలకం ఆడపిల్లగా పుట్టినప్పటినుంచీ పెడ్తూ వున్నవే కదా !
ఆ కాళ్ళకు పసుపు ఆడపిల్లగా పుట్టినప్పటినుంచీ  పెడ్తూవున్నవే కదా !
ఆ జడలో పూలు ఆడపిల్లగా పుట్టినప్పటినుంచీ  పెడ్తూ వున్నవే కదా !

పుట్టినప్పటి నుంచి వున్న వీటిని కూడా భర్త పోగానే తీసేయటం , మగ మహారాజుల  కర్కశపు కార్యక్రమాన్ని ఆ నాటి ఆడవాళ్ళు వాళ్ళ స్వార్ధపరత్వంతో సహకరించిన దుశ్చర్యగా భావించి తీరవలసిందే . 

ఇవన్నీ కూడా ఆడవాళ్ళు , మగవాళ్ళు కలసి  వారికనుకూలంగా తయారుచేసినవనే నా భావన .

ఇక్కడ రెండు రకాల ఆడ (ఛాందసవాదులు)వాళ్ళు  , మగ (ఛాందసవాదులు)వాళ్ళున్నారు  .

1 . వాళ్ళ పిల్లకు భవిష్యత్తులో మరే మగ పశువుకి బలి కాకుండా చేసినవారు . 
2 . తమ అబ్బాయి పోయినప్పుడు , తను మళ్ళీ పెళ్ళి చేసుకుంటే ( పిల్లలని కని వుంటే ) వాళ్ళనెవరు పెంచుతారు ,
ఓ వేళ తను పెళ్ళి చేసుకోకపోయినా , తనకి ఆ కోర్కెలు కలగకుండా వుండాలన్న సదుద్దేశంతో / దురుద్దేశంతో కొంతమంది ఆడ , మగ  ఛాందసవాదులు  చేసిన స్వార్ధపూరిత చర్యగా భావించి తీరవలసిందే .

ఇలాంటి విధానాలను తమ ఆచారంగా , సంప్రదాయంగా సమాజంలో చెలామణీ చేశారు . దీని వలన చాలామంది మనసులు , అహ మనసులే కాదు ,జీవితాలు కూడా నిస్సత్తువగా మారి , వాళ్ళను నిర్జీవులుగా మిగిల్చేశాయి / మిగిల్చేస్తున్నాయి / మింగేస్తున్నాయి అన్నదానిలో యిసుమంత సందేహపడవలసిన పని లేదు .

ఆ భర్త పోయిన ఆడవాళ్ళను చూడగానే గుర్తొచ్చేలా తెలియాలనే ఇలాంటి చెత్త చేష్టలను ఆచారంగా , దుష్ప్రచారం చేశారు . చూసేవాళ్ళ కొరకు భర్త పోయిన ఆడవాళ్ళను అలా , అందవికారంగా తయారు చెయ్యాలా ? అంటే దీని వెనుక ఓ వింత అంతరార్ధం కాదు అంతా  స్వార్ధమే దాగి వుంది . ఏ మగవాళ్ళకు ఆ స్త్రీని చూడగానే ( ఆనాటి ఆడవాళ్ళు గృహనిర్బంధం లోనే వుండేవారు కదా ! పొరపాటున ఆ ఇంటికి వచ్చిన ఏ మగవాళ్ళు చూడటం జరిగితే  ) అటువంటి దుర్భావన కలగకుండా వుండాలని యిటువంటి దురాచారాలను ప్రోత్సహించారు  . 

వాళ్ళూ మనలాంటి మానవ జీవులే . వారికీ కోరికలుంటాయి . సారీ వారికి కాదు వారి వయసుకీ , మనసుకీ కోరికలుంటాయి . అవి సక్రమంగా తీర్చుకొనే అవకాశం మన సమాజం వాళ్ళకు అందించాలి . అలా అందించిన నాడు చాలా వరకు అక్రమ సంబంధాలకు స్వస్తి పలికిన వాళ్ళమౌతాము . అలాంటి ఆడవాళ్ళను క్రమబధ్ధీకరణ చేయ ప్రయత్నిస్తే అక్రమ మార్గంలో తీర్చుకోవాలనే ఆకాంక్షే వాళ్ళ మనసుల దరిదాపునకు కూడా రాదు  / రాలేదు
పబ్లిక్ గా దొరకే వస్తువుని మన యింటిలో నిల్వ చేయం అన్నది సర్వులకూ విదితమే కదా! ఏ వస్తువుకైతే కంట్రోల్ విధిస్తారో , ఆ వస్తువు మీద మనకు మక్కువ పెరిగి , ఎపుడెపుడు అక్కున ఠక్కున చేర్చుకొందామన్న తపన అధికమౌతుంటుంది . ఆ పై వాళ్ళను వక్ర మార్గంలోకి తీసుకు వెళ్తుంది , దాన్ని ఎలాగైనా దక్కించుకోవాలనో / పొందాలనో  .

ప్రాయంలో , నడివయసులో  భర్తను పోగొట్టుకున్న ఆడవాళ్ళు , మరలా పెళ్ళి చేసుకోకుండా యింత అందవికారంగా వుండాలా ? 

అదే భార్య పోయిన భర్త ( తన మొదటి భార్యకు పుట్టిన పిల్లలున్నా ) సంవత్సరం కూడా తిరగకుండానే పెళ్ళి చేసుకోవచ్చా ? ఇదెక్కడి న్యాయం ? ఇదేనా న్యాయం ? ఇదే నా న్యాయం అంటూ ఆ నాటి వింత పశువులు / ఛాందసవాదులు చేసిన గొప్ప దురాచారం / దుస్సంప్రదాయం .

ఏ వయసులో మగవాళ్ళకే కోరికలుంటాయా  ? అవి వాళ్ళ స్వంతమ ? ఆడవాళ్ళకి అలా వుండవా ? వుండకూడదా ? 

ఏ వయసు మగవాడికైనా కోరిక ఉంటే తీర్చుకోవలసినది మరి ఈ ఆడవాళ్ళే కదా ! అంటే వీళ్ళు అక్రమ పధ్ధతిలో ఈ వింత పశువుల / ఛాందసవాదుల కోరికో లేక కొంచెం దురదో తీరుస్తూ సమాజంలో పతిత అని ముద్ర వేయించుకోవాలా ? 

ఆచారాలకి అర్ధముండాలే గాని , స్వార్ధపరుల చేతిలో సంప్రదాయంగా మారకూడదు .

