ష్రెక్ 4 డి

                                                                               
                                                                                                                             రచన : శర్మ జీ ఎస్

ఒక మారు యూనివర్సల్ స్టూడియో ప్రవేశం టికెట్ కొన్న తర్వాత లోపల ప్రదర్శించే ఏ ప్రదర్శనలైనా ఉచితంగా చూపించేవే . మళ్ళీ మనం టికెట్ కొనవలసిన పనే లేదు .  కాకుంటే పేద్ద పేద్ద క్యూలు బారులు తీరి ఉంటాయి .  చూడాలనుకున్నప్పుడు ఆ క్యూలలో నిరీక్షించి చూసి తీరవలసిందే .



అలా ముందుకు నడిచాము . ఈ లోగా ష్రెక్ , అతని భార్య ఫియోనా నడుచుకొంటూ వెళ్తున్నారు . అతనిని మా కెమేరాలో బంధిచాను అందంగా . 



                                                                                            ష్రెక్ , అతని భార్య ఫియోనా 

ఆ తదుపరి అక్కడ ఒక మంచి సీనరీ ఉన్నది , ఆ రోడ్డు రిపేరులో వున్నట్లుగా బారికేడ్లు అడ్డం పెట్టి వున్నాయి . మేము వాటి ముందు నుల్చొని ఫొటో తీయించుకున్నాము .  



                                                                                   న్యూయార్క్ నగర ప్రధాన వీధి

కొంచెం  ముందుకు వెళ్ళాము  , కుడివైపున ష్రెక్ 4 - డైమెన్షన్ థియెటర్  క్యూ కనపడ్తున్నది . 

అలా  ఆ క్యూలో 20 నిముషాలు నిరీక్షించగా , అంతక్రితం షో అపుడే ముగిసి అటువైపు అందరూ బయటకు వస్తున్నారు . ఒక 10 నిముషాలలో ఆ థియేటర్ రెడీ చేశారు . మేము లోపలకు ప్రవేశిస్తుంటే బాక్సులలో 4 డైమెన్షన్ కి సంబంధించిన కళ్ళజోళ్ళు ఉన్నాయి . అవి ఒక్కొకటి తీసుకొని లోపలకు వెళ్ళాము . ముందు ఉపోద్ఘాతం ఒక 10 నిముషాలు చెప్పి , పక్కనే వున్న ధియెటర్లోకి వెళ్ళటానికి ఆ పక్కనే వున్న ధియేటర్ డోర్స్ తెరుస్తారు . వెళ్ళి సీట్లలో కూర్చొన్నాము . మనం వచ్చేటప్పుడు వెంట తెచ్చుకున్న స్పెషల్ ఎఫెక్ట్స్ కళ్ళజోడుని పెట్టుకొని ఆ మూవీ చూడటం ఆరంభించాలి . మూవీ మువ్ అవుతోంది . 

స్క్రీన్ మీద పాత్రలన్నీ ఒకటొకటిగ పరిచయమవుతున్న తరుణంలో ఆకస్మికంగా వాళ్ళు మన వద్దకు వచ్చి మనల్ని తాకుతున్నారన్నట్లుగా ఫీలవుతాము . ఇది కాకుండా , ఆ స్క్రీన్ మీద ఒక డైనోసారా లాంటిది పైనుంచి నీళ్ళలోకి దూకగానే ఆ నీళ్ళు మనమీద చిందులు పడ్తాయి . ఆ మూవీలో ఒక క్యారెక్టర్ తన ముక్కుని ముందుకు పెడ్తుంటే , ఆ ముక్కు మనలను తాకుతుందన్నట్లుగా అనిపిస్తుంది .ఇంకా ఆ ష్రెక్ రైడ్ చేస్తుంటే మనం కూడా ఆ కుర్చీల్లో ఉండే మనం కూడా రైడ్ చేస్తున్నట్లు ఆ రైడ్లో పాల్గొంటున్నట్లుగా ఊగిపోతుంటాము . ఆ స్క్రీన్ లో పాత్ర నీళ్ళు స్ప్రెడ్ చేస్తే మనమీద పడ్తాయి .అలాగే అక్కడ ఫైర్ అవుతుంటే , ఆ ఫైర్ మన దగ్గఱకు వచ్చినట్లుండి కంగారుకు లోనవతాము . ఈ అనుభం మాకు మొదటిసారి కావటం వలన కాబోలు చాలా చక్కగా ఆనందించాము మేమిరువురం . 20 నిముషాలలో ప్రదర్శన ముగిసింది . బైటకు వచ్చి ఆ 4 డైమెన్షన్ కళ్ళజోడుని వెలుపల వున్న బాక్సులలో డ్రాప్ చేయాలి . ఆ ధియేటర్లో ప్రతి  నిముషాలకొకమారు ష్రెక్ 4 డి మూవీ ప్రదర్శిస్తుంటారు .

