రచన : శర్మ జీ ఎస్
అసలు స్వాతంత్ర్యం అంటే ఏమిటి ? ఎవరిష్టమైనట్లు వారు ఆనందంగా ఉండటం , ఎదుటివారి స్వేఛ్ఛకు యిబ్బంది కలిగించకుండా ఉండటం . ఇది ఆడవారికే కాదు , మగవారికి కూడా అవసరం .
" ఆడవాళ్ళు అర్ధరాత్రి నడిరోడ్డున నిర్భయంగా నడచి వెళ్ళిన రోజే అసలైన స్వాతంత్ర్యం అన్నారు " ఓ మహానుభావుడు .
ఇలా అనటంలో , మగవారికి స్వేఛ్ఛ ఇంతకుముందే వుందనా ? లేక ఎలాగైనా ( బలాత్కారంగా నైనా ) తీసుకోగలరనా ? అన్న సందేహం మన దేహాలలో వున్న మనసుకు పొడసూపుతుంది .
అంత కాదు గాని , పట్టపగలు , నట్టనడిబజారులో అత్యాచారానికి గురి కాకుండా వుంటే , స్వాతంత్ర్యం , వచ్చిందనుకుందాం , అలా అనుకోవటంలో తప్పు లేదు కూడా .
ఎవరో తెలియనివారో , తెలిసి చేసేవారో చేస్తున్న అత్యాచారాలకంటే , అనునిత్యం , అనుక్షణం ప్రక్కనే వుంటూ , మానసిక హింసకు గురి చేసే మ(ప )గ భర్తలున్నంతకాలం స్వాతంత్ర్యం వచ్చిందనగలమా ? అనుకోగలమా ?
స్వాతంత్ర్యం కావాలనుకోవటం మంచిదే . ఎలాంటి స్వాతంత్ర్యాన్ని మనం కోరుకోవాలో , అలా కోరుకోవటంలో మన విచక్షణ ఎంతైనా అవసరం అన్నది మనం అనుక్షణం గుర్తుంచుకోవాలి .
స్వాతంత్ర్యాన్ని కోల్పోతే కోల్పోయాం , కనీసం విచక్షణాజ్ఞానాన్నికోల్పోకుండా ప్రయతిద్దాం .
మన అందరిలో ఎన్నో లోపాలున్నా , ఎదుటివారిలోని మంచిని మనం నొచ్చుకోకుండా , మెచ్చుకొనగలగటం అలవాటు చేసుకొంటే , మన దేశాన్ని మనం పొగుడుతున్నవాళ్ళం అవుతాం , గౌరవించిన వాళ్ళమవుతాం .ఇలా మన దేశాన్ని గౌరవిస్తూ మన జీవనం మనం కొనసాగిస్తుంటే , మనమూ , మన దేశమూ , ప్రపంచదేశాలన్నింటిలో అత్యుత్తమమైన దేశంగా భాసించే అవకాశం వస్తుందని భావిద్దాం .
పైన చెప్పిన యిన్ని అవలక్షణాలున్న మనం ఈ దేశంలో వుంటూ మన దేశం బాగా లేదనుకోవటం , ఓ రకంగా మన మనసుని మనం మోసం చేసుకొంటున్నామని , ఆత్మవంచన చేసుకొంటున్నామని గ్రహించటం సబబేమో . కొంచెం ఆలోచించి చూడండి .
నిజమనిపిస్తే ఆ దిశగా అడుగులు వేయండి . అబద్ధమనిపిస్తే ఆమడ దూరంలో ఉండండి .
మీకు నచ్చిన విధానానంలోనే మీరు నడవండి .
ప్రత్యేకంగా ఈ దేశాన్ని ఎవరూ బాగుచేయలేరు .
కాకుంటే ఎవరికి వారు సన్మార్గంలో నడిస్తే , యాంత్రికంగా దేశం బాగుపడిపోతుంది . ఇంతే మనం చేయాల్సిందల్లా మనము సన్మార్గంలోకి మారితే చాలు ( గతంలో లేకుంటే ) .
*******
మీరు చెప్పినది నూటికి నూరుపాళ్ళు నిజం..చేశాన్ని నిందించాల్సిన పనిలేదు, మనం సర్వ లక్షణంగా వుంటే దేశం సుభిక్షమవుతుంది..
ReplyDeleteకృతజ్ఞతలు .
Delete