మీరూ ఆలోచించండి కొంచెం విశాలహృదయంతో . మీకూ యిది తప్పనిపిస్తే ప్రోత్సహించకండి . ఒప్పనిపిస్తే , మళ్ళీ మళ్ళీ ఆలోచించండి తప్పేనని అనిపించేటంతవరకు .

ఈ దురాచారాన్ని సత్వరమే రూపు మాపేటందుకు ఎవరికి వారు సంసిధ్ధులు కండి .

ఈ విషయంలో కొంతమేరకు విజయపధంలో నడిపించిన శ్రీ కందుకూరి వీరేశలింగం పంతులు గారిని మనం స్ఫూర్తిగా తీసుకొనవలసిందే . ఆయనకు మన నమోవాకములు సమర్పించవలసిందే .

                                                                                                   ******

నా న్యూ నుడులు - 9

                                                                                                                                      రచన : శర్మ జీ ఎస్

1  .  when your body is excess sizes ,
       you need the exercises .

2  . పేగు తెంచుకొని జనిస్తాడు ,
       పేరు కొరకు తపిస్తాడు .        

3 .  ఆనాడు వందేమాతరం అన్నారు ప్రతి ఒక్కరు ,
      ఈనాడు మందే మా తరం అంటున్న  యువత .

4  . నాడు పవిట వేయటం పరదా ,
      నేడు పవిట తీయటం సరదా .

5  . నిప్పు లేనిదే పొగ రాదు ,
     తప్పు చేయనిదే పగ కాడు .

6  . అయినవాళ్ళు ఆవుల్లాంటివారు ,
      కానివాళ్ళు కాకుల్లాంటివారే .

7  . ఆలోచనలకు నిదానమే అమృతం ,
      ఆచరణకు ఆలస్యమే విషం .

8  '  నాడు పని మీదే ధ్యాస
       నేడు మనీ మీదే ఆశ        

9  . చాటుగా చెప్పేది కంప్లెయింట్ ,
     ఎదురుగా యిచ్చేది కాంప్లిమెంట్ .

10 . కనపడేది శాశ్వతం కాదు ఈ దృష్టికి ,
     శాశ్వతమైనది కనపడదు ఈ దృష్టికి .

                                                                                                                                                                                                                                                                                              ( మళ్ళీ కలుసుకొందాం ) 

తప్ప లేదు మళ్ళీ

                                                               
                                                                                                                         కవితా రచన : శర్మ జీ ఎస్     


పూలను చూసేపని తప్ప ,
కోసే పనే లేదు .

కొబ్బరికాయ పొడికి తప్ప ,
కొట్టే పనే లేదు .

ఫస్ట్ నైట్ కి బెడ్ ని చూసుకొనేవారు తప్ప ,
 పూలు పరవలేదేమని అడిగేవారు లేరు .


మెయిన్ డోర్ కి , బాత్ రూం డోర్లకి తప్ప ,
మరే డోర్లకు గడియలు , తాళాలుండనే వుండవు .

ఒకేమారు నాలుగు స్టౌలు ఉపయోగించటం తప్ప ,
వంట కొరకు గంటల తరబడి కిచెన్ లో  ఉండేవాడే లేడు .

ఎదుటబడినప్పుడు చిరునవ్వు విసిరేవాడు తప్ప ,
నువ్వెందుకిలా వున్నావని ప్రశ్నించేవాడే లేడు

కమిట్ అయిననంత కాలం ,
అడుగడుగునా , అణువణువునూ తడుముకొనేవారు తప్ప ,
పరాయి వాళ్ళని  పోకిరీ చేష్టలతో ఏడిపించే వాడు లేడు .



******

కట్టు - బొట్టు - కట్టుబాట్లు

                                                                                                                                        రచన : శర్మ జీ ఎస్

ఆడపిల్లలకు చిన్నతనంలో  స్కర్ట్స్ , మిడ్డీస్ , స్లీవ్లెస్స్ గౌన్స్ లాంటివి వేస్తుంటారు .

ఆ తర్వాత కొంచెం 10 , 12 ఏళ్ళ వరకు పరికిణీ , జాకెట్ వేస్తుంటారు .

ఆ తర్వాత ప్రధమ రజస్వల కాగానే , ఓ మూల కూర్చోపెట్టి 4 రోజులపాటు ఎక్కడకి వెళ్ళకుండా చేసి , తెలిసిన వారిని , బంధువులను పిలచి , ఓ వేడుకగా జరుపుతారు .
ఇందులోని అంతర్భావం ఏమిటంటే , మా అమ్మాయి పెద్దమనిషి అయింది , మీకు తెలిసిన యిలాకాలో   ఏవైనా మంచి  పెళ్ళి సంబంధాలుంటే  తెలియచెప్దురు అని .
ఈ తతంగంతో ఆ ఆడపిల్లకు వయసు ప్రభావంతో , అదనపు ఆకర్షణలుగా అగుపించే ఆ అవయవ సంపదను భద్రపరిచే సదుద్దేశంతో వస్త్రవిధానం మారుస్తారు , పరికిణీతో పాటు , జాకెట్ కొంచెం పైకి కట్టిస్తూ , ఓణీ ఒకటి అదనంగా కట్టిస్తారు . 

అలా ఆ అమ్మాయిని ఎవరైనా చూస్తే , ఆ అమ్మాయికి వయసొచ్చిందని , ఆ పిల్లను పెళ్ళి చేసుకొనటానికి ఇంకొంచెం ముందుకొస్తారని అంతర్భావన .

అలా ఆ ఆడపిల్లలకు వివాహం చేసినప్పుడు , ఇంకొన్ని అదనంగా తగిలించి , బాధ్యతలుగా ఆనందిస్తారు   . అవేమిటంటే పెళ్ళి . ముందు జీవితానికి ఇదొక ముఖ్యమైన ఘట్టం . ఈ ఘట్టంలో బంధువులను , పరిచయస్తులను పిలుచుకొని , అలా ఆ అందరి ఎదుట ఈ పెళ్ళి కార్యక్రమం జరిపించి , ఆశీర్వచనాలు కోరటంలో గల విశేషం ఏమిటంటే , ఈ యిరువురు భార్యాభర్తలు . వీళ్ళు దగ్గరయేటందులకు వయసు అవసరాలు తీర్చుకొనేటందులకు ,ఈ పెళ్ళి వారధి కాగలదు , ఈ యిరువురిని ఎవరూ ఎక్కడ , ఎప్పుడూ అభ్యంతర పెట్టకూడదు . ఈ యిరువురు , ఒకరికి తెలియకుండా , ఒకరు వేరొకరితో ఆ వయసు సంబంధాలు పెట్టుకొంటే , అది మనమెవ్వరం ప్రోత్సహించ కూడదు అని , ఇంకా ఈ యిరువురిలో మనస్పర్ధలు తలెత్తితే , మీరందరూ సాక్షిగా నిలచి , తగు న్యాయం చేయాలని . 