మఱల మరుసటి రోజు టైం ఉంటే , మరోమారు ఆ ష్రెక్ 4 డి మూవీకి వెళ్ళాను . మూవీ మొదలైంది . తర్వాత ఏం జరగబోతుందో నాకు తెలిసుండటం వలన , నాకు నిన్నటి ఆ ఆదుర్దా లేదు . ఈ రోజు నేను చూస్తున్న దృక్పధం మారింది . ఎలా ఇలా ఫీలవుతున్నాము ? అని ఆలోచించి ఆ స్పెషల్ కళ్ళ జోడు తీసి చూశా . మామూలు మూవీ చూస్తున్నట్లుంది . మరలా కళ్ళజోడు పెట్టుకొని చూస్తున్నా . ధియేటర్ సీలింగ్ లో అపుడపుడు కొన్ని లైట్లు వెలుగుతూ , కొన్ని కొంచెం ముందుకు వస్తూ వెనక్కి వెళ్ళిపోతున్నాయి . ఎందుకలా వస్తున్నాయని ఆలోచించి అలాగే పైకి చూస్తున్నాను . ఇంతలో కొన్ని లైట్స్ , ఇంకొన్ని పరికరాలు ముందుకు వచ్చి నీళ్ళు మనమీద స్ప్రెడ్ చేసి వెనక్కి వెళ్ళాయి . ఆ సమయంలో మూవీలో ఒక క్యారెక్టర్ మరో క్యారెక్టర్ మీద నీళ్ళు చల్లి వెళ్ళాయి . ఆ తర్వాతకొంచెం  సమయం తర్వాత ష్రెక్ మూవీలో రైడ్ చేస్తుంటే మనం కూర్చున్న కుర్చీలు కూడా ఊగుతున్నాయి . ఈ కుర్చీలకు కూడా టెక్నికల్ కనెక్షన్స్ అరేంజ్ చేయటంతో ఆ రేంజ్ లో దర్శనమిస్తున్నాయి . స్క్రీన్ మీద ఒక క్యారెక్టర్ మొరొక క్యారెక్టర్ మీద నిప్పు మంటలు చెలరేగిస్తుంటే , మన మీదకు ఆ నిప్పు మంటలు వస్తున్నట్లుంటాయి . ఇది కూడా ఆ సాంకేతిక పరిజ్ఞాన ప్రభావమే .ఇలాంటి అరేంజ్మెంట్స్ లేకుంటే అలాంటి అనుభూతులు మనకు అందవు కదా ! .   

అయితే ఒక్కటి ఇక్కడ చెప్పుకొని తీరాలి .

"   మనకు కూర్చొనే వీలు లేనప్పుడు , ఒక తొడ ఆనించే అవకాశం వస్తే బాగుండు అనుకొని , అలా అవతల వాళ్ళని అడుగుతాము ప్రయాణంలో . వాళ్ళు సరేలే అని , ఆ అవకాశం మనకు యిస్తే , మొదట కూర్చొని రిలాక్స్ అయి , ఆ తర్వాత మనం ఫ్రీగా కూర్చొనే ప్రయత్నాలు అతి ముమ్మరంగా చేస్తుంటాము . అంటే సూది మొనంత అవకాశం యిస్తే , దబ్బనం కాదు , గునపం పట్టేటంత వెడల్పు చేయటానికి సర్వ సన్నాహాలు చేస్తాం . ఇది మన మానవ నైజం . "

నేనూ మానవుడినే కనుక , నేనూ ఆ దిశగానే అడుగులు వేసి యిన్ని కొత్త విషయాలు తెలుసుకోగలిగాను . ఇంతకుముందు నాకు తెలియవు కనుక .

మొత్తానికి ఇది ఓ అద్భుతమైన ఆనందానుభూతే . అనుభవించి ఆనందం చెందాల్సిందే . కాకుంటే మనము అనుభవించేవి మనకెలా అందుతున్నాయో , అందిస్తున్నారో తెలుసుకొనటం మన కనీస ధర్మం .


  
                                                                                              *********

4 comments:

  1. నిశితంగా అన్నీ గమనించి చక్కని విషయాలు అందరికీ పంచుతున్నందుకు చాలా ఆనందంగావుంది..

    ReplyDelete
    Replies
    1. చాలా రోజుల తర్వాత మిమ్మల్ని నా బ్లాగులో చూస్తున్నాను .కృతజ్ఞతలు .

      Delete