ఇక ఈ పెళ్ళి తతంగంలోని అంతరార్ధం ఏమిటంటే ,

వరుడికి అంతకుముందే ఉపనయనం జరిగివుంటే , 3 దారాలు కలిపి ముడివేసిన ఒక యజ్ఞోపవీతం వేసుకొని ఉన్నట్లయితే ,యిపుడు అలాంటివి 3 ( మొత్తం )అతనికి ఎడమ భుజము నుండి కుడి నడుము వరకు వచ్చేలా వేస్తారు . దానితో అతను భవిష్యత్తులో ఏ ఆడపిల్లను చూసి మనసు పడ్డప్పుడు , నీకు పెళ్ళైంది , నువ్వు ఎలాంటి దురాలోచనలు చేయకూడదు , తప్పు అని తెలియచేసేటందులకే ఆ యజ్ఞోపవీతం .అంతేగాని వీపు దురద పెడ్తున్న ప్పుడు ( వీపు గోక్కోవటానికి వీలుపడని ప్రదేశం కనుక ) గోక్కోవటానికి కాదు అని అర్ధం చేసుకోవాలి .

ఇక వధువు విషయానికొస్తే , ఆ పెళ్ళి పేరుతో ఆమె మెడలో తాళి ( మంగళసూత్రం ) కట్టటానికే తలవంచ మన్నట్లుగా తలవంచి కడ్తాడు వరుడు . అంటే నువ్వు అతని వద్ద తలవంచి తీరాల్సిందేనని నోటితో చెప్పకనే చెప్తారు ఇలా క్రియా రూపంలో . ఆ వధువుకి కూడా నీకు పెళ్ళైనది , భర్త వున్నాడు , నీ కోరికలను , కష్టసుఖాలను అతనితోనే జరుపుకోవాలి ,అందుకోవాలి , మరెవ్వరితో పాలు పంచుకోకూడదు అని గుర్తుచేయటానికేఆమె మెడలో ఆ తాళి కట్టబడ్తుంది . కాళ్ళకు మెట్టెలు పెట్టిస్తారు వరుడి చేత . ఇంకా వాళ్ళ వాళ్ళశక్తిని బట్టి ఆభరణాలు కూడా పెడ్తుంటారు .

ఇవన్నీ కూడా ఆడవాళ్ళను ( వంటింటికే పరిమితం చేయటం వలన ) ఆకర్షించటానికి వుపయోగించబడిన అస్త్రాలు .ఐతే ఇలా ఆకర్షించటంలో స్వార్ధ చింతన కూడా యిమిడి ఉంది .

ఆడవాళ్ళ శరీర సౌష్టవం  అందానికి , ఓర్పుకి , నేర్పుకి ప్రతీక

మగవాళ్ళ శరీర సౌష్టవం  మొరటుతనానికి ప్రతీక .

అందువలన సంపాదించే పనులు మగవాళ్ళు తీసుకొని , ఆడవాళ్ళకు అలా సంపాదించి తెచ్చి ఇచ్చే ఆ సంపాదనను , పిల్లలని జాగ్రత్తగా చూసుకోమని అప్పజెప్పారు . అంతే కాకుండా తమ ఆడవాళ్ళ అందాలను ఎవరూ దోచుకో కూడదని వంటింటిలోనే బంధించారు . అలా బంధిస్తూ ఈ ఆభరణాలను ఎఱ చూపారు . సహజంగా స్త్రీ తన అందాన్ని పెంపొందించుకోవాలని తాపత్రయపడ్తుంటుంది ( తను అందంగా లేకపోయినా / ఉన్నా ) . అలా ఆ అందాలతో తన భర్తను ఆకర్షించి , ఆనందాలని అందించాలన్న ఆలోచనలతో ఆ చట్రంలో యిరుక్కుపోయింది .

ఇంకా యిలాంటి కొన్ని చిరు కార్యక్రమాలు , ఆ యిరువురిలో నున్న బెరుకును పోగొట్టి వారిని దగ్గర  అయేలా చేస్తాయి .

రెసెప్షన్ సమయంలో ఒకరి ఎంగిలి ఇంకొకరికి తినిపిస్తారు అందరి ముందు . అంటే అందరిలో ఎంగిళ్ళు మొదలెట్టాం ,అంగిళ్ళు అక్కడ చూసుకోవచ్చు అని తెలియచేస్తుంది ఈ కార్యక్రమం .

పెళ్ళి కాగానే , పెద్దలందరి వద్దకు ఈ యిరువురిని తీసుకువెళ్ళి ఆశీర్వదించమని కోరతారు .

ఆ తర్వాత అత్తవారింటికి పంప బోయే కార్యక్రమమే అప్పగింతలు . అంటే ఇన్నేళ్ళు గారాబంగా మా అందరితో  కలసి పెరిగిన ఈ పిల్లను మీకు అప్పజెప్తున్నాం , జాగ్రత్తగా చూసుకోండి అని అర్ధమన్న మాట . ఇలా చేయించే టప్పుడుఅమ్మాయి నడుముకి ఓ మానెడు ( 2 కిలోలకు పైన కొంచెం )బియ్యం పోసి ఓ తెల్ల తుండుగుడ్డతోకట్టి , ఆ నవ దంపతులను ,అక్కడ వున్న యిరు పెద్దలకు వంగి నమస్కారం చేయిస్తారు . అంటే నువ్వు ముందు ముందు గర్భవతివి అవుతావు , అప్పుడు నీవు కడుపుతో ఉన్నా ఇంటెడు చాకిరీ చేయాలి .అందులో తప్పు లేదు అని తెలియ చెప్పటం .

ఆ పై దంపత్తాంబూలాలంటూ ఆ నవ దంపతుల చేత అక్కడ వున్న దంపతులకు యిప్పిస్తారు . ఆ తర్వాత అక్కడే ఓ చిన్న వుయ్యాల వేసి , ఓ చక్క బొమ్మను పెట్టి , ఆ నవ దంపతులచేత ఉయ్యాలూపిస్తారు . అంటే మీ 
యిరువురకు భవిష్యత్తులో  పిల్లలు పుడ్తారు , ఆ పిల్లల్ని మీరిరువురూ పెంచాలి అని అర్ధం .

ఆ తర్వాత అప్పగింతల కార్యక్రమం , ఓ పళ్ళెంలో నీళ్ళు , పసుపు ,కుంకుమ కలిపి ఎఱ్ఱనీళ్ళుగా చేసి ఆ నీళ్ళలో ఆవధువు చేతులు ముంచి , భర్తకి , అత్త మామలకు , ఆడపడుచులకు , తోడికోడళ్ళకు , బావ మరదులకు అద్దించి అప్పజెప్తారు . అంటే మా అమ్మాయిని మీ అందరి చేతులలో పెడ్తున్నాను , కష్టం రాకుండా చూసుకోండి అని .

అలాగే 16 రోజుల పండగ వరకు తొలి రాత్రి కార్యక్రమాన్ని జరిపించేవారు కాదు . దానికి కారణం ఈ లోపల ఎవరు యిష్టపడకపోయినా , దూరమైపోవచ్చన్న అంతర్భావన ఆ పెద్దల మనసుల్లో వుంచుకొని ఇలా నడచుకొనేవారు .

ఏ పెళ్ళయిన జంటకైనా ఆ మొదటి సంవత్సరంలో ఆషాఢమాసం వస్తుంది . అపుడు కొత్త కోడలు పుట్టింటికి వెళ్ళటం , అక్కడకి అల్లుడు రాకుండా  ఆ గడప దాటకుండా , అత్తా అల్లుడు , ఒక యింటిలో వుండకూడదని ఓ ఆచారాన్నిసృష్టించారు .ఎందుకంటే కొత్తగా పెళ్ళైన ఆ జంట అంతకు మునుపే దాంపత్యం రుచి చూసిన వారవటంతో, ఆ నవ వధువులకు ఒకరి మీద ఇంకొకరికి ప్రేమ పొంగిపొరలాలని .

అయితే యిపుడు ఆ పెద్దలు చేసే పెళ్ళిళ్ళు లేవు  , యిప్పుడు దాటకూడని గడపలు లేవు , అన్నీ లాడ్జింగులే కదా ! కనుక యిపుడా సమస్యలే లేవనుకోండి .

ఇవి అన్నీ సద్భావనలే . తెలిసినవారెందరు ? తెలుసుకొని మసులుకొంటే జీవితమే ఆనందమయమే కదా ! 

                                                                                                        ******

పెళ్ళి అంతరార్ధం

                                                                                                                                     రచన : శర్మ జీ ఎస్

            
పెళ్ళి జరిగే విధానం :

స్నాతకం : స్నాతకం అంటే బ్రహ్మచర్యాన్ని వీడడం అన్నమాట .

మన ఆచారం ప్రకారం మగ పిల్లవాడు కాశీలో చదువు పూర్తయిన తరువాత బ్రహ్మచర్యం తీసుకోవాలనుకుంటే
అక్కడే వుండి పోయి , ఆ గురువర్యులకు సేవ చేస్తూ దేవుళ్ళుగా భావించే ఆ కాశీ అన్నపూర్ణ, విశ్వేశ్వరుల సన్నిధిలో ఉండేవాడు .  ఐహిక విషయాలు అనగా డబ్బు , సంపాదన ,అందం, పిల్లలు, పెళ్లి లాంటివన్నీమర్చిపోవాలి .

 అంతవరకు పెంచిన జుట్టు , గెడ్డం ఈ పెళ్ళి సంధర్బంగా అందంగా చేస్తారు. 

( ఆ నాటి కాలమాన పరిస్థితులను బట్టి ఆ చదువులు చదువుకున్నవాళ్ళు ఆచరించవలసిన విధానమే యిది . ఈ కాలానికిది సరికాదు . )

ఇది పెళ్ళికి మొదటి మెట్టు.

కాశీ యాత్ర :

పెళ్లి కూతురు తండ్రి పెళ్లి కొడుకుని తన కూతుర్ని పెళ్లి చేసుకొని గృహస్తాశ్రమాన్ని తీసుకోవలసినదిగా ఆహ్వానిస్తాడు  . పెళ్ళికూతురు అన్నయ్య(తమ్ముడు) తన చెల్లిని (అక్కను) పెళ్లి చేసుకొని మున్ముందు జీవితాన్ని ఆనందమయం చేసుకోమని కోరతారు . 

( ఆ నాటి కాలమాన పరిస్థితులను బట్టి ఆ చదువులు చదువుకున్నవాళ్ళు ఆచరించవలసిన విధానమే యిది )


సంకల్పం :
మనం దేవుని ఎదుట మనస్పూర్తిగా ప్రార్ధన చేయాలి . 

(  పంచభూతాలు ప్రకృతితో ముడిపడినవి . వీటికి  అతీతమైన శక్తి వున్నది . అందువలననే ఈ ఐదింటిని భూతాలుగా వర్ణించారు  .  ఈ పంచభుతాలను శాసించగల శక్తికి దేవుడు అని పేరు పెట్టి పూజించటం ప్రారంభించారు అనాది నుండి . నిజానికి  సంకల్పం చేయడం అంటే సదాలోచన  చేయడమే . ఆ విషయాన్ని సూటిగా చెప్పకుండా డొంక తిరుగుడుగా చెప్పడమే దేవుని ప్రార్ధించాలని చెప్పడం .

అంకురార్పణం :
పెళ్ళి కూతురు మట్టి కుండలలో కొండల నుండి తెచ్చిన మట్టితో నింపి తొమ్మిది రకాల గింజలు వేస్తారు. అది
మనిషి పుట్టుకకు అనుకరణ .

( దీని అర్ధం , నువ్వు జీవించాలంటే , నికు ధాన్యం అవసరం , కనుక నువ్వు వాటిని పెంచాలి అని అంతరార్ధం )

గౌరి పూజ:
పవిత్రతకు పెళ్లి కూతురు ప్రతీక .  పార్వతీదేవి శివుని అర్ధనారీశ్వరానికి ప్రతీక. పెళ్ళికూతురు  పెళ్లికొడుకుతో సుఖ , సంతోషాలతో ఉండాలని మనసా, వాచా , కర్మణా త్రికరణశుధ్ధిగా కలిసిపోవాలని పెళ్ళి కూతురితో ఈ పూజ చేయిస్తారు .

( ఆ పరమేశ్వరుడు పార్వతీదేవిని ఎలాగైతే తన అర్ధభాగమిచ్చి అనుక్షణం చూసుకొంటున్నాడో , అలాగ నువ్వూ నన్ను చూసుకోవాలన్న అభ్యర్ధనే ఈ గౌరీ పూజకు మూలకారణం )

వర పూజ :


వరుడి చేత చేయించబడేది .ఇది కూడా అలాంటిదే ,

కన్యాదానం : 
పెళ్లి కూతురు తండ్రి పెళ్లి కొడుకుని విష్ణువుతో పోల్చి తన కుమార్తెను ఇచ్చి అతని ముందు ఏడు తరాలుకు బ్రహ్మ
లోకం ప్రాప్తించాలని పూజిస్తారు . ఆమెతో సఖ్యంగా వుంటూ , తరువాత తరం పిల్లలు మంచిగా పుట్టాలని  , మీరిరువురూ సుఖంగా ఉండాలని కోరుకుంటారు.

(ఇక్కడ విష్ణువు అంటే పోషణకారి అని మనం గ్రహించాలి . అంటే అనాదినుండి ఆడవాళ్ళను పోషించాల్సింది మగవాళ్ళేనని శాసించారన్నమాట . వాస్తవానికి ఆడవాళ్ళకున్న నేర్పు, ఓర్పు మగవాళ్ళకు వుండనే వుండదు . ఆ విషయాన్ని బైటాకు చెప్పకుండా యిలాంటి దురాచారా( దురాలోచన , దూరాలోచన )లతో ఇంట్లోనే బందించేశారు ఆ నాటి వారు . అందుకు ఆడ , మగ తలలూపారు . నిజాన్ని కప్పిపుచ్చే ప్రయత్నంలో ఏర్పడిన ఆచారమే యిది )

ఇప్పుడు పెళ్ళికొడుకుకి , పెళ్లి కూతురుకి  మధ్య పరదాగా ఓ తెల్లటి వస్త్రాన్ని ఉంచుతారు. అతనికి తన కుమార్తెను మంచి అణకువ, స్వచ్చమైన,ఆరోగ్యమైన అమ్మాయిని భార్యగా ఇస్తున్నట్టు ఒట్టు వేసి చెప్తారు .

( ఆ నాటి ఆచారం ప్రకారం ఆ యిరువురూ ఒకరినొకరు చూసుకోకపోవటం వలన ఆ పరదా కార్యక్రమం వాళ్ళలో ఒకరినొకరు చూసుకోవాలన్న ఆత్రుతను పెంచటానికి దోహదకారి అవుతుంది . ఈ రోజుల్లో యిలాంటి కార్యక్రమాలు చేయటం ఒకరకంగా మనల్ని మనం మోసం చేసుకోవటం , అందర్నీ మోసం చేయటం , ఇలాంటివాటిని ఆచరించమని చెప్పకనే చర్యల ద్వారా చెప్తూ ప్రోత్సహిస్తున్నట్లు అవుతుంది కదూ )

సుముహర్తం (జీలకర్ర బెల్లం ధారణ):

పరదా తొలగించకుండా , పెళ్లి కొడుకు , పెళ్లి కూతురు ఇద్దరు ఒకరి తల మీద ఒకరు జీలకర్ర బెల్లం  (అంటే కుండలిని శక్తి ప్రదర్శనమయ్యే చోట) పెట్టిస్తారు . 

( అంటే జీలకఱ్ఱ , బెల్లం లా మీరిరువురూ మీ ముందు జీవితంలో కలసిపోవాలన్న సద్భావన దీనికి ప్రధాన కారణం  )
ఆ పిమ్మట ఆ మధ్యలోని పరదా తొలగిస్తారు. అప్పుడే పెళ్ళికొడుకు , పెళ్ళికూతురు ఒకరినొకరు చూసుకొనటం జరుగుతుంది .

( అంటే పెద్దలు చూసినవాళ్ళతోనే అటు ఆడపిల్లలకు గాని , మగపిల్లలకు గాని వివాహాలు జరిగేవని చెప్తున్నారు . వినటానికే వింతగ బహు కొత్తగా వుంది కదూ ) 

జీలకర్ర ఎందుకు ?

జీలకర్ర బెల్లం కలిపి చేసిన ముద్దలో ఒక రకమైన పాజిటివ్ విద్యుత్ తరంగాలు ఉంటాయి. మన తలమీద ఒకానొక
స్థలం మీద ఆ ముద్ద పెడితే నిద్రాణావస్థలో ఉన్న ఆ కేంద్రం విచ్చుకొని సహస్రార చక్ర గుండా అగ్న చక్రగుండా (ఈ
స్థలంలో మన ఆధ్యాత్మికత మేల్కొపే స్థలం) భృకుటి( రెండు కళ్ల మధ్య ఉన్న స్థలం) ద్వారా ఉత్తేజితం అవుతుంది .
ఆ సమయంలో పెళ్లి కొడుకు పెళ్లి కూతురు ఒకరినొకరు చూసుకున్నప్పుడు ఒకే రకమైన ఆలోచనలు కలిగి సంసార జీవితం మీద మంచి అభిప్రాయంతో ఒకే బాటలో నడుస్తారని .

( భావన మంచిదే , ఆచరణ యోగ్యం కాదు , ఎందుకంటే ఆ యిరువురికి అన్నీ అంతక్రితమే అయిపోతున్న ఈ రోజుల్లో ఈ అవకాశం ఎక్కడుంటుంది ? మరలా మనం మనలని మోసం చేసుకుంటూ , అందరినీ కూడా మోసంచేస్తున్నాము )

యోక్త్రధారణ (ఒక రకమైన గడ్డితో తాడు కట్టడం)

పెళ్లి కొడుకు పెళ్లి కూతురి నడుం చుట్టూ ధర్బ ( ఎండిన గరిక ) తో అగ్ని దేవుణ్ణి స్మరిస్తూ ఒక తాడులా కడతాడు.

దీని అర్ధం : మనం ఒక కష్టమైన పని మొదలుపెట్టినప్పుడు నడుం చుట్టూ గుడ్డ చుట్టుకుంటాం . దాని వల్ల వెన్నుపూసకి అదనపు బలం ఇస్తాం. అదే విధంగా పెళ్లి అయిన తరువాత అదనపు బాధ్యతలు వస్తాయి కనుక పెళ్లి కొడుకు పెళ్లికూతురుకి తోడునీడగా ఉంటానని చెప్పడం .

( ఈ కార్యక్రమాలు చేయటంలో హడావుడి , ఆర్భాటం ముందరకు వస్తున్నాయి . ఆ మంత్రాల అర్ధాలు / భావనలు ఎంతమందికి తెలుసు ? ఆత్మవంచనే మళ్ళీ )

హిందూ వివాహంలో ఇది ప్రధానమైన ఘట్టం . 

మాంగల్యధారణం : (మూడు ముళ్లు వేయడం)

( ఇక్కడ ఓ సందేహం కలగవచ్చు , ఆడవాళ్ళ మెడ వంచి ఆ మాంగల్యధారణ ఎందుకు చేస్తాడు అని ? ఆడవాళ్ళు మగవాళ్ళ మీద ఆధారపడి వుండాలన్నదే ప్రధానమైన వుద్దేశం )

మాంగల్యం అంటే మంచిది అని, ధారణ అనగా ధరించడం అని .

పెళ్లి కూతురి మెడలో రెండు పుస్తెలు పెళ్లి కొడుకు కడతాడు . అందులో ఒకటి పెళ్లి కూతురు తరఫునుండి , మరొకటి పెళ్లికొడుకు తరఫు నుండి. ఈ మాంగల్యం నమ్మకానికి , మనస్సాక్షికి ప్రతిరూపంగా, జీవితాంతం తోడునీడగా ఉంటానని పెళ్లి కొడుకు పెళ్లి కూతురికి అందరి ముందు ప్రమాణం చేస్తున్నాడనటానికి ప్రతీక . మూడు ముళ్లు వేస్తాడు . అవి స్థూల శరీరానికి ( భౌతిక శరీరం ), సూక్ష్మ శరీరానికి ( పరబ్రహ్మ) , కారణ శరీరానికి ( ఆత్మ) కి ప్రతిరూపాలు . మనసా, వాచా , కర్మణా (నమ్మడం ,చెప్పడం ,చేయడం ) లకు కూడా ప్రత్రిరూపాలుగా మాంగల్యధారణ జరిగేటప్పుడు పంతులుగారు ఈ క్రింది మంత్రాలు చెబుతారు .

"  మాంగల్యం తంతునానేన మమజీవన హేతునా ,
  కంఠే బద్నామి శుభగే త్వం శరదశ్శతం "   

( ఇక్కడ ఒక పుస్తె పెళ్ళి కూతురి తరఫు నుండి , ఇంకొక పుస్తె పెళ్ళి కొడుకు తరఫు నుండి తేవటంలో మున్ముందు జీవితంలో కష్ట , సుఖాలకు , ఎదురయ్యే సమస్యలకు ఆ యిరువురి పెద్దలు బాధ్యులుగా వుంటారని , వుండాలని . )

తలంబ్రాలు :

ఇది సరదా కార్యక్రమం . పెళ్లి కూతురు పెళ్లి కొడుకు ఒకరిపై ఒకరు తలంబ్రాలు (అక్షింతలు - సాఫ్రాన్ - పసుపు - బియ్యంలో కలుపుతారు) వేసుకుంటారు .

( సహజంగా ఎదుటివారి మీద అక్షతలు చల్లటం , హుషారుగానే సాగిపోతుంటుది . అందుకే అతి సరదాగా జరుగుతుంటుంది . ఈ  రూపేణా వాళ్లలో వున్న బెరుకుతనం పోయి , కొంచెం చేరువ అవటానికి కూడా దోహదకారి అవుతుంది . ఆ పై మున్ముందు జీవితంలో ఒకరిపై , ఒకరు అక్షతలు చల్లుకోవటం జరుగుతుంది . దానికి పునాదే యిది అని చెప్పకనే చెప్పే కార్యక్రమం యిది )  

హోమం :

అనగా పవిత్రమైన అగ్ని. హోమం (అగ్ని) మనిషికి దేవునికి వారధిగా ఉంటుంది . హోమం చుట్టూ పెళ్లి కొడుకు పెళ్లి కూతురు మనస్సాక్షిగా ఒకరిని ఒకరు అంగీకరిస్తున్నట్టు అందరి ముందు ఒకరి చేయి ఒకరు పట్టుకొని ఏడు సార్లు తిరుగుతారు . ఈ ఏడు అడుగులు పెళ్లి ప్రమాణాలకి సూచికలు .

౧. ఇద్దరు కలిసి సంసార బాధ్యతలు తీసుకుంటాం
౨. ఇద్దరం ధైర్యంతో , శక్తితో గుండె నింపుకొని అన్ని అవసరాలని తీర్చుకుంటాం
౩. ఇద్దరం కలిసి కుటుంబ సుఖం కోసం , సంఘం వర్ధిల్లడం కోసం పాటుపడతాం
౪. కష్టసుఖాలలో కలిసి ఉంటాం
౫. కలిసి మంచి బుద్ధులు వచ్చేటట్టు పిల్లల్ని పెంచుతాం
౬. ఇద్దరం కలిసి సుఖ,శాంతి కోసం పాటుపడతాం. ఆధ్యాత్మికంగా పురోగతి చెందుతాం.
౭. జీవితాంతం ఆలు మగల పెళ్లి బంధంతో ఉంటాం.

( ఇది ఆ యిరువురి చేత ప్రతిన చేయించటం , వీటికి కట్టుబడి వుంటాం అని . అగ్ని దహిస్తుంది కనుక , మనిషి అగ్నికే భయపడ్తాడు . వేటిల్లో నుంచి అయినా తప్పించుకోగలడు కాని , అగ్ని నుంచి తప్పించుకోలేడని పూర్వీకులు ఈ పధ్ధతిని ఆచరణీయం చేశారు . ఈ అంతర్విషయాలు ఎంతమందికి తెలుసు ? 

నాగవల్లి :

ఒక సిల్క్ ఉయ్యాల తయారు చేసి దానిలో చందనం కర్ర ముక్క, పండిన అరటి పండు(లేక మామిడి పండు) మరియు పసుపు ఒక పళ్లెంలో ఉంచుతారు. పండిన పండు ఆరోగ్యవంతమైన , పసుపు పవిత్రమైనదిగా , చందనం స్వయం సుగంధమైనదిగా , అందరికి భావిస్తారు . మంచిని పంచే మంచి పిల్లలు కలగాలని ఈ కార్యక్రమం చేస్తారు .

( ఈ కార్యక్రమం ద్వారా మీ యిరువురి దాంపత్య జీవితంలో పిల్లలు పుడతారు . ఆ పిల్లల్ని మీ యిరువురూ , ఈ ఉయ్యాలనెలాగైతే ఊపుతున్నారో , అలాగ పంచుకోవాలి వాళ్ళ పెంపకంలో అని అర్ధం .
ఆ తర్వాత వీరిరువురూ చేరువయ్యేటందులకు ఇది కూడా ఓ మార్గమే .

దీని తరువాత ఒక సన్నని (ద్వారం ) బిందెలో ఉంగరం వేసి పెళ్లి కొడుకు , పెళ్లి కూతురుని ఒకే సారి చేయి పెట్టి ఎవరు ఉంగరం ముందు తీస్తారో చిన్న సరదా పోటి కార్యక్రమం పెడతారు .

వీరిరువురూ చేరువయ్యేటందులకు ఇది కూడా ఓ మార్గమే .

సన్నికల్లు:

పెళ్లి కొడుకు పెళ్లి కూతురి ఎడమ బొటను వేలుని పట్టుకొని సన్నికల్లు మీద పెట్టిస్తాడు. పక్కనే అగ్ని జ్వలిస్తూంటుంది . ఆ సమయంలోని మంత్రాలర్ధం "ఈ రాయిని ఎక్కు. మన మెదడుని రాయిలా జీవితంలో వచ్చే కష్ట సుఖాలకి చలించక స్థిరంగా ఉంచుకొందాం" అని ప్రమాణం చేస్తారు . తరువాత పెళ్లి కొడుకు పెళ్లి కూతురుకి మెట్టెలు (సిల్వర్ రింగులు) కాళ్ల వేళ్లకి పెడతాడు.

తరువాత పంతులుగారు అరుంధతి (మహర్షి వశిష్టుని భార్య) నక్షత్రాన్ని చూపిస్తూ అరుంధతి పవిత్రత గురించి చెప్పి అలా ఆదర్శగృహిణిలా ఉండమని అరుంధతి దీవెనలు వధూవరులు తీసుకోమంటారు .

(దీనివెనుక ఒక ప్రధాన కారణమున్నది. వశిష్ట , అరుంధతీ ద్వయం ఆదర్శ దంపతులకు ఒక ప్రతీక . కొత్తగా పెళ్ళైన దంపతులు సైతం వారివలెనే ఉండాలనే ఉద్దేశ్యంతో మనవారు ఆ దంపతులిద్దర్ని తారారూపంలో వీక్షింపచేస్తూ రావడం ఒక సాంప్రదాయమైంది . ఆ నాటి కాలంలో మునులైనా సంసారం లోని సారాన్ని అందుకుంటూ , సత్ప్రవర్తనలో నడవగలిగారని తెలియబడ్తుంది . కనుక మీరూ అలాగ నడుచుకోవలసినది అని తెలియచేయటానికే ఈ అరుంధతీ నక్షత్రాన్ని చూపించటం జరుగుంది . కాని ఏ పంతులుగారు వశిష్టుని చూడమని ఎపుడూ , ఎక్కడా చెప్పిన దాఖలాలు తెలియరాలేదు . అయితే ఈ మానవులకు ఏదైనా ఆశ చూపనిదే ఏదీ చేయరన్న దృఢనమ్మకంతో యిలా వీరిద్దర్ని సందర్శించడం వలన దంపతులకు ఆయువు, ఆరోగ్యం, ఐశ్వర్యము, సౌభాగ్యములు కలుగుతాయి అని ఎఱ వేయటంతో అదో ఆచారంగా , సంప్రదాయంగా మారిందే కాని , ఆ అరుంధతిని ఆకాశంలో చూసిన వారెవ్వరూ ఉండి ఉండరు . ఎందుకంటే ప్రక్కన వున్న మంచివాళ్ళనే చూడలేకపోతున్నారు . మనకు తల్లితండ్రుల ద్వారా సంక్రమించిన రెండు కళ్ళు కొంత మేర మాత్రమే స్పష్టంగా చూడగలవు అని మనం ఎన్నటికీ మరచిపోకూడదు . ఆ ఆకాశంలో వున్న వాటిని చూడాలంటే , అందుకు ఆ కనపడని జ్ఞాన నేత్రం ( భృకుటి వద్ద వుంటుందని ) ద్వారా మాత్రమే చూడగలమని , అందుకే లింగ భేదం లేకుండా అందరూ బొట్టు పెట్టుకొనమని చెప్తూ , దాన్ని ఓ ఆచారంగా అలవాటు లోకి తెచ్చారు . ఈ విషయాన్ని కూడా అంతర్భావంగానే వుంచారు . అందరకు తెలిసేలా బయటకు వెల్లడి చేయలేదు . ఇలా చాలా సద్విషయాలను కట్టడి చేయటం జరిగింది . తెలియకుండా అగ్నిని పట్టుకుంటే కాలుతుందన్నది సత్యమే . కాని ఎంతమంది అలా తెలియకుండా పట్టుకొంటారు అని మాత్రం ఆలోచించలేకపోయారు ఆ నాటి మహానుభావులు . ప్రతి ముఖ్య విషయాన్ని వాళ్ళ ( మంత్రాల ) గుప్పెటలో పెట్టుకుని సమాజం మీదకు వదిలారు . అన్నీ అగ్ని లాగే తమ స్వభావాన్ని తెలుపలేవు అన్నది ఒక్కమారు ఆలోచిస్తే మంచిది . ( పంతులుగారు అరుంధతి నక్షత్రాన్ని చూపించాలని ప్రయత్నించినా ( ఆ పంతులుగారికే కనపడదు లెండి ) , చూసినవారెవ్వరు ? చూడలేదంటే మనల్ని అవమానిస్తారని భావించి చూశామని చెప్పేవాళ్ళే అందరూ . 

పాణి గ్రహణం :

దీని అర్థం ఒకరి చేయిని ఒకరు పట్టుకోవడం. ఇది చాలా ముఖ్యమైనది. పురోహితులు ఈ కార్యక్రమాన్ని పుణ్యకాలంలో చేయిస్తారు.
పెళ్లి కూతురు కుడి చేయి వేళ్లని శంఖం ఆకారంలో ముడిచి పెళ్లి కొడుకు అదే విధంగా పెట్టి పెళ్ళి కూతురు వేళ్లని పట్టుకుంటాడు . పెళ్లి కూతురు చేయి పైకి పెళ్లి కొడుకు చేయి కిందకి ఉండేటట్టుగా పట్టుకుంటారు.

పెళ్లి కొడుకు కింది విధంగా ప్రార్ధన చేయాలి:

అర్ధాంగి! ఈ రోజు నీ చేయిని అందరి ముందు పట్టుకున్నాను . నీతో జీవితాంతం సుఖ సంతోషాలతో ఉండాలని మంచి పిల్లలను కని పెంచాలని తోడు నీడగా ఉంటానని వాగ్దానం చేస్తున్నాను. లక్ష్మీ దేవి కటాక్షంతో నిన్ను,మన పిల్లల్ని గుడ్డ,బట్ట,తిండి,చదువు ,ఐశ్వర్యం, సంతోషంతో ఉంచాలని ఆ తల్లిని ప్రార్ధిస్తున్నా. నేను అందరి ముందు నిన్ను నా భార్యగా స్వీకరిస్తున్నా. వాయు దేవుడు అన్ని దిక్కులు వెళ్లి అందరికి బంగారం పంచాలని, అగ్ని దేవుడు అందరికి ఆహారం సమకూర్చాలని , నీవు , నేను సర్వదా సుఖంతో ఉండాలని కోరుకుంటున్నాను.

( నీతులెవరు చెప్పినా చాలా చాలా బాగుంటాయి కదా ! అలాగే ఈ భావనలెపుడూ మంచివే , ఆచరణలే అసాధ్యమైనవి . ఇంత క్రితం చెప్పించినా మరల చెప్పించటంలో మరచిపోరాదు అన్నదే ఇచ్చట అర్ధం )

లజ హోమం :

పురోహితుడు నూతన దంపతులతో హోమం లో ఉబ్బిన బియ్యం వేయిస్తారు . ఇలా చేయడం ద్వారా వధువు వరుడు ఎక్కువ కాలం జీవించాలని , పిల్లపాపలతో సుఖంగా ఉండాలని పుట్టింటి వారు , మెట్టింటి వారు కలిసి ఉండాలని  కోరుకొనటం . ఇలా హొమం చుట్టూ మూడు సార్లు వధూవరులు ఉబ్బిన బియ్యం వేస్తూ ప్రార్ధిస్తారు .

( ఆ యిరువురి ఆలోచనలు ఒకే రకంగా వుండాలన్న భావనే )

పెళ్లి కూతురుకి నడుం చుట్టు కట్టిన దర్భని తొలగించడం :

పెళ్లి కూతురు క్రింది విధంగా ప్రార్ధనలు చేస్తూ  ఆ దర్బని తొలగిస్తుంది.

పరమేశ్వరుడు ఇచ్చిన ఈ వరుడు కట్టిన దర్బని తొలగిస్తూ  , నీవు , నేను  సుఖసంతోషాలను పంచుకుంటూ బ్రహ్మ లోకం చేరుదాం .

( అంటే ప్రతి సృష్టికి కారకులవదామని , ఆనందాలని పంచుకుంటూ )

నేను అనుమతి ఇస్తున్న నీకు ఆ దర్బ లేకుండ నాతో సుఖంగా ఉండవచ్చు అని.

( ఆ వరుడు నేను నీ నడుమును చుట్టేస్తాను . ఇంక ఆ దర్భతో పనిలేదు , ఆ దర్భను తీసివేయి అందుకు నేను అంగీకరిస్తున్నాను , ఈ క్షణం నుంచి నువ్వు నా శ్రీమతివి అంటాడు .) 

                                                                                              ******

( సృష్టి ప్రారంభంలో జనాభా అల్పం . అందువలన ఆనాటి చదువులు అలా సాగాయి . అన్ని భాషలకు మూలం సంస్కృతం కావటం వలన , అన్నింటిని సంస్కృతంలోనే సిధ్ధం చేశారు . అందుకే ఆచారాలు  , మంత్రాలు , సంస్కృత మంత్రాలలోనే యిమిడి వున్నాయి . క్రమేపి జనాభా అధికమైనట్లే , భాషలు అధికమైనాయి . అయినా మూల మంత్రాల్ని సంస్కృతంలోనే వుంచి జీవనం కొనసాగిస్తూ వచ్చారు . వేదాలు , పురాణేతిహాసాలు , రామాయణ మహా భారతాల లాంటి వాటిని మాత్రం వారి వారి ప్రాంతీయ భాషలలోకి మార్చుకున్నారు . అలా మార్చినందువలన అందులోని అంతర్భావమేమీ దెబ్బతినదు కదా ! అవే మంత్రాలైతే అంతర్భావం బయట పడితే సమస్యలు తలెత్తుతాయి . కనుక ఆ సంస్కృత భాషని నేర్చుకున్న వారు మహా పండితులుగా చెలామణీ అయి కాలక్రమంలో  . వారే బ్రాహ్మణులని నిర్ధారణ చేసుకున్నారు . ప్రపంచంలో వారే పూజార్హులు , పురోహితులు . 
పురోహితులు అంటే , పురమునకు హితము చేకూర్చేవాళ్ళు అని అర్ధం కదా ! ఏంతవరకు హితము చేకూర్చారన్నది ఆలోచిస్తే అందరికీ అర్ధమవుతుంది .
మంత్రాలు అంటే మంచి భావనలకు మూలమైనవని అంతరార్ధం . కాని అవి స్వార్ధంతో కూడుకోవటం వలన సంస్కృతం లోనే వుండిపోయాయి ఈ నాటివరకు .

నిత్యం ఎన్నో పెళ్ళిళ్ళు జరుగుతున్నాయి . ఎంతో మంది దంపతులవుతున్నారు . ఇంతకు ముందు అయ్యారు , ఇప్పుడూ అవుతున్నారు . పెళ్ళి చేయించే పంతులుగార్లకి కూడా ఈ అర్ధాలు బహుశా వాళ్ళకెంతమందికి తెలుసో ఒకమారు ఆలోచించండి . ఎంతమందికి ఈ వేద మంత్రాల భావన తెలుసు ? ఎంతమంది అర్ధం చేసుకొని జీవనం సాగిస్తున్నారు ? అర్ధం తెలియనిదేదైనా వ్యర్ధమేనన్నది అక్షర సత్యమే కదా ! కొంచెం ఆలోచించండి . ఈ పెళ్ళి తతంగం సరదాల దురద తీర్చుకోవటానికి తప్ప చక్కటి జీవనం సాగించటానికి దోహద పడటం లేదని , దోహద పడాలని ఆశిస్తూ ఈ వ్యాసం వ్రాయటం జరిగింది . 

ఏ ఒక్కరినీ దూషించాలని గాని , వేలెత్తి చూపాలని గాని నా ఉద్దేశం కాదని తెలియచేస్తున్నాను .


శ్రధ్ధగా ఆలోచించి ఆచరణయోగ్యం చేయటానికి మీ వంతు మీరు ప్రవర్తిద్దురూ .  

గమనిక : ప్రవరాఖ్యుడు పెళ్ళి గురించి వ్రాసినదానినాధారంగా ఇలా  మరింత విపులంగా విశ్లేషణ చేయటం జరిగింది . 

మరలా మరో మారు కలుసుకుందాం / మరింత తెలుసుకుందాం .



                                                                                            *** ముగిసింది